HOSEA 11:10 - WUKE SUSI WATTI'U AL᷊AL᷊USASSA

¹⁰ Mawu nabbisara, “Uma-U sarun tumantalongnga si Ya'u napawe i Ya'u mamiṛṛinganna ere singa wuṛṛu mammata'utta seetti mangitou. Uma-U sarun masasaṛṛawutta rumanta wuassu samba'a waṛṛatta tadea'u massubba si Ya'u.

HOSEA 11:10 Referans Kwoze

AMOS 1:2

Eteindi apan niapasingkatti Amos, “Mawu mangngintul᷊i wuassu Wuiddu Sion, tingik-Ke maddallu'a wuassu Yerusalem. Manga wadda'u nannal᷊o nabbal᷊i lol᷊okka, nannal᷊o su Wowon Karmel naṛṛangu naṛṛagassa.”

YOEL 3:16

Mawu u'ui wuassu Sion, wowonen Tou; wuasu Yerusalem nirumallu'a tingik-Ke. Langitta wuṛṛu runia niumio'a ana waugu i Tou. Arawe Mawu sidutu sarun mannamba'a wuṛṛu manirungnga Israel, uman-Ne.

YESAYA 31:4

Mawu nabbisara si ya'u, “Naal᷊ihidda singa sussaṛṛandanga mangngal᷊addu pabbawiakke wuṛṛu tawe apata'utannu aintul᷊i wuṛṛu a'uin ammul᷊annu mallal᷊u'adda winatangnga apan nasaddiate mando'appa si tou, aroddi lai i Ya'u sarun mamangalo wuṛṛu manahekku Wuiddu Sion.

YEREMIA 25:30

Sarangkanambone apan buatte Ta'u niwal᷊o si'o, ṛinone iapasingkannu. Wal᷊oa'e si mangitou, ‘Tingikku Mawu ruddallu'a wuassu surga; wuassu araratuan-Ne apan na'ukkassa i Tou ruddallu'a mando'appa uman-Ne. Anambon tumana'u runia naaringikka i Tou nanggoressa naal᷊ihidda mammamanara apan mammakkan anggore sutampa paṛṛindanna anggore.

YEREMIA 31:9

I mangitou u'amatta ringannu allo mata apan mappinapi, Ta'u niwinalatanna wuṛṛu Ta'u niehetta i mangitou. Ta'u niapidda i mangitou niumamattu tampa apan manambo ua'ene, niummatta su lal᷊anna ratakke su tampa i mangitou tawe matara. Su Israel, i Ya'u maola'a Iamangnga; Efraim uddewe ana-U pahul᷊une.”

YESAYA 64:2

naal᷊ihidda putungnga mappaṛṛenggamu alu wuṛṛu napahoggokku ua'e. Papal᷊iattaa'e taṛṛino-Nu su manga seen-Nu, na'oman sara manga walahanna mangngiladda su saruan-Nu.

2 PETRUS 2:10

lembonete su manga taumata apan tuttuṛṛuta apulun naungngi mangitou apan lal᷊eo wuṛṛu mangal᷊uandaga taṛṛinon Duata. Aroddi awaṛṛanine wuṛṛu awungane manga huru awusu udde na'oman sara i mangitou tawe go'ane mangal᷊uandaga manga riaddianna apan mawantuga sara lai su surga!

ROMA 8:1

Orassa indi tate lai ṛuumanna si mangitou apan mabbiakka su sambau ringannu Mawu Yesus.

WATTI'U MANGA RASUL 24:25

Arawe napawe i Paulus nanassukku wisarane su ola'u atatul᷊idda wuṛṛu asasabare wuṛṛu su ola'u pallaṛṛuumanna su allong kiamatta, i Feliks nata'utta see nabbisara, “I'o wotongngete mapul᷊e orassa indi. I ya'u sarun mamago si'o apia amungkangngu pia tempone.”

