HOSEA 4:6 - WUKE SUSI WATTI'U AL᷊AL᷊USASSA

⁶ I yamiu, manga imam, tate maddaringikka si Ya'u, ne uma-U lai tate maddaringikka si Ya'u na'oman sara i mangitou nasilaka. I yamiu mannola'u manga al᷊aṛṛa-U. Nariaddi, i Ya'u sarunmanol᷊a'i yamiu, wuṛṛu manga anangu tawe Ta'u a'uanna maola'a manga imammu Mawu.

HOSEA 4:6 Referans Kwoze

YESAYA 5:13

Ana waugu udde uma-U apan waggan napa sarun ehetanna inai maola'a taumata niatawanna. Manga mamamiaṛṛa'a wuṛṛu tumana'u soa sarun mate amal᷊unusanna wuṛṛu amarouanna.

AMSAL 19:2

Araṛṛimadda ringannu tawe asingkatta, lal᷊eo; taumata apan uasasaṛṛawutta sarun ma'ola'a pasasal᷊a.

HOSEA 6:6

i Ya'u lembon maapulu i yamiu maaillal᷊a si Ya'u wuassi yamiu manambunna wuṛṛu mangonggollu sasamba si Ya'u.

HOSEA 4:1

Mawu pia gatto ringannu tumana'u wanua indi. Ei, Israel, paddaringikka apa apan niwisara-Ne, “Su wanua indi tawe tatuṛṛutta ara'e darangngu, wuṛṛu tumanangnge tawe manga'u i Ya'u udde Ruata.

MATIUS 15:8

‘Arendi wisaran Ruata: Manga taumata udde tumba'u massubba Si Ya'u ringannu manga wisara, arawe naungngi mangitou marau wuassia-U.

HOSEA 8:14

Taumatan Israel mapararisikku manga wal᷊en araratuanna, arawe i mangitou naabul᷊in Mandariaddi si mangitou. Taumatan Yehuda nanamba manga soa pia tanda batune, arawe i Ya'u sarun manossokku putungnga ipanoṛṛobba manga wal᷊en araratuanna wuṛṛu manga soan mangitou sara masue.”

YESAYA 17:10

Israel, i'o naabul᷊iten Duata apan nanal᷊amatta wuṛṛu mallu'adda si'o, naal᷊ihidda wowone watu apan matohassa. Mawal᷊i'a, i'o buatte nassuanna manga wailla hunan manga monganna.

YEREMIA 2:8

Manga imam taweddu maiwal᷊o suapa i Ya'u, Mawune. Manga mallaṛṛuungnga lai wagga isai Ya'u, manga tembonanne lai lullawangnga si Ya'u. Ringannu arannu Baal manga nabi mabbisara, wuṛṛu massubba paal᷊uanna apan tawe gunane.”

2 TAWARIKH 15:3

Tumaniten mal᷊annu Israel tawe maddaringikka Ruata apan naṛṛino, tawe manga tita apan tinuṛṛutanne, wuṛṛu lai tawe manga imam apan mangngangaṛṛa'a si mangitou.

HOSEA 13:6

Arawe napawe i yamiu uatane'e su wanua apan mapia, wuṛṛu i yamiu nal᷊aidda see naapendamma mal᷊uassa, i yamiu nabbal᷊i mawunga see naabuli-U.

YESAYA 1:3

Sapi maaillal᷊a tatahuanne, keledai maaillal᷊a tampan aannananne apan buatte nisaddian mawune, arawe uma-U Israel tawe; i mangitou tawe maatutukka.”

YEREMIA 4:22

Mawu nabbisara, “Woddo atonna uma-U udde, i mangitou tawe ma'aillal᷊a si Ya'u. I mangitou naal᷊ihidda al᷊aṛṛana'a lal᷊eo ringannu tawe pasasunna sarangkadio'a; matikko'a sulal᷊ummu al᷊al᷊eo, marau wuassu apapia.”

AYUB 36:12

Arawe amungkangngu i mangitou tawe maddaringikka, i mangitou sarun mate sulal᷊ummu awawoddo.

YEREMIA 5:21

“Paddaringikka, ei i yamiu taumata woddo wuṛṛu longonna! I yamiu pia mata arawe tawe maasilo, pia tal᷊inga arawe tawe maaringikka!

YESAYA 3:12

Uma-U sarun allangannu taṛṛa rea'a auntunganna wuṛṛu ipakkan taumata taṛṛa iṛṛuppa daṛṛa. Uma-U sarun ial᷊iwun manga piaṛṛangnge na'oman sara waggate lai dal᷊anna apan ṛinone amatanni mangitou.”

DARALO 119:139

Asasa'u erete waṛṛa sulal᷊ummu wadangku ana waugu see'u naabul᷊in al᷊aṛṛang-Ngu.

DARALO 119:61

Taumata lal᷊eo nantaingngu sedda si ya'u, arawe i ya'u tawe maabul᷊in tita-Nu.

MATIUS 15:14

Ariete maddaringikka manga taumatan Farisi udde. I mangitou udde mangngehetta taumata wuta; wuṛṛu amungkangngu taumata wuta mangehetta taumata wuta, itarua sarun manawo sulal᷊ummu loṛṛangnga.”

