HOSEA 5:2 - WUKE SUSI WATTI'U AL᷊AL᷊USASSA

² wuṛṛu naal᷊ihidda paṛṛabba apan mal᷊al᷊umma su Sitim. Ana waugu udde i Ya'u sarun makkuumanni i yamiu sarangkanambone!

HOSEA 5:2 Referans Kwoze

HOSEA 9:15

Mawu nabbisara, “Anambon al᷊al᷊eon mangitou nanattakka su Gilgal. Ete isudde i Ya'u nanattakke maddantinni mangitou. Ana waugu inolaanni mangitou apan dal᷊eo, i Ya'u sarun mallimbuakka si mangitou wuassu wanua-U indi. I Ya'u tate umakkanni mangitou apia, anambon piaṛṛa'i mangitou buatte nilumawangnga si Ya'u.

YESAYA 29:15

Nasilakate taumata apan mattinsahadda mammunin hol᷊age su Mawu! I mangitou ma'inolaanna ringannu mal᷊anna-l᷊annabba, wuṛṛu massunna manungku tawe saran sangkatou apan ua'ellega ara'e masingkattu inolaanni mangitou.

HOSEA 6:9

Manga imam su soa udde ere ammul᷊annu taumata taṛṛa ṛampassa apan mangngamo manga taumata sumabbi. Su lal᷊anna apan mattudda tampa susi su Sikhem i mangitou lai ma'ola'a pamamate! Anambon al᷊al᷊eo udde niola'i mangitou ringannu pattatudda.

SONDAPPA 3:19

Manga taumata apan arangnguang-Ku, ete i mangitou apan Ta'u tagguanna wuṛṛu wabbal᷊anna. Ana waugu udde ṛinone i yamiu maṛṛimadda mammanara, wuṛṛu awal᷊ute wuassu manga rosanu.

HOSEA 6:5

Ana waugu udde i Ya'u nandolokku manga nabi-U iapapasingkatta si yamiu laṛṛawe-U manungku i yamiu ṛinone iṛṛuumanna wuṛṛu pateanna. Apan ipaapulu-U wuassi yamiu nasemakke wuṛṛu natualage:

HOSEA 4:2

I mangitou nassalu arawe i mangitou tawe nanipussa; i mangitou nangawusu, mammate, manna'o wuṛṛu sussandaga. Al᷊al᷊eo aatambanna, wuṛṛu pamamate ual᷊al᷊isansunna.

YEREMIA 18:18

Taumata mabbisara, “Wette i ite ma'ammulle lumawangnga si Yeremia. Wal᷊ine tumba'u i tou apan botongnge maggahatton Duata. Sidutu sarun pia imam apan botongnge mangonggollu al᷊aṛṛa'a, pia taumata pande apan botongnge mangonggollu tatantiro; wuṛṛu pia nabi apan wotongnge mamasingkatta si ite manga tanata wuassu Ruata. Wette i ite mangalaen tou su mallaṛṛuungnga wuṛṛu lai maddirite maddaringikka manga wisarane.”

YEREMIA 6:28

I mangitou sarangkanambone lumal᷊awangnga apan maatikka puane, ere aattikku witu'a wuṛṛu atta'a. I mangitou ala'uanne mawukku'a wuṛṛu u'amatta suapan tampa mannal᷊iawukku watti'a apan mandal᷊eo taumata waine.

YEREMIA 5:3

Mangke atonna raddorongannu Mawu eteudde tatuṛṛutta. Mawu namuulla si yamiu, arawe i yamiu ma'ielen bagga. I tou nakkimunsa'a si yamiu, arawe i yamiu maddiri aṛṛaanna. I yamiu puane maattikka, wuṛṛu maddiri mawal᷊u wuassu manga rosanu.

YESAYA 1:5

Anio i yamiu sidutu mangke mannompolla? I yamiu mappulu iṛṛuumanna lembon awakkatanne lai? Puanu napeneten manga pinsulla, naungnga wuṛṛu ṛingirannu maradda'a.