HOSEA 2:8 - WUKE SUSI WATTI'U AL᷊AL᷊USASSA

⁸ Inangngu taambe saran paassa manga'u manungku ete i Ya'u apan manggolla si tou gandumma, anggore, lanan zaitun, wuṛṛu al᷊awo'u wul᷊awanna sal᷊a'a apan ipappaanne ipassubba Baal udde.

HOSEA 2:8 Referans Kwoze

YESAYA 1:3

Sapi maaillal᷊a tatahuanne, keledai maaillal᷊a tampan aannananne apan buatte nisaddian mawune, arawe uma-U Israel tawe; i mangitou tawe maatutukka.”

HOSEA 13:2

Naddatingngu orassa indi manga taumatan Efraim udde ta'e sidutu ma'ola'a rosa; i mangitou mallanginnu manga paal᷊uanna sal᷊a'a tadea'u subbanna – paal᷊uanna apan niṛṛiinnu ṛingirannu taumata wuṛṛu nilanginnu liman taumata. I mangitou nabbisaram, “Pangongollen sasamba su manga paal᷊uanna indi!” Maaherangnga, taumata mangngari'a paal᷊uanna ana'u sapi!

HOSEA 8:4

Uma-U namile ratu ringannu tawe naddorongnga ṛingidda si Ya'u. I mangitou nanenegu piaṛṛa'a tawe niwal᷊o si Ya'u. I mangitou nanganu wul᷊awanna wuṛṛu sal᷊a'an mangitou wua'udde nallanginnu paal᷊uanna sassubbanna apan pangillul᷊eanne naola'a araṛṛimunsa'i mangitou sassane.

HOSEA 4:11

Mawu nabbisara, “Ei uma-U, mawae anggore tabbe ara'e anggore apan wakku buatte napaawul᷊in atatohannu ipaṛṛingidda ringannu mapia.

ROMA 1:28

Ana waugu taumata maddirite lai ma'illal᷊a Ruata, ne Ruata namalaten ṛingiddi mangitou malal᷊eo, na'oman sara i mangitou ma'ola'a manga inolaanna apan ṛinone tawe wotongnge olaanna.

LUKAS 15:13

Manga pira allo wua'udde ana'a atuarianne udde nabal᷊u'u wageangnge pussaane udde see inaite su wanua marau. Poiaroddi i tou nanginsuete roinne wuṛṛu mallal᷊umanna'e.

HABAKUK 1:16

Ana see soma udde nionggolli mangitou wuṛṛu niola'a sasamba, ana waugu ringannu soma udde i mangitou buatte naasomba wiakka manambo-nambo wuṛṛu mabbiakka su lal᷊umanna'a.

HOSEA 2:5

Inangngu sumasandaga apan tawe masili. I tou mabbisara, ‘I Ya'u sarun inai ringannu manga arangnguangku apan mangngonggolla si ya'u anna wuṛṛu ua'e, wol wuṛṛu linen, lanan zaitun wuṛṛu anggore.’

DANIEL 5:23

Tuangku mammungan batanganne su saruannu Mawu su surga wuṛṛu waṛṛani mandolokka mangapiddu manga mangko apan buatte niaṛṛo wuassu Wal᷊en Mawu. Ana see Tuangku wuṛṛu manga tembonanne, manga awingnga wuṛṛu manga nia'in Tuangku na'inumma wuassu manga mangko wul᷊awanna, sal᷊a'a, witu'a atta'a, alu wuṛṛu watu, manga monganna apan tawe maasilo ara'e maaringikka ara'e tawe maasunna. Tuangku tawe mangaddatta Ruata apan mannantunnu pabbiarṛṛanna wuṛṛu papaten tuangku manantunnu amatannu pabiaṛṛanni Tuangku.

YEREMIA 7:18

Manga al᷊aṛṛana'a mangngammullu alung kanna, ingana'a esakka makkunuttu putungnga, wuṛṛu ingana'a wawine mangngompengngu taponna olaanna kukisse ionggolla su monganna apan isassaggo mangitou Ratun Surga. Wuṛṛu tadea'u ipandal᷊eo naung-Ku, i mangitou lai nangonggollu anggore su manga mawu waine.

YESAYA 46:6

Taumata mammu'a dompetta wuṛṛu napasabbangu wul᷊awanne, ana see nanimbangu sal᷊a'ane su timbanganna. I tou nanewa pande ma'ola'a wul᷊awanna niapaola'a paal᷊uanna sassubbanna, wua'udde i tou massubba paal᷊uanna niolangnge.

MAL᷊AṚṚUUNGNGA 9:27

I mangitou inaite nani'o anggore su manga wawail᷊annu anggore, ana see niola'a ua'en anggore wuṛṛu na'ola'e andeangnga. I mangitou u'anna, ma'inumma su tampa passubbanna monganni mangitou lapiddu mantal᷊an Abimelekh.

HOSEA 10:1

Israel naal᷊ihidda punnu anggore apan wuane nabbelle'a. Lembon aatambanna awawantuge, lembon aatambanna mezbah apan niolangnge. Lembon manambo anna, lembon mapia lai manga palen paal᷊uanna apan sassubbanne.

TAHIUL᷊E 8:18

Naunge manungku tumba'u Mawu Ruatanu apan mangonggolu paa'ala udde si yamiu. Olangnge udde niola'i Tou ana waugu na'oman sara allo indi i Tou ta'e uaagassa su pa'aire apan niolangnge-Nge ringannu iupungngu al᷊amonanu.

YEHEZKIEL 23:41

Wua'udde itarua niuma'ianna su wowon tampa atatiil᷊anna apan maṛṛansanga. Su saruanne pia medda apan napenen anna ua'imbe, nasutta amania wuṛṛu lanan zaitun apan buatte Ta'u nionggolla si tarua.

DANIEL 3:1

Su sambau tempo Ratu Nebukadnezar nallanginnu sambau paal᷊uanna wul᷊awanna apan atanggakke 27 metere wuṛṛu al᷊alakke maranin 3 metere. I tou napararisikku paal᷊uanna udde su wawal᷊annu Dura su propinsi Babel.

HOSEA 13:1

Dorone ṛuanganni Efraim aaddatanna na'oman sara napawe pia parenta wuassu ṛuanganna udde, manga ṛuanganna waine su Israel matta'utta. Arawe ṛuanganni Efraim na'ola'a rosa ana waugu massubba si Baal, ana waugu udde i tou sarun namuli.

1 TAWARIKH 29:16

Oh, Mawu Ruatan kami, anambon saranapa apan maarega indi niammuli yami isindi ipandarisikku sambau wal᷊e-Nu tadea'u yami wotongnge mangaddatta aran-Nu apan susi. Arawe sarangakanambone udde nisengkammi yami wuassu Mawu sassane wuṛṛu eteudde pussa'a-Nu lai.

AYUB 19:8

Ruata nakkappingnga lal᷊angku, i ya'u tawe maal᷊iu, manga lal᷊angku niolang-Nge marandu-randumma.