HOSEA 13:9 - WUKE SUSI WATTI'U AL᷊AL᷊USASSA

⁹ I Ya'u sarun makkimunsa'a si yamiu, ei walahannu Israel! Wuṛṛu isaite apan wotongnge mangontolla si yamiu?

HOSEA 13:9 Referans Kwoze

YEREMIA 2:17

I'o sassane apan namonse sarangkanambone apan nariaddi su watangannu, ana sutempo i'o Ta'u ni'ehetta su amatanna, i'o tinumal᷊iudda si Ya'u, Mawu Ruatanu.

YEREMIA 2:19

Al᷊al᷊eonu sassane apan makkuumannu, i'o nasusa ana waugu nanol᷊a-U, Ruatanu. Orassa indi pamendampe aroddi apettane wuṛṛu aṛṛagene amungkangngu i Ya'u tal᷊i'urannu wuṛṛu tawe addatannu. I Ya'u, Mawu Ruatanu buatte nabbisara; Ete i Ya'u Mawu Ruata Apan Atanggaṛṛanne wuṛṛu Lembontaṛṛino.”

TAHIUL᷊E 33:26

“Ore Israel! Tawe Mawu naal᷊ihidda Ruatanu; I Tou mammal᷊itaddu langitta ringannu awawantuga wuṛṛu nallassuta winabbawa tadea'u mangontolla si yamiu.

HOSEA 14:1

Samaria ṛinone iṛṛumanna ana waugu mandona nilumawangnga si Ya'u. Tumanangnge sarun mate sulal᷊ummu pangalo; al᷊aṛṛanangnge maradio'a sarun ilaranna, wuṛṛu manga wawine pia illoṛṛo waana tianne.”

YEREMIA 5:25

Arawe manga rosanu eteudde maola'a hal᷊ahe su al᷊awo'u apapia, na'oman sara i yamiu tawe maatemma udde.

MALEAKHI 1:9

Orassa indi, ei manga imam, annama'o paddorongnga su Ruata tadea'u i Tou umakkanni ite. I Tou sarun sumimbakka aal᷊iomannu, wuṛṛu pasasal᷊anu sassane.

HOSEA 13:4

Mawu nabbisara, “Ete i Ya'u Mawu Ruatanu, apan nagapiddi yamiu sinumabbangnga wuassu Mesir. I yamiu tawe uatahuanna Ruata waine tumba'u i Ya'u. Ete i Ya'u sassane apan nanal᷊amatta si yamiu.

YESAYA 3:11

Arawe nasilakate taumata lal᷊eo! I mangitou sarun olaanna ere lai i mangitou buatte na'ola'a taumata waine.

YESAYA 3:9

Ala'uanni mangitou apan mawunga mapal᷊iatta'u al᷊al᷊eon mangitou. Ringannu matualaga i mangitou narosate ere taumatan Sodom paarorone. Nasilakate i mangitou! I mangitou mandantan asasilaka su watanganni mangitou sassane.

AMSAL 8:36

Isai tawe maasomba si ya'u, mandugi watanganne sassane; taumata apan maddantingku, mandangngu papate.”

AMSAL 6:32

Arawe ereapate su manga esakka apan sussandaga? I tou manggohakku watanganne sassane! Tumanitewen boddo i tou!

DARALO 146:5

Lal᷊umanna'a su taumata apan mangngasakku Mawu Ruatane, wuṛṛu uatahuanna Ruatan Yakub matatul᷊ungnge.

DARALO 46:1

Daralon ṛuanganni Korah. Su piaṛa'u mangangantari. Ringannu ronsin Alamot.

DARALO 33:20

Ne i ite uaantimpe Mawu, ete i Tou matatul᷊unga wuṛṛu mananamba'a si ite.

TAHIUL᷊E 33:29

Lal᷊uassa si'o ei Israel! Tawe walahanna ere i'o niapasal᷊amattu Mawu. Mawu naal᷊ihidda hal᷊ele wuṛṛu allungnga si yamiu; ipanamba'a wuṛṛu ipangonggolu auntunganna si yamiu. Manga seennu sarun dumanta madorongnga aakkanna, wuṛṛu i'o sarun maṛṛinda si mangitou.”

YEREMIA 4:18

Yehuda, ete i'o sassane apan nandantan asasilaka udde su watangannu. Ola'u pabbiaṛṛannu wuṛṛu manga inolaannu naawawa anambon asasusa udde mangngusu'a naungngu.

MALEAKHI 1:12

Arawe i yamiu mallobbossa si Ya'u ana waugu massunna mezbah-U tawe ereggane, wuṛṛu mangngongngollu sasamba isudde anna apan nitol᷊a'i yamiu!

MALEAKHI 1:13

Wisarannu, ‘I ite nawusate ringannu sarangkanambone udde’, wuṛṛu i yamiu mangngaddio'a si Ya'u. I yamiu mangngapiddu winatangnga apan nita'o, winatangnga apan lome ara'e maradda'a tadea'u ionggolla si Ya'u. Su ṛingiddi yamiu i Ya'u manengkamma sasamba udde?

2 TAWARIKH 28:23

I tou nanilaka watanganne wuṛṛu tumanangnge ana waugu nangonggolu sasamba su manga mongannu taumatan Siria apan buatte namaddon tou. I tou maṛṛingidda, “Manga mongannu Siria buatte nassumbala manga ratun Siria, nariaddi amungkangu i ya'u mangonggolu sasamba si mangitou, asinungka i mangitou lai sarun umontolla si ya'u.”

HOSEA 7:14

I mangitou tawe atonna-tonna umal᷊iomanna si Ya'u. Amungkangngu i mangitou umal᷊iomanna, i mangitou mattingka wal᷊atta su tampan tattiil᷊anna, wuṛṛu lulluai ere a'olaannu manga taumata apan tawe mangimanna si Ya'u. Amungkangngu i mangitou umal᷊iomanna maddorongnga gandumma wuṛṛu anggore, i mangitou mallesa watanganne ere a'olaannu manga taumata apan massubba monganna. I mangitou atonna-tonna lullawangnga si Ya'u!

HOSEA 7:15

Salaiwe ete i Ya'u apan nabbuwunna wuṛṛu nanohassa si mangitou, arawe i mangitou naamulla lumawangnga si Ya'u.