HOSEA 12:2 - WUKE SUSI WATTI'U AL᷊AL᷊USASSA

² Al᷊awo'u saranapa apan niola'u taumatan Israel wuassu marua allo maddatingngu ṛabbi tawe gunane wuṛṛu olangnge maahohakka ere anginna ra'i. Pallal᷊inga wuṛṛu araṛṛagissa aatambanna suwallatti mangitou. I mangitou ma'ola'a manga paaire ringannu Asyur wuṛṛu nangapiddu lana watukku Mesir maola'a tatialan paggahahawe.”

HOSEA 12:2 Referans Kwoze

MIKHA 6:2

Ei manga wowone, ei manga wantan dunia, paddaringikke aansillu Mawu! I Tou pia gatto ringannu Israel uman-Ne wuṛṛu manassu si mangitou.

HOSEA 4:1

Mawu pia gatto ringannu tumana'u wanua indi. Ei, Israel, paddaringikka apa apan niwisara-Ne, “Su wanua indi tawe tatuṛṛutta ara'e darangngu, wuṛṛu tumanangnge tawe manga'u i Ya'u udde Ruata.

YESAYA 10:6

I Ya'u nandolokku Asyur niapapangalo pabbawala-U apan massinaadda wuṛṛu ma'ola'a si Ya'u nasa'u. I Ya'u nanddolokku Asyur iapaaṛṛo wuṛṛu iapata'o se'e iapaṛṛinda pabbawala-Ku ere awu su lal᷊anna.”

GALATIA 6:7

Arie awahianna. Ruata tawe ianalangnga! Apa apan isuanna eteudde lai apan itinganna.

ROMA 2:6

Ana waugu Ruata sarun mabal᷊issa anambon taumata uassul᷊ungngu inolaanne.

MATIUS 16:27

Tate mal᷊annu lai Ana'u Taumata, su sampunna ringannu manga mala'ekanNe, sarun dumanta ringannu taṛṛinon IamangNge. Su tempo udde i Tou sarun mabbal᷊issa manga taumata tumuṛṛuttu inolaannu sangkatou-sangkatou.

HOSEA 8:13

I mangitou apulune mangngonggollu sasamba si Ya'u, wuṛṛu u'inassa ṛemessu sasamba udde, arawe i Ya'u Mawu, tawe mal᷊uassa ringannu manga sasamba udde. Orassa indi i Ya'u mannaungke rosan mangitou wuṛṛu makkuumanni mangitou ana waugu manga rosa udde; i Ya'u sarun mangirimmi mangitou mabelengnga apia su Mesir!

HOSEA 4:9

Ne i yamiu sarun matataṛṛangnga ere lai tumanangnge! I ya'u sarun makkuumanni amiuuasul᷊ungngu manga inolaannu.

HOSEA 2:13

I Ya'u sarun makkuumanni tou ana waugu manga allo apan nipaanne ipannambunnu amania si Baal, see nandiahi ringannu lal᷊ogakke tadea'u ipangenggenna manga arangnguanne, ana see i Ya'u mangke niabual᷊iananna atonna. I Ya'u, Mawu, buatte nabbisara.”

YEREMIA 25:31

Naddatingngu pentakku runia tingik-Ke nunnalunna; Mawu na'ola'a hatto su saruannu manga walahanna. Anambon taumata sarun parikisanna wuṛṛu iapa lal᷊eo sarun iṛṛuumanna pateanna.’ ”

YESAYA 59:18

I tou nabbal᷊issa manga seen-Ne uasul᷊ungngu inolaanni mangitou. Ewe'e lai manga araratuanna su manga taṛṛanusa apan marau tawe mal᷊iudda wuassu ṛuuman-Ne.

YESAYA 24:21

Sutempo udde Mawu sarun makkuumannu manga tembonannu winalanganna wuṛṛu manga ratu su runia.

YESAYA 10:12

Arawe Mawu nabbisara, “Amungkangngu apa apan Ta'u olaanna su Wuiddu Sion wuṛṛu Yerusalem udde nuddusse, i Ya'u sarun makkuumannu ratun Asyur ana waugu awawungane wuṛṛu atatanggakke.”