YOHANES 8:12

Mawu Yesus nabbisara apia su taumata nambo udde, wisara-Ne, “Ete i Ya'u asasemakku runia. Taumata apan tumantalongnga si Ya'u tawe umamatta su ararandumma, arawe maatahuanna asasemakku pabbiaṛṛanna.”

ZAKARIA 10:12

I Ya'u sarun manohassa uma-U, i mangitou sarun matuṛṛutta wuṛṛu mattaṛṛamawu si Ya'u. I Ya'u, Mawu, buatte nabbisara.”

ZAKARIA 8:7

I Ya'u sarun manal᷊amatta uma-Ku wuassu manga wanua sutampa i mangitou niṛṛootta,

HABAKUK 3:16

Naaringikka udde, naungku mangngiladda wuṛṛu wiwi'u mangngindo. I ya'u nabbal᷊i lome tate ikkata, ledda'u mattara, suapa i ya'u umamatta. I ya'u sarun maṛṛaddo ringannu matammudda ṛuumannu Ruata su taumata mammangalo.

MIKHA 4:5

Suapan walahanna su wowon dunia massubba wuṛṛu tuttuṛṛutta su monganne sassane. Arawe i ite sarun tumuṛṛutta su Mawu Ruatan kite wuṛṛu massubba si Tou saran mal᷊annu-l᷊annu.

AMOS 3:8

Amungkangngu singa mammassingnga, isaite apan tawe mata'utta? Napawe Mawu Apan Atanggaṛṛanne mabbisara, isai apan wotongnge mal᷊annabba wuṛṛu tawe masingkattu tanata-Ne?

AMOS 3:4

Apa singa su mahurangnge mammassingnga, amungkangngu i tou taambe naasomba inassa? Apa ana'u singa mammasingnga sulal᷊ummu loṛṛangnge amungkangngu i tou taambe naasametta manga apa?

HOSEA 3:5

Arawe sarun dumanta tempone walahannu Israel mabbelengnga ringannu Mawu Ruatan mangitou, wuṛṛu ringannu ratun mangitou wuassu papapulunni Daud. Ana see i mangitou sarun mata'utta wuṛṛu mangadatta Mawu, see manengkamma manga al᷊aman-Ne.

YEREMIA 33:9

Yerusalem sarun maola'a al᷊al᷊uassa wuṛṛu ilallala-U. Al᷊awo'u walahanna su runia sarun mata'utta wuṛṛu matal᷊o see mangaddatta si Ya'u, napawe maaringikka ola'u apapia apan Ta'u niola'a su tumana'u Yerusalem, wuṛṛu su ola'u lal᷊umanna'a apan Ta'u nionggolla su soa udde.”

YEREMIA 7:9

I yamiu manna'o, mammate, sussandaga, mattiala awusu, mangngongollu sasamba si Baal, wuṛṛu massubba manga monganna apan awagananni yamiu.

YEREMIA 7:6

Ariete lai mangallangnga taumata raho, ana'a asisitimpal᷊ussa, wuṛṛu manga wawine wal᷊u. Arie mamate taumata apan tawe sal᷊ane su wanua indi. Imbaṛṛangnga massubba manga mawu waine, ana waugu olangnge sarun maapate si yamiu.

YEREMIA 5:22

Ete i Ya'u Mawu; anio i Ya'u tawe iata'utti yamiu? Ṛinone i yamiu mangngindo su saruang-Ku! Ete i Ya'u apan nallanginnu apanne apan naola'a sasaran tahal᷊oangnga apan tawe al᷊iuanna saran mal᷊annu-l᷊annu. Tahal᷊oangnga wotongnge mattandi'a wuṛṛu walladde mandi'uṛṛungnga, arawe tawe maal᷊iu passaranne udde.

YEREMIA 2:2

mangal᷊iatan batti'a indi su anambon taumata su Yerusalem, “Ei Israel, i Ya'u mannaungnga i'o aroddi asatiane sutempo i'o ta'e dario'a; aroddi ahewalle darangngunu sutempo i ite buatte naawingnga. Watukku wadda'u anne i Ya'u tatantalongannu u'amatta su wageangngu leta'a apan tawe nisuananna.

