HOSEA 4:9 - WUKE SUSI WATTI'U AL᷊AL᷊USASSA

⁹ Ne i yamiu sarun matataṛṛangnga ere lai tumanangnge! I ya'u sarun makkuumanni amiuuasul᷊ungngu manga inolaannu.

HOSEA 4:9 Referans Kwoze

YEREMIA 5:31

manga nabi mangngawusu, manga imam mangngimbe tumuṛṛuttu apulun naungnge sassane wuṛṛu i yamiu uma-U mappulun inolaanna udde. Arawe apa apan sarun olaanni yamiu napawe nia'omante allo panginsueanne?”

YESAYA 24:2

Anambon taumata sarun maapendamma pal᷊addu pabbiaṛṛanna apan uasul᷊ungnga: manga imam wuṛṛu ana'u wanua, allangnga awalli wuṛṛu ṛamawuanne, mabbawal᷊u'a wuṛṛu mamamalli, mabbawallassa wuṛṛu iapa mappawallassa, ala wuṛṛu asiangnga.

MATIUS 15:14

Ariete maddaringikka manga taumatan Farisi udde. I mangitou udde mangngehetta taumata wuta; wuṛṛu amungkangngu taumata wuta mangehetta taumata wuta, itarua sarun manawo sulal᷊ummu loṛṛangnga.”

ZAKARIA 1:6

Ringannu nappaattu manga nabi manga allang-Ku udde, i Ya'u namasingkattu manga parenta wuṛṛu manga tataggu su iupungngu al᷊amonanu. Arawe i mangitou tawe maddaringikka na'oman sara i mangitou ṛinone mamasanna pangillul᷊eanne. Wua'udde i mangitou sinumassilla wuṛṛu nanga'u manungku i Ya'u, Mawu Apan Lembontaṛṛino, buatte nakkuumanni mangitou uasul᷊ungngu pasasal᷊a mangitou, wuṛṛu uasul᷊ungngu apa apan buatte nitantung-Ku.”

HOSEA 9:9

Tumaniten dal᷊eo inolaannu ere buatte niola'u tamata su Gibea Ruata sarun mannaungnga pasasal᷊anu, wuṛṛu makkuumanni yamiu ana waugu rosanu.

HOSEA 8:13

I mangitou apulune mangngonggollu sasamba si Ya'u, wuṛṛu u'inassa ṛemessu sasamba udde, arawe i Ya'u Mawu, tawe mal᷊uassa ringannu manga sasamba udde. Orassa indi i Ya'u mannaungke rosan mangitou wuṛṛu makkuumanni mangitou ana waugu manga rosa udde; i Ya'u sarun mangirimmi mangitou mabelengnga apia su Mesir!

HOSEA 1:4

Mawu nabbisara si ya'u, “Saggoa'e arannu anangngu udde Yizreel ana waugu tate mal᷊annulai i Ya'u sarun makkuumannu ratun Israel ana waugu pamamate apan niola'i Yehu, al᷊amonane, su Yizreel i Ya'u sarun manguddussu pamamarentan papapulunni Yehu.

YESAYA 3:10

Mawu nabbisara, “Pasingkata'e su taumata apan matuṛṛutta si Ya'u manungku i mangitou sarun su lal᷊umanna'a wuṛṛu sal᷊amatta. I mangitou sarun maatemma wuan inasaharanni mangitou.

AMSAL 5:22

Rosan taumata lal᷊eo udde ere sedda apan ipannongnga taumata udde sassane.

AMSAL 12:14

Suapan taumata maasomba lal᷊antakku manga wisara wuṛṛu inolaanne; sangkatou-sangkatou onggol᷊annu wawal᷊inne ere buatte niolangnge.

HOSEA 7:2

Tawe saran paasa sinumambbi sulal᷊ummu ṛingiranni mangitou manungku i Ya'u sarun mannaungnga al᷊awo'u al᷊al᷊eo udde. Arawe manga rosan mangitou uapal᷊iwutta si mangitou na'oman sara i Ya'u naasilo ringannu matualaga.”

HOSEA 9:15

Mawu nabbisara, “Anambon al᷊al᷊eon mangitou nanattakka su Gilgal. Ete isudde i Ya'u nanattakke maddantinni mangitou. Ana waugu inolaanni mangitou apan dal᷊eo, i Ya'u sarun mallimbuakka si mangitou wuassu wanua-U indi. I Ya'u tate umakkanni mangitou apia, anambon piaṛṛa'i mangitou buatte nilumawangnga si Ya'u.

HOSEA 10:10

I Ya'u sarun mamangalo manga taumata apan marosa udde, wuṛṛu makkuumanni mangitou. Manga walahanna sarun maammulla tadea'u mado'appa si mangitou, wuṛṛu i mangitou sarun iṛṛuumanna ana waugu rosan mangitou apan manambo udde.

HOSEA 12:2

Al᷊awo'u saranapa apan niola'u taumatan Israel wuassu marua allo maddatingngu ṛabbi tawe gunane wuṛṛu olangnge maahohakka ere anginna ra'i. Pallal᷊inga wuṛṛu araṛṛagissa aatambanna suwallatti mangitou. I mangitou ma'ola'a manga paaire ringannu Asyur wuṛṛu nangapiddu lana watukku Mesir maola'a tatialan paggahahawe.”

AMSAL 11:31

Amungkangngu su runia indi taumata mapia lai sarun manarimmattu wawal᷊inne, natantunte taumata lal᷊eo wuṛṛu marosa sarun maasomba ṛuumanna.

YEHEZKIEL 44:10

Mawu nabbisara si ya'u, “I Ya'u sarun makkuumannu manga taumatan Lewi apan suadio'a ringannu manga taumatan Israel waine, apan buatte nanantang-Ku wuṛṛu massubba paal᷊uanna.

YEHEZKIEL 44:12

Arawe ana waugu i mangitou buatte na'ola'a lal᷊aghu pasasubba paal᷊uanna hunan walahannu Israel, wuṛṛu ringannu olangnge udde mangngapiddu walahanna udde sulal᷊ummu rosa, ne i Ya'u, Mawu Apan Atanggaṛṛanne, massalu manungku i mangitou ṛinone iṛṛuumanna.

HOSEA 12:3

Mawu uatahuanna hatto ringannu walahannu Yehuda; i Tou lai sarun makkuumannu Israel ana waugu pallal᷊aghun mangitou. I Tou sarun mabbal᷊issa inolaanni mangitou.