HOSEA 14:9 - WUKE SUSI WATTI'U AL᷊AL᷊USASSA

⁹ Taumatan Israel sarun mandammen manga paal᷊uanna apan sassubbanne; i mangitou Ta'u paddul᷊iananna wuṛṛu Ta'u daringiṛṛanna aal᷊iomanne. Naal᷊ihidda aaluanna apan uasaṛṛihalo rongngane, i Ya'u sarun manirungnga si mangitou. Ete i Ya'u punnu al᷊awo'u al᷊amatti mangitou. I Ya'u, Mawu, buatte nabbisara.”

HOSEA 14:9 Referans Kwoze

AMSAL 10:29

Mawu ual᷊u'adda taumata matul᷊idda, arawe mammate taumata inolaanne lal᷊eo.

DARALO 107:43

Antimanna taumata pande maṛṛingiddu anambon olangnge udde wuṛṛu manga'u manungku Mawu sidutu marangngu.

YOHANES 8:47

Taumata apan darantane wuassu Ruata, madaringikka wisaran Ruata. Arawe i yamiu wal᷊ine wuassu Ruata, ana waugu udde i yamiu maddiri madaringikka.”

DANIEL 12:10

Manambo taumata sarun iannamma wuṛṛu waresianna. I mangitou apan dal᷊eo sarun tawe maassunna wuṛṛu sidutu ma'ola'a al᷊al᷊eo; tumba'u i mangitou apan pande sarun maasunna.

ZEFANYA 3:5

Arawe Mawu ta'e su soa udde; i Tou sidutu ma'ola'a apapia wuṛṛu taweddu massal᷊a. Suapan marua allo i Tou sarun mangonggollu atatul᷊idda su uman-Ne. Arawe, taumata apan tawe maaillal᷊a atatul᷊idda su soa udde sidutu ma'ola'a al᷊al᷊eo ringannu tawe masili.

YEREMIA 9:12

I ya'u naiwal᷊o, “Mawu, anio wanua indi niwala maṛṛagassa wuṛṛu mamara ere wadda'u anne na'oman sara tateddu ummatta isudde? Apa piaddu lembon pande huna massunna sarangkanambone indi? Ete si sai I'o nangonggollu tal᷊aane tadea'u i tou wotongnge mamasingkatta su taumata waine?”

TAHIUL᷊E 32:4

Mawu mallal᷊u'addu apan matohassa, manara-Ne nasuungnga, wuṛṛu anambon dal᷊anne matul᷊idda. Ruatanu matammuda, tawe pallal᷊inga si Tou, I tou ma'ola'a apapia wuṛṛu mangke suṛṛinone.

YOHANES 18:37

Ne i Pilatus naiwal᷊o si Tou, “Amungkangngu aroddi, I'o indi ratu?” Mawu Yesus sinumimbakka, “I'o nabal᷊o manungku i Ya'u indi ratu. I Ya'u niasungkangnga wuṛṛu nirumanta su runia indi ringannu sambau pandumma, eteudde mangonggolu tatiala su ola'u atatul᷊idda. Taumata apan wuassu atatul᷊idda udde maddaringikka si Ya'u.”

YESAYA 26:7

Taumata mapia su lal᷊anna matul᷊idda, ana waugu I'o, Mawu, namu'a lal᷊anni mangitou.

DARALO 119:128

Ana waugu udde i ya'u mabbiakka uasul᷊ungngu anambon tatantiro-Nu, pallal᷊aghu apan wengkolla ipabbinsi'u.

DARALO 119:75

I ya'u masingkatta manungku raṛṛawen-Nu matul᷊idda oh Mawu, I'o buatte nakkuumangku ana waugu apapia-Nu.

PANDARIADDI 18:25

Ariewe manga taumata apan tawe sal᷊ane udde pateanna suadio'a ringannu taumata pia sal᷊ane. Arie Mawu! Ana waugu amungkangngu udde olaannu Mawu, taumata apan tawe sal᷊ane sarun iṛṛuumanna suadio'a ringannu taumata nassal᷊a. Tawe mariaddi mallaruungngu ul᷊ilin pati'uppa makkungnga tawe su atatul᷊idda!”

ROMA 7:12

Titan agama udde wuassu Ruata, wuṛṛu al᷊awo'u parenta sulal᷊ummu tita udde nirumanta wuassu Ruata, aroddi atul᷊ide wuṛṛu apiane.

YOHANES 15:24

Unnu wisara su pattangnganni mangitou i Ya'u tawe na'ola'a apa apan taambe niola'u taumata waine, i mangitou tawe dosane. Arawe orassa indi i mangitou suete naasilo apa apan suete niola-U, wuṛṛu i mangitou maddanting-Ku wuṛṛu maddantinnu Iamang-Ku lai.

YOHANES 9:39

Mawu Yesus nabbisara, “I Ya'u nirumanta su runia indi, makkuungngu taumata; tadea'u taumata wuta wotongnge maasilo, wuṛṛu taumata ma'asilo, maola'a wuta.”

