HOSEA 2:23 - WUKE SUSI WATTI'U AL᷊AL᷊USASSA

²³ Sarun Ta'u olaanna uma-U mabbiakka su lal᷊umanna'a wuṛṛu mamanua su wanuan mangitou. Si mangitou apan isassago ‘Apan Tawe Niakkanna’ sarun Ta'u iapaal᷊iatta'a manungku i mangitou Ta'u arangnguanna, wuṛṛu si mangitou apan isassago ‘Wal᷊ine Uma-U’ sarun Ta'u iwal᷊o, ‘I yamiu Uma-U’. I mangitou sarun sumimbakka arendi, ‘Ete I'o Ruatan kami.’ ”

HOSEA 2:23 Referans Kwoze

ZAKARIA 13:9

Tumba'u sepeṛṛe tatallu apan masal᷊amatta. Wuṛṛu i mangitou sarun Ta'u iapaasusi ere taumata mannal᷊u'attu wul᷊awanna. Wua'udde i mangitou sarun umal᷊iomanna si Ya'u, wuṛṛu i Ya'u sarun sumimbakka si mangitou. I Ya'u sarun mabbisara si mangitou manungku i mangitou uddewe uma-Ku, wuṛṛu i mangitou lai sarun manga'u manungku ete i Ya'u Mawu Ruata mangitou.”

ROMA 3:29

Ara'e Ruata udde, tumba'u Ruatan taumatan Yahudi. Wal᷊inewe i Tou Ruatan walahanna waine lai? Ore atonna i Tou Ruatan walahanna waine lai!

ZAKARIA 2:11

Sutempo udde manambo walahanna sarun dumanta ringannu Mawu tadea'u maola'a uman-Ne. I Tou sarun matana'a suwallatti yamiu, wuṛṛu i yamiu sarun maasingkatta manungku Mawu buatte nandolo'u ringanni yamiu.

DARALO 22:27

Taumata asiangnga sarun umanna ma'oman sara mal᷊aidda; taumata apan rumanta ringannu Mawu sarun maddalo si Tou. Antimanna i yamiu su lal᷊umanna'a saran mal᷊annu-l᷊annu!

MALEAKHI 1:11

I Ya'u aaddatannu manga walahanna su ahewallu runia. Suapan tampa itattambunna amania iapangaddatta arang-Ku wuṛṛu nionggolla manga sasamba apan suṛṛinone, ana waugu anambon balahanna mangngaddatta si Ya'u!

HOSEA 1:6

Wua'udde awingku nanungkangken ana'i yami aruanne, sangkatou ana'a wawine. Mawu nabbisara si ya'u, “Hosea, anangngu udde aranne saggoa'e ‘Apan Tawe Nirangnguanna’, ana waugu i Ya'u tate lai mandangngu walahannu Israel, wuṛṛu mangke tate mangampungnga si mangitou.

YEREMIA 31:27

I Ya'u, Mawu, mabbisara manungku sarun a'omanna tempone wanua Israel wuṛṛu Yehuda Ta'u peneannu taumata wuṛṛu winatangnga.

YEREMIA 32:38

I mangitou sarun maola'a uma-U, wuṛṛu i Ya'u sarun maola'a Ruata mangitou.

DARALO 68:31

Limbuaṛṛete Mesir, winatangnga mal᷊aṛṛaga udde wuassu pattangngannu tiwo. Tagguete manga walahanna, ammul᷊annu bantenga udde ringannu al᷊aṛṛanangnge, apan ual᷊aṛinda tadea'u maasomba sal᷊a'a. Ruata nanal᷊iawukku manga walahanna apan apulune uapapangalo.

YEREMIA 16:19

Mawu, ete I'o apan ual᷊u'adda si ya'u wuṛṛu nangonggollu atatohassa si ya'u; I'o nantul᷊ungku sutempon asasusa. Manga walahanna wuassu pentakku runia sarun dumanta ringan-Nu wuṛṛu mabbisara, “Al᷊amonan kami tumba'u pia mawu awusu apan mangke tawe gunane.

DARALO 118:28

I'o Ruata'u, i ya'u maadiangkamanna Si'o, Ruata'u, i ya'u mamantuga Si'o.

ZAKARIA 14:16

Wua'udde anambon taumata apan ta'e wiakka suwallattu manga walahanna apan namangalo Yerusalem, sarun inai watukku soa udde massubba Ratu, Mawu Apan Lembontarṛṛino, wuṛṛu tadea'u maddamean Andeangngu Rasannu Rongnga.

ZAKARIA 14:9

Ne Mawu sarun mamarenta maola'a ratu su ahewallu runia; suapan taumata sarun massubba si Tou ere Ruata wuṛṛu maaillal᷊a si Tou ringannu aranna apan uasul᷊ungnga.

DARALO 72:16

Antimanna ganduma lumambalanna su ahewallu wanua, wuṛṛu manga wuidde napenen hessin sasuanna. Antimanna letange masuwukka ere Panenteannu Libanon, wuṛṛu tumana'u soane aatambanna naal᷊ihidda nannal᷊o su wadda'a.

ZAKARIA 10:9

Salaiwe i mangitou Ta'u isal᷊iawukka su pattangngannu manga walahanna, i mangitou sidutu uanaungnga si Ya'u poiaroddi. I mangitou sarun masal᷊amatta, aroddi lai al᷊aṛṛaanangnge wuṛṛu sarun mapul᷊e suadio'a watukku wanuane.

ANTARI MAWANTUGA 2:16

Tatuno naungku pussaa'u, wuṛṛu ia'i tatahuananne, i tou mallu'adda manga dombane suwallattu manga bunga hal᷊ohomma

HOSEA 8:2

Salaiwe i mangitou mannaggo-U Ruatan mangitou, wuṛṛu nabbisara manungku i mangitou uddewe uma-Ku apan masingka-U,

YESAYA 44:5

Sangkatou-sangkatou sarun manga'u watanganne pussa'a-U, wuṛṛu rumanta maammulla ringannu papapulunni Yakub. Sangkatou-sangkatou mammoṛṛetta su limane: Pussa'a Mawu, wuṛṛu mannaggon batanganne umattu Ruata.”

YAKOBUS 1:1

Manga tuṛṛangnga al᷊aṛṛana'u Ruata sarangkanambone apan uasal᷊iawukka su ahewallu runia! Tabea wuassi ya'u, Yakobus, allangngu Ruata wuṛṛu allangngi Yesus Kristus.

YEREMIA 33:26

aroddi lai Ya'u sarun sidutu uaaggassa pa'aire-U ringannu papulunni Yakub wuṛṛu ringannu allang-Ku Daud. Sangkatou wuassu papapulunni Daud sarun Ta'u pileanna mamarenta papapulunni Abraham, Ishak, wuṛṛu Yakub. I Ya'u sarun umakkannu uma-U, wuṛṛu ma'ola'a si mangitou su lal᷊umanna'a apia.”

YEHEZKIEL 36:29

I yamiu sarun Ta'u iliu wuassu al᷊awo'u al᷊al᷊eonu. I Ya'u sarun mangonggollu parenta su gandumma tadea'u tumuwo ringannu masuwukka ma'oman sara i yamiu tate lai aṛṛiaannu ṛutumma.