HOSEA 12:5 - WUKE SUSI WATTI'U AL᷊AL᷊USASSA

⁵ I tou nallaṛṛawa'u ringannu sangkatou mala'ekatta, wuṛṛu i tou naauntungnga. Wua'udde i tou nilumuai wuṛṛu naddorongnga al᷊amatanna. Wua'udde su Betel, Ruata nirumanta ringanni Yakub al᷊amonan kite udde, wuṛṛu naggahatton tou.

HOSEA 12:5 Referans Kwoze

SASABANGNGA 3:15

Pasingkata'a lai si mangitou manungku i Ya'u, Mawu, Ruatan iupungngu al᷊amona mangitou, Ruatan i Abraham, i Ishak wuṛṛu i Yakub, nandolokku ringanni mangitou. Ete i Ya'u Mawu, eteudde arang-Ku saran mal᷊annu-l᷊annu. Eteudde pananagoang-Ku su anambon balahannu maṛṛana'a mappulunna.

YESAYA 42:8

Ete i Ya'u Mawu, uddewe arang-Ku; awawantu-Ku tawe Ta'u ionggolla sisai-sai; atattelengngu arang-Ku tawe Ta'u itantilla su paal᷊uanna.

DARALO 135:13

Oh Mawu, I'o sidutu iapappasingkatta, wuṛṛu aran-Nu nannaungannu anambon papapulunna,

PANDARIADDI 32:30

Wua'udde i Yakub nabbisara, “I ya'u buatte nassomba uahahati ringannu Ruata, wuṛṛu i ya'u ta'e wiakka.” Ana waugu udde tampa udde nissagon tou Pniel.

PANDARIADDI 28:16

Ana see i Yakub natimpu'ote wuassu atatiille wuṛṛu nabbisara, “Mawu udde isindi, su tampa udde, wuṛṛu wakkute orassa indi ya'u naasingkatta!”

DARALO 30:4

I'o nalliu'u wuassu runian papate, wuṛṛu namiakka si ya'u wuassu wallatu manga taumata nate.

PANDARIADDI 35:9

Napawe i Yakub nabelengke wuassu Mesopotamia, Ruata naipasilon batangan-Ne apia si tou wuṛṛu nangal᷊amatta si tou.