HOSEA 13:15 - WUKE SUSI WATTI'U AL᷊AL᷊USASSA

¹⁵ Salaiwe Israel mabbiakka sulal᷊umanna'a ere nannal᷊o apan masuwukka, arawe i Ya'u sarun mandolokku anginna ra'i apan mal᷊oso wuassu wadda'a mamara. Anginna udde sarun mapamanaran anambon al᷊imatan kua'e wuṛṛu manga paṛṛihi, ma'oman sara mawul᷊ite sarangkanambone apan maarega.

HOSEA 13:15 Referans Kwoze

YEHEZKIEL 19:12

Arawe i tou niabuttu manga lima apan massa'u, wua'udde niema'a su leta'a. Anginna Ra'i tinumiuppa, naṛṛangute wuane apan mapia. Rannane napaddi, naṛṛangu see nitutungnga.

YEHEZKIEL 17:10

Atonna i tou i tou nasuante matohassa, arawe wotongnge i tou tumuwo sarangkal᷊o'enge see aatambanna? Wal᷊inewe i tou sarun tumolangnga napawe tiupannu anginna Ra'i? Wal᷊inewe i tou sarun maṛṛangu su tampa i tou nisuanna?”

YEREMIA 4:11

Tempone sarun dumanta taumatan Yehuda wuṛṛu tumana'u Yerusalem maasomba watti'a manungku anginna mal᷊oso wuassu wadda'u anne sarun tumiuppa watukku ringanni mangitou. Anginna udde wal᷊ine anginna wiasa apan tumba'u ma'atalla'u wal᷊a'a,

PANDARIADDI 49:22

I Yusuf naal᷊ihidda keledai saṛṛen tumuwo keledai matengnga maranin al᷊imatang kua'e, tuttatal᷊angnga su sendekku wowone.

PANDARIADDI 41:52

“Ruata buatte nangonggolu manga ana'a si ya'u sulal᷊ummu tempon asasusa'u,” ana see anangnge aruane nissago “i Efraim”.

NAHUM 2:9

Pangaṛṛote al᷊awo'u wul᷊awanna wuṛṛu sal᷊a'ane! Darotongngu soa indi mangke ete nilumbalanna!

HOSEA 10:1

Israel naal᷊ihidda punnu anggore apan wuane nabbelle'a. Lembon aatambanna awawantuge, lembon aatambanna mezbah apan niolangnge. Lembon manambo anna, lembon mapia lai manga palen paal᷊uanna apan sassubbanne.

HOSEA 9:11

Awawantugu Israel sarun tumalla'a mawuli ere manu'u winalanganna; tatedau lai apan sarun pia illoṛṛo, wuṛṛu taweddu manga ana'a apan iasungkangnga.

HOSEA 4:19

Ana waugu udde i mangitou sarun mawul᷊i ere nitiuppu anginna. I mangitou sarun maasomba asasili ana waugu manga sasamba apan nionggoli mangitou su manga monganna.

DANIEL 11:8

Sutempo udde i tou nabbelengnga watukku Mesir, i tou sarun mangapiddu paal᷊uannu mongannu seenne wuṛṛu saranapa wul᷊awanna wuṛṛu sal᷊a'a apan buatte nionggolla su monganna udde. Manga pira tonna al᷊annune i tou tate mamangalo ratun banua sawannakka.

YEREMIA 51:36

Ana waugu udde Mawu nabbisara su tumana'u Yerusalem, “I Ya'u sarun manahekku hattonu wuṛṛu mabbal᷊issa inolaannu manga seennu si'o. Manga al᷊imatang kua'e wuṛṛu manga sal᷊ukku Babel sarun Ta'u iapaamara.

YEREMIA 20:5

Seetti mangitou sarun Ta'u iwala lai mangaṛṛo wuṛṛu mangapidda watukku Babel anambon paa'alan soa indi, see lai anambon pussa'ane, ewe'e lai manga saranapa pussa'an ratun Yehuda.

