HOSEA 10:4 - WUKE SUSI WATTI'U AL᷊AL᷊USASSA

⁴ I mangitou mattaṛṛupassi wuṛṛu makkiinnu paaire awusu see mangngaukku paaire apan tawe gunane. Tita niwal᷊elong na'oman sara wawahia tinumuwo ere sasuanna pia sukkanne su wawail᷊anna apan buatte nipasolla.

HOSEA 10:4 Referans Kwoze

AMOS 6:12

Wotongngewe awal᷊o tumal᷊angnga su wuiddu watu? Apa buatte taumata mammajeko tahal᷊oangnga ringannu sapi? Arawe i yamiu buatte namal᷊elongngu atatul᷊idda naola'a sukkatta apan naapate, wuṛṛu iapa naṛṛino maola'a nassal᷊a.

AMOS 5:7

Nasilakate i yamiu, i yamiu apan mammal᷊elongngu atatul᷊idda wuṛṛu mandal᷊eo pabbiaṛṛannu taumata!

HOSEA 4:2

I mangitou nassalu arawe i mangitou tawe nanipussa; i mangitou nangawusu, mammate, manna'o wuṛṛu sussandaga. Al᷊al᷊eo aatambanna, wuṛṛu pamamate ual᷊al᷊isansunna.

IBRANI 12:15

Paariagai arie ma'oman sara piaddu sangkatou apan sumabbanga wuassu alindongannu apapia naungngu Ruata, tadea'u tawe piaddu maola'a ere sasuanna apan pia pasangkade su pattangnganni yamiu ma'oman sara mandantan asasusa wuṛṛu mandal᷊eo anambon taumata ringannu pasangkade.

2 TIMOTIUS 3:3

I mangitou maddiri mandangngu taumata sansul᷊unge, tawe mangonggolu ampunga, i mangitou apulune mandal᷊eo arannu taumata waine, taṛṛa wata'a, i mangitou maṛṛaggisa, wuṛṛu maddirin apapia.

ROMA 1:31

i mangitou maddiri massunna taumata waine; i mangitou mal᷊awangnga wuṛṛu tawe apedamma mantul᷊ungngu taumata.

WATTI'U MANGA RASUL 8:23

Ana waugu i ya'u masingkatta manungku i'o napenen sasihikka wuṛṛu naola'a allangngu al᷊al᷊eo.”

HOSEA 6:7

Arawe ere su Adam i yamiu tawe nanuungngu paairenu si Ya'u.

YESAYA 5:7

Ana waugu waillu anggoru Mawu Apan Lembontaṛṛino uddewe umattu Israel, wuṛṛu manga taumatan Yehuda uddewe punnu anggore apan nisuan-Ne. Wuassi mangitou i Tou uaantimma atatul᷊idda, arawe tumba'u pia araṛṛagissa. I Tou uaantimma i mangitou mandisikku apapia, arawe tumba'u pia sasal᷊iomanna maddorongnga atatul᷊idda.

TAHIUL᷊E 29:18

Nariaddi paatehamma imbaṛṛangnga pia sangkatou suwallati yamiu, esakka ara'e wawine, tuṛṛangnga ara'e ṛuanganna apan uarisikka isindi, tumal᷊iudda Mawu Ruatan kite wuṛṛu massubba manga Mawu balahanna waine. Inolaanna udde naal᷊ihidda ṛamutta apan tinumuwo naola'a sasuanna mapetta wuṛṛu ere pasangkada.

TAHIUL᷊E 31:16

Wisaran Mawu si Musa, “Papatenu maranite. Su apapul᷊enu walahannu Israel maddirite tumuṛṛutta si Ya'u wuṛṛu lumawangke pa'aire apan Ta'u niola'a si mangitou. I mangitou sarun manantang-Ku wuṛṛu massubba manga Mawu apan sassubbanna su wanua apan tate mal᷊annu lai suttanni mangitou.

TAHIUL᷊E 31:17

Amungkangngu udde mariaddi, i Ya'u sarun masa'u nipangillembo su saruanni mangitou. I mangitou sarun Ta'u itantangnga wuṛṛu Ta'u pateanna. Manambo asasusa apan masaddata maṛṛia'a si mangitou, ana see i mangitou maatutukka manungku sarangkanambone udde nariaddi ana waugu i Ya'u, Ruatan mangitou, tate lai ual᷊u'adda si mangitou.