YESAYA 3:11

Arawe nasilakate taumata lal᷊eo! I mangitou sarun olaanna ere lai i mangitou buatte na'ola'a taumata waine.

HOSEA 9:9

Tumaniten dal᷊eo inolaannu ere buatte niola'u tamata su Gibea Ruata sarun mannaungnga pasasal᷊anu, wuṛṛu makkuumanni yamiu ana waugu rosanu.

HOSEA 7:2

Tawe saran paasa sinumambbi sulal᷊ummu ṛingiranni mangitou manungku i Ya'u sarun mannaungnga al᷊awo'u al᷊al᷊eo udde. Arawe manga rosan mangitou uapal᷊iwutta si mangitou na'oman sara i Ya'u naasilo ringannu matualaga.”

HOSEA 9:15

Mawu nabbisara, “Anambon al᷊al᷊eon mangitou nanattakka su Gilgal. Ete isudde i Ya'u nanattakke maddantinni mangitou. Ana waugu inolaanni mangitou apan dal᷊eo, i Ya'u sarun mallimbuakka si mangitou wuassu wanua-U indi. I Ya'u tate umakkanni mangitou apia, anambon piaṛṛa'i mangitou buatte nilumawangnga si Ya'u.

AMOS 2:4

Mawu nabbisara, “Taumatan Yehuda masokkate ma'ola rosa, ana waugu udde i Ya'u sarun makkuumanni mangitou. I mangitou nilumawangnga manga parenta-U wuṛṛu tawe maddaringika manga al᷊aṛṛa-U. I mangitou nilamamiṛṛannu manga mawu waine apan sassubbannu al᷊amonan mangitou.

2 MARARATU 17:4

Arawe su sambau tempo, i Hosea nandolokku daroloṛanna ringanni So ratun Mesir nadorongnga sasumbala. Ana see i Hosea naddote namaekka wose suapan tonna su Asyur. Napawe i Salmaneser naasingkata pallal᷊agun Hosea udde, i tou nanametta si Hosea wuṛṛu nitaṛṛo sulal᷊ummu tuttupanna.

DARALO 78:36

Arawe i mangitou namahia si Tou, manga wisaran mangitou awusu wara'a.

MANNANASE 5:15

Udde mangke maasusa atonna! I ite inai ere lai sutempo orassa indi nirumanta. I ite mattinsahadda mangngenggenna anginna, wuṛṛu apa hessine?

YESAYA 30:6

Arendi tanata Mawu su ola'u manga winatangnga apan uatana'a su leta'u timukka, “Manga daroloṛṛanna malluranna keledai wuṛṛu unta mangitou ringannu manga aonggolla, se'e sumabbi manga wageangngu leta'a apan napenen asasilaka, apan atatanaannu singa, atoanna mawisa, wuṛṛu naga pia papaidde. Manga aonggolla udde nionggolli mangitou su sambau walahanna apan tawe maatul᷊ungngi mangitou.

HOSEA 7:1

Mawu nabbisara, “Suapan i Ya'u mappulu mangundamma uma-U Israel wuṛṛu mamelengngu ola'u pabbiaṛṛanni mangitou, ne apan Ta'u aellehanna tumba'u al᷊al᷊eo wuṛṛu rosan mangitou. I mangitou ual᷊al᷊inga, i mangitou sussutta su wal᷊en taumata maddea'a manna'o, wuṛṛu i mangitou mangngaṛṛo su manga lal᷊anna.

HOSEA 7:11

Israel uapapal᷊ele tawe atanaanne naal᷊ihidda merpati apan woddo. Paarororne manga taumatane naddorongnga sumbala su Mesir, wua'udde i mangitou tinumal᷊angnga ringannu Asyur!

HOSEA 8:9

Naal᷊ihidda keledai matengnga apan mabbu'attikka, aroddi lai manga taumatan Israel tuttuṛṛutta apulune sassane. I mangitou madde'a sasumbala wuassu Asyur, wuṛṛu namalli paggahahawe su manga walahanna waine.

HOSEA 8:10

Salaiwe aroddi i Ya'u sarun mangammulla wuṛṛu makkuumanni mangitou. Tate mal᷊annu lai i mangitou sarun sumaliomannu atataddu'a, napawe i mangitou allangannu ratun Asyur.