YESAYA 41:16

I'o sarun mattappa si mangitou, wua'udde i mangitou italla'u anginna wuṛṛu isal᷊iawukku anginna wahewalla. I'o sarun lumuassa ana waugu i Ya'u, Mawu, wuṛṛu lumala'a ana waugu i Ya'u, Ruatan Israel.

YESAYA 17:13

I mangitou inaite naal᷊ihidda manawangnga apan bahewalla. Arawe Ruata namansaggi mangitou, ana see i mangitou tinumal᷊angngu watanganne sara marau. I mangitou nienggenanna naal᷊ihidda wal᷊a'a su welen buidda itattalla'u anginna, ara'e awu nitiuppu al᷊isusu.

YESAYA 14:21

Pallaṛṛata malihakke itattakka! Manga parinsinu sarun mate ana waugu rosan al᷊amonan mangitou. Tawe saran sangkatou wuassi mangitou apan mamarenta su runia ara'e mapararisikku manga soa.”

DARALO 109:13

Wala'e anambon papapulunne ṛaddaanna, wuṛṛu aranne timbul᷊ianannu pal᷊awanna manansunna.

DARALO 1:4

Arawe taumata lal᷊eo: i tou naal᷊ihidda wal᷊a'a apan pinassal᷊iawuku anginna.

AYUB 18:16

Manga ṛamunne namara wuṛṛu naal᷊umpissa; manga rannane naṛṛangu wuṛṛu naaṛṛiunnudda.

TAHIUL᷊E 33:17

I Yusuf uatahuanna atatohassu sambau bantenga, wuṛṛu tatandu'u sapin ahuranganna esakka eteudde su ṛiwune Manasye wuṛṛu su pul᷊o ṛiwune Efraim. Manga walahanna nihesangnge wuṛṛu nilimbuaṛṛanni mangitou naddatingngu manga pentakku runia.”

PANDARIADDI 48:19

Arawe iamangnge nanol᷊a'a, “I ya'u masingkatta, ana'u, i ya'u masingkatta. I Manasye sarun bahewalla taṛṛinone wuṛṛu papapulunne lai sarun mabbal᷊i balahanna apan bahewalla. Arawe tuarine lembon maggewal᷊anna lai taṛṛinone wuassi tou, wuṛṛu papapulunnu tuarine sarun maola'a walahanna apan bahewalla.”

PANDARIADDI 41:6

Wua'udde tinumuwote lai pitun rae gandumma waine, apan maṛṛisitta wuṛṛu tinumolangnga ana waugu anginnu wadda'a.

YESAYA 27:8

Mawu nakkuumannu uman-Ne ringannu nandamme mangitou watukku wanua awagananna. I Tou nallimbuakka si mangitou ringannu anginna lal᷊eo wuassu ra'i.

YEREMIA 4:12

ewe'e anginna apan ma'ikkatta nirumanta wuassu parenta Mawu sassane ipakkuumannu uman-Ne.

YEREMIA 51:1

Mawu nabbisara, “I Ya'u sarun mandolokku anginna daromba apan tumiuppa watukku Babel wuṛṛu ringannu tumanange.

HOSEA 2:3

Amungkangngu i tou sidutu sussandaga, i Ya'u sarun malluatta laungnge tadea'u i tou matantol᷊e ere lai sutempo i tou siasungkangnga. Sarun Ta'u olaanna i tou ere leta'a mamara wuṛṛu maṛṛasa, ne i tou sarun mate amarouanna.

YUNUS 4:8

Napawe matannallo sinumabbangke, Ruata nandantan anginna mal᷊oso apan nattiuppa wuassu ra'i. Yunus maraniten napinsanna ana waugu niaṛṛinoannu samakku matannallo apan ereola'u mannutungnga puane. I tou tate ṛingidda wuṛṛu mappulute mate. Wisarane, “Mappianne i ya'u mate sul᷊ungnge wiakka!”

PANDARIADDI 41:23

Ana see tinumuwo lai pitun rae gandumma apan maṛṛasa wuṛṛu tinumolangnga ana waugu anginnu wadda'a.