HOSEA 6:4 - WUKE SUSI WATTI'U AL᷊AL᷊USASSA

⁴ Arawe Mawu nabbisara, “Ei Israel wuṛṛu Yehuda! Apa rinone apan Ta'u olaanna si yamiu? Darangngunu si Ya'u mal᷊ihakka nawul᷊i ere ṛawu'a wuṛṛu angngukka su marua allo.

HOSEA 6:4 Referans Kwoze

HOSEA 13:3

Ana waugu udde manga taumata udde sarun mawual᷊i ere ṛawu'a ara'e angngukka su marua allo. I mangitou sarun maola'a ere awu raen amme apan nitiuppu anginna su paṛṛindanna gandumma, wuṛṛu ere timbulla apan sinumabbangnga wuassu sasabbangannu timbulla.

HOSEA 11:8

Mawu nabbisara, “Ei Israel, tawe mariaddi i'o Ta'u iwala ara'e Ta'u itantangnga. Wotongngewe i'o Ta'u ṛimunsaanna ere Adma? Ara'e Ta'u olaanna ere Zeboim? Tawe maola'a naung-Ku mapaammattu olangnge udde, ana waugu darangngu-U tumaniten bahewalla si yamiu!

MATIUS 13:21

Arawe watti'a udde tawe naṛṛamutta sulal᷊ummu naungngi mangitou, na'oman sara tawe tinumuwo mal᷊annu. Aroddi i mangitou naasomba asasusa ara'e asasansara ana waugu watti'a udde, i mangitou lapiddu nassinaadda.

YEREMIA 34:15

Manga pira allo nal᷊iu i yamiu namal᷊u pallal᷊agunu wuṛṛu inolaannu maal᷊uassa naung-Ku. I yamiu sarangkanambone nabbaidda mamallossu manga allangnga walahanni yamiu, wuṛṛu nangiittu paaire ringang-Ku sulal᷊ummu Wal᷊e-U.

YEREMIA 9:7

Ana waugu udde Mawu Apan Lembontaṛṛino nabbisara, “Ere logamma, uma-U sarun Ta'u sal᷊u'atanna tadea'u i mangitou maola'a tutune. Apa apan wotongnge Ta'u olaanna su saruannu uma-U apan buatte na'ola'a al᷊al᷊eo?

YEREMIA 5:23

Arawe puan kamiu maattikka wuṛṛu apulune lumawangnga; i yamiu buatte sinumewadda i Ya'u tinantangkeng kamiu.

YEREMIA 5:9

Apa tawe suṛṛinone i Ya'u makkuumannu walahanna ereudde wuṛṛu mabbal᷊issa anambon inolaanni mangitou?

YEREMIA 5:7

Mawu nabbisara, “Anio i Ya'u ṛinone mangampungnga manga rosan uma-U? I mangitou buatte nanantang-Ku wuṛṛu massubba wal᷊ine Ruata. I Ya'u mangngonggollu anna si mangitou ma'oman sara i mangitou mal᷊aidda, arawe i mangitou sinumandaga, wuṛṛu masokka mattembo wawine masandaga.

YEREMIA 3:19

Mawu nabbisara, “Israel, i Ya'u mappulu manengkamma si'o maola'a ana-U, wuṛṛu mangonggolla si'o wanua apan ma'al᷊uassa, wanua apan apianne su ahewallu runia. I Ya'u mappulu tadea'u i'o mamaggo si Ya'u iamangnga, wuṛṛu tate mangingkatta apia wua dingang-Ku.

YEREMIA 3:10

Napawe buatte na'ola'a sarangkanambone udde, Yehuda apan mal᷊awangnga udde mabbelengnga ringang-Ku arawe ringannu mammahia, ana waugu naungnge wengkolla. I Ya'u, Mawu, buatte nabbisara.”

HOSEA 7:1

Mawu nabbisara, “Suapan i Ya'u mappulu mangundamma uma-U Israel wuṛṛu mamelengngu ola'u pabbiaṛṛanni mangitou, ne apan Ta'u aellehanna tumba'u al᷊al᷊eo wuṛṛu rosan mangitou. I mangitou ual᷊al᷊inga, i mangitou sussutta su wal᷊en taumata maddea'a manna'o, wuṛṛu i mangitou mangngaṛṛo su manga lal᷊anna.

MAL᷊AṚṚUUNGNGA 3:12

Walahannu Israel na'ola'e rosa apia su lantakku hatin Mawu, na'oman sara Mawu na'ola'a si Eglon, ratun Moab, nabbal᷊i mattohasanna wuassu Israel.