LUKAS 7:23

Lal᷊umanna'a su taumata apan tawe pinangiananne ipanol᷊a-U.”

LUKAS 2:34

I Simeon nangal᷊amatta si mangitou wuṛṛu nabbisara si Maria, inangngu ana'a udde, “Ana'a indi suete nipilen Ruata sarun mamate wuṛṛu manal᷊amatta anambon taumatan Israel. I Tou sarun maola'a tatiala wuassu Ruata, apan sarun ipaseettu taumata nambo,

MATIUS 11:19

Orassa indi Ana'u Taumata, nirumanta – i Tou u'anna wuṛṛu ma'inumma; see manga taumata mabbisara, ‘Pa'ellega taumata udde! Wal᷊iu, taṛṛa wu'anna, hawene maddarorongnga wose, wuṛṛu hawene taumata marosa.’ Salaiwe aroddi, apapande Ruata niatialanna wuassu manga wuane.”

YEHEZKIEL 18:25

Asinungka piaddu mabbisara arendi, “Inolaannu Mawu na'al᷊iwu.” Paddaringikke, ei taumatan Israel! Apa manara-U niumal᷊iwu? Ete i yamiu apan naal᷊iwu.

YESAYA 1:28

Arawe manga taumata marosa apan lullawangnga Mawu sarun patean-Ne, wuṛṛu sarangkanambone apan nanantangngu Mawu sarun iapawinasa.

AMSAL 4:18

Dal᷊annu taumata lal᷊eo marandumma ere randummu ṛabbi. I mangitou natara wuṛṛu nanawo awagananna. Arawe lal᷊anna apan aamatannu taumata mapia mangke ere matannallo sussabbangnga; mallannu massemakka, sara panginsueanne mabbal᷊i masema-semakka.

DARALO 84:7

Tantal᷊anna i mangitou u'amatta su wawal᷊annu Baka, tampa udde niwal᷊un mangitou nabbal᷊i al᷊imatan kua'e, uranna paarorone nangonggolu al᷊amatta.

DARALO 84:5

Lal᷊umanna'a eteapa su taumata apan uatana'a su Wal᷊en-Nu, wuṛṛu sidutu mangngantarin daralo Si'o.

AYUB 17:9

Taumata mapia wuṛṛu tawe sal᷊ane, mangke mangngimanna ola'u wiakka apan ipaapulun Duata.

WATTI'U MANGA RASUL 13:10

wuṛṛu nabbisara, “Ei taṛṛa awusu, ana'u al᷊al᷊eo! I'o seettu al᷊awo'u apapia. Anio i'o tawe mangillol᷊o mandal᷊eo pandumannu Ruata, ipanal᷊amatta taumata?

SONDAPPA 15:3

Wuṛṛu i mangitou mangantari antari Musa, allangngu Ruata, wuṛṛu antarin Ana'u Domba. Arendi tingikke, “Mawu, Ruata Lembon Taṛṛino, tumaniten wahewalla wuṛṛu ma'atiangnga manga inolaan-Nu! Ratun al᷊awo'u walahanna tumaniten matul᷊idda wuṛṛu tawe sal᷊ane manga inolaan-Nu!

AMSAL 16:21

Taumata apande asingkatanna wuassu ṛingiranne apan matakko'a; pabbawisarane apan maawol᷊engnga, maaola'a manga wisarane lembon apangimananna.

YESAYA 17:8

I mangitou tate lai mangantimma hessin inolaanni mangitou sassane, eteudde manga mezbah tampa pananutunganna amania, wuṛṛu manga paal᷊uanni Dewi Asyera.

YEREMIA 29:12

Ne i yamiu sarun maiontolla si Ya'u. I yamiu sarun dumanta umal᷊iomanna si Ya'u, wuṛṛu i Ya'u sarun sumimbakka aal᷊iomannu.

YEHEZKIEL 11:18

Napawe i mangitou mapul᷊ete, i mangitou sarun mandammen anambon paal᷊uanna apan dal᷊eo wuṛṛu ma'arantinna apan niasombanganni mangitou.

YEHEZKIEL 36:25

Wua'udde i yamiu sarun Ta'u ṛente'annu ua'e matilangnga, tadea'u i yamiu mawaresi wuassu al᷊awo'u paal᷊uannu wuṛṛu wuassu al᷊awo'u manga apa apan buatte nandal᷊eo si yamiu.

ZAKARIA 10:6

“Tumana'u Yehuda sarun Ta'u tohasanna, umattu Israel sarun Ta'u iapaasal᷊amatta. Ta'u iapidda i mangitou mabbelengnga watukku wanuane ana waugu i Ya'u marangngu si mangitou. I mangitou sarun Ta'u olaanna ere walahanna apan tawe Ta'u niawusuanna. Ete i Ya'u Mawu Ruata mangitou, al᷊awo'u rosane sarun Ta'u ellehanna apia.