HOSEA 8:12

I Ya'u namoṛṛettu manambo atonna al᷊aṛṛa'a si mangitou, arawe sarangkanambone udde nitol᷊a'i mangitou ana waugu massunna tawe gunane si mangitou.

HOSEA 8:1

Mawu nabbisara, “Patuntingia'e tatialan pangalo! Seetta namangalo wanua-Ku naal᷊ihidda asiaṛṛe nangametta inanne! Uma-U nilumawangnga paaire-U ringanni mangitou, wuṛṛu nilumawangnga manga tatantiro-U.

HOSEA 4:12

I yamiu maddorongnga tatantiro wuassu alu sampaddi! Ta'inna sambua mammasingkatta si yamiu apa apan apulu singkatanni yamiu! I yamiu naal᷊ihidda sangkatou awingnga apan sussandaga; i yamiu nanantang-Ku wuṛṛu nanantillu watangannu su manga mawu waine.

HOSEA 2:13

I Ya'u sarun makkuumanni tou ana waugu manga allo apan nipaanne ipannambunnu amania si Baal, see nandiahi ringannu lal᷊ogakke tadea'u ipangenggenna manga arangnguanne, ana see i Ya'u mangke niabual᷊iananna atonna. I Ya'u, Mawu, buatte nabbisara.”

1 SAMUEL 2:12

Al᷊aṛṛana'i Eli tumaniten dal᷊eo atonna. I mangitou tawe maddaringikka Mawu

YESAYA 45:20

Mawu nabbisara, “Paasemodde wuṛṛu rantate suadio'a, i yamiu sarangkanambone apan nal᷊iu wuassu manga walahanna! Woddowe eteapa manga taumata apan mangngopassa paal᷊uanna alu, ara'e u'al᷊iomanna su manga monganna apan tawe maapanal᷊amatta.

YESAYA 27:11

Napawe manga rannane maṛṛagasse wuṛṛu napaddite, manga wawine rumantate wuṛṛu manganute alu udde ipallaha anna. Walahanna udde mangke tawe maasunna apa-apa, ne Ruata Mandariaddine tate umakkanna ara'e tumal᷊antuppi mangitou.

YESAYA 28:7

See lai manga nabi wuṛṛu manga imam wu'anna ana waugu tumanite manambo na'inumma anggore wuṛṛu tubba. I mangitou u'amatta lullallengge wuṛṛu mangke mattara ana waugu ṛingiranni mangitou nassongkakka. Manga nabi tate lai maasunna manga sondappa apan ia'onggollu Ruata si mangitou. Manga imam tate lai maaṛṛawessu manga hatto apan iappaola'a si mangitou.

DARALO 119:153

Pa'ellege asasusa'u wuṛṛu sal᷊amatewe i ya'u, ana waugu i ya'u tawe manantangngu tita-Nu.

AMSAL 10:21

Wisaran taumata apan mapia, maola'a al᷊amatta su anambon taumata; awawoddon taumata woddo mammate watanganne sassane.

YEHEZKIEL 44:23

Manga imam ṛinone mangaṛṛa'a uma-U tadea'u masingkatta mapaparala suapa apan niṛṛae si Ya'u wuṛṛu suapa tawe, suapa apan waresi tumuṛṛutu agama wuṛṛu suapa apan dal᷊eo.

HOSEA 4:14

Arawe i Ya'u sarun tawe makkuumannu inolaani mangitou udde, ana waugu i yamiu sassane lai inai ringannu manga sumasandaga apan mammanara su manga kuil wuṛṛu suaddio'a ringanni mangitou i yamiu mangngonggolu sasamba su monganna. Mangke atonna wisara indi: ‘Pabbawalaga apan tawe uatahuanna pasasunna su ola'u Ruata sarun maṛṛ'a.’

HOSEA 5:4

Al᷊al᷊eo apan niola'u taumatan Israel pangillul᷊eanne i mangitou tate mapabbelengnga ringannu Ruatan mangitou. I mangitou tataṛṛinoante pasasubba paal᷊uanna, na'oman sara i mangitou tate maddaringikka Mawu.

HOSEA 7:9

I mangitou tawe maatutukka manungku ete ana waugu pasasanggaal᷊oma ringannu manga walahanna udde, ne nawul᷊ite atatohassi mangitou. Panginsuenannu pabbiaṛṛanni mangitou maranite, arawe i mangitou wagga.

HOSEA 7:11

Israel uapapal᷊ele tawe atanaanne naal᷊ihidda merpati apan woddo. Paarororne manga taumatane naddorongnga sumbala su Mesir, wua'udde i mangitou tinumal᷊angnga ringannu Asyur!

DARALO 18:27

Su saruannu taumata apan susi I'o napal᷊iatta'u watangan-Nu susi, arawe taumata lal᷊eo paisaseetan-Nu.

YESAYA 29:12

Napawe iapidda ringannu taumata apan wuta huruppa, i tou sarun sumimbakka manungku i tou tawe maawasa.

HOSEA 9:17

Ruata apan ta'u a'imbeanna udde sarun manol᷊a'u uman-Ne, ana waugu i mangitou maddiri maddaringikka si Tou. I mangitou sarun lumallele suwallattu manga walahanna.