YESAYA 49:10

I mangitou tawe marou ara'e amal᷊unusanna, wuṛṛu tawe aṛṛinoannu sal᷊ihangngu paddissa su wadda'u anne. Ana waugu i Ya'u, u'akkanni mangitou, sarun mangehetta si mangitou wuṛṛu mangapiddi mangitou watukku al᷊imatan kua'e.

YESAYA 42:13

Mawu inaite mapapangalo naal᷊ihidda sangkatou waṛṛanine, naal᷊ihidda sangkatou tantara apan apulune mapapangalo. I Tou nanggoressan aintul᷊in pangalo, wuṛṛu namasil᷊o awawaṛṛani-Ne su saruannu seetta.

YESAYA 2:5

Ei, papapulunni Yakub, wette i ite umamatte sulal᷊ummu asasemakku Mawu!

DARALO 119:120

I ya'u mangngindo ana waugu matta'un-Nu, naungku mangiladda su saruannu raṛṛawen-Nu.

DARALO 2:11

Pattaṛṛamawute Mawu ringannu maadunna,

AYUB 37:1

Tandi'a ma'ola'a naungku sussinggawangnga wuṛṛu pappuso'u mangiladda.

SONDAPPA 10:3

See i tou inumui ringannu tingikka ma'ikkatta naal᷊ihidda tingikku manga singa. Napawe mala'ekatta udde suete niumui, pitu rallu'a sinumibakka ringannu tingikka mappose.

YESAYA 66:2

Ul᷊ilin pati'uppa uddewe lanna'u lima-U, ne sarangkanambone udde niola'a. Arawe apulu-U eteudde taumata naungnge masaṛṛionto'a, apan mangnga'u manga rosane, apan matta'utta wuṛṛu matuṛṛutta si Ya'u.

YESAYA 66:5

Paddaringikke apa apan iwabbisara Mawu, ei i yamiu apan matta'utta wuṛṛu matuṛṛutta si Tou, “Ana waugu i yamiu satia si Ya'u, pia suwallattu walahannu apan maddantinni yamiu, wuṛṛu maddiri massagal᷊omang kamiu. I mangitou mangngal᷊uandaga si yamiu ringannu mabbisara, ‘Wala'e Mawu mapal᷊iatta'u awawantu-Ge, tadea'u i yami maasilo al᷊al᷊uassi yamiu.’ Arawe ete i mangitou sassane apan maasomba asasili.

YEHEZKIEL 26:16

Naasilo pal᷊addu pabbiaṛṛannu, manga ratu waussu manga walahanna su winggin sahatta sarun dumarisikka wuassu adderan araratuanna, malluatta juban araratuanna wuṛṛu laubbi mangitou apan pia sujine, see inuma'ianna mangngindo su leta'a. I mangitou lembon matta'utta na'oman sara tawe matammudda.

YESAYA 11:11

Su allo udde Mawu sarun paassa lai mappaattu taṛṛino-Ne mangapidda mapul᷊e uman-Ne lambene su Asyur wuṛṛu su Mesir, su manga wanua Patros, Sudan wuṛṛu Elam, su Babel, Hamat wuṛṛu manga taṛṛanusa apan marau.

YEREMIA 50:4

Mawu nabbisara, “Sutempo udde taumatan Israel sarun dumanta suadio'a ringannu lulluai, maddea'a si Ya'u, Ruata mangitou.

ZAKARIA 10:10

Wuassu Mesir wuṛṛu Asyur, i mangitou sarun Ta'u iapaapul᷊e. Su wanuane sassane i mangitou sarun Ta'u iapaatana'a. Ta'u niapidda i mangitou watukku Gilead wuṛṛu lai Libanon, Ma'oman sara ahewallu wanua mapenen mangitou.