HOSEA 2:19 - WUKE SUSI WATTI'U AL᷊AL᷊USASSA

¹⁹ Israel, i'o sarun Ta'u olaanna awing-Ku, awingnga apan ṛinone saran mal᷊annu-l᷊annu. I'o sarun Ta'u iaakkanna wuṛṛu arangnguanna sidutu; i Ya'u sarun ma'ola'a pallal᷊agu matul᷊idda wuṛṛu satia.

HOSEA 2:19 Referans Kwoze

2 KORINTUS 11:2

I ya'u luṛṛintulunu, ere Ruata sassane lai luṛṛintulun kamiu. I yamiu ere sangkatou maṛṛuala apan ta'e susi wuṛṛu buatte nipa'ire'u iapaawingngu sangkatou umbasanna, eteudde Kristus.

SONDAPPA 21:2

Ne i ya'u naasilo soa susi udde, eteudde Yerusalem wakku, nonto'a wuassu surga wuassu Ruata. Soa udde suete nissaddia ere sangkatou ma'a'awingnga wawine nipeddetanna iapasasomba ma'a'awingnga esakka.

YESAYA 54:14

I'o niapararisikki su wowo mal᷊ita'u atatul᷊idda, niapaarau wuassu atata'utta wuṛṛu pangangallanga.

DARALO 85:10

Atonna, i Tou uariahite manal᷊amatta taumata apan ma'imanna, Ruata apan mawantuga sarun mamanua su wanuan kite.

ROMA 7:4

Aroddi lai yamiu, manga tuṛṛangku. Su titan agama Yahudi yamiu natete, ana waugu i yamiu buatte niapaaukka ringannu wadangngi Kristus wuṛṛu naola'a pussa'a-Ne apan suete niapaawiakka apia wuassu papate. I Tou niapaawiakka wuassu papate tadea'u i ite maola'a pia gunane su lantakku hatin Duata su al᷊o'engngu pabbiaṛṛani ite.

YOHANES 3:29

Ma'a'awingnga wawine tatahuanannu ma'a'awingnga esakka. Hawe maa'awingnga esakka udde tumba'u uarisikka su sandiṛṛanne wuṛṛu uararingikka, wuṛṛu i tou lulluassa napawe naaringikke tingikku maa'awingnga esakka. Aroddi lai ya'u. Orassa indi ya'u lembon lulluassa.

YEHEZKIEL 39:29

I Ya'u mallal᷊innu Ghaṛṛaho-U su walahannu Israel, wuṛṛu tawe manantangngi mangitou apia. I Ya'u, Mawu Apan Atanggaṛṛanne buatte nabbisara.”

YESAYA 1:27

Mawu udde matul᷊idda, ne i Tou sarun manal᷊amatta Yerusalem wuṛṛu manga taumatane apan sinumassilla.

YOEL 3:20

Su daṛṛan mangitou i Ya'u sarun mabbal᷊issa, iapa apan namate sarun mate lai Ta'u rasi'anna. Arawe Yehuda wuṛṛu Yerusalem sidutu sarun pia mamanuane, wuṛṛu Wowon Sion sidutu sarun atanaang-Ku.”

YESAYA 54:5

Mandariaddinu naola'a ere awingngu, Ruata na'ukkassu Israel uddewe Mananal᷊amannu. Mawu Apan Lembontaṛṛino, uddewe aran-Ne, i Tou Ruata uataṛṛino ahewallu runia.

YEREMIA 4:2

Amungkangngu i yamiu massalu ringannu arang-Ku wuṛṛu i yamiu mabbiakka su atatul᷊idda su apapia wuṛṛu atonna, ne anambon balahanna sarun sumal᷊ande si Ya'u tadea'u i Ya'u mangal᷊amatta si mangitou, wuṛṛu i mangitou sarun maddalo si Ya'u.”

YESAYA 54:6

Israel, i'o naal᷊ihidda sangkatou awingnga maṛṛuala apan massusa ana waugu nitantangngu iamangngu ana'a. Arawe Ruata namaggo si'o apia wuṛṛu nabbisara,

HOSEA 14:4

Asyur tawe mapanal᷊amatta si yami, wuṛṛu awal᷊on pangalo tawe maaontolla si yami. I yami tate lai maggahatton manga paal᷊uanna apan niola'i yami sassane manungku i mangitou Ruatan kami. Oh Mawu, I'o niumakkannu manga taumata apan tawe uatahuanna sisai-sai apan wotongnge ipangasakki mangitou.”

ZAKARIA 13:2

Su allo udde sarun Ta'u pappasanna arannu manga paal᷊uanna wuassu leta'a indi, na'oman sara tate saran sangkatou apan mannaungnga. Anambon taumata apan mangnga'u watanganne nabi sarun Ta'u limbuaṛṛanna suadio'a ringanni mangitou apan niasuttanu ghṛṛaho mallinga.