HAGAI 2:5 - WUKE SUSI WATTI'U AL᷊AL᷊USASSA

⁵ Sutempo i yamiu sinumabbangnga wuassu Mesir, i Ya'u buatte naddiandi manungku sidutu sarun mallu'adda si yamiu. Wuṛṛu orassa indi lai i Ya'u ta'e ual᷊u'adda si yamiu. Nariaddi i yamiu ariete suminggawangnga.

HAGAI 2:5 Referans Kwoze

SASABANGNGA 34:10

Unnu Mawu si Musa, “Orassa indi i Ya'u ma'ola'a pa'aire ringannu walahannu Israel. Su saruannu matan mangitou i Ya'u sarun ma'ola'a manga al᷊aṛṛindu'a apan taambe saran paassa niola'a su anambon balahanna su runia. Anambon balahanna sarun maasilo manga al᷊aṛṛindu'a apan sarun Ta'u olaanna, ana waugu i Ya'u, Mawu sarun ma'ola'a sambau apan ma'ata'utta si yamiu.

NEHEMIA 9:20

Ringannu taṛṛino-Nu apan mapia I'o mangngaṛṛa'a si mangitou. I mangitou u'anna manna wuṛṛu ma'inumma ua'e apan natimu.

YESAYA 41:13

Ana waugu i Ya'u Mawu, Ruatanu, uapitaddu limanu aikkatanna; wisara-Nu, ‘Arie pa'ata'utta, i Ya'u sarun mantul᷊ungngu.’ ”

ZAKARIA 8:13

Ei tumana'u Yehuda wuṛṛu Israel! Sutempo nanangkal᷊iu, amungkangngu manga taumata raho uawawontoga, i mangitou mabbisara, ‘Antimanna asasilaka apan naṛṛia'a su Yehuda wuṛṛu Israel maṛṛia'a si'o lai!’ Arawe i Ya'u sarun manal᷊amatta si yamiu, ma'oman sara manga taumata raho udde sarun mabbisara rundussa i mangitou, ‘Antimanna al᷊amatta apan nonto'a su Yehuda wuṛṛu Israel, umonto'a lai su watangannu!’ Ana waugu udde paatohasse naungu wuṛṛu arie paata'utta!”

ZAKARIA 8:15

Arawe orassa indi i Ya'u mangal᷊amatte tumana'u Yerusalem wuṛṛu tumana'u Yehuda. Nariaddi, ariete pa'ata'utta.

WATTI'U MANGA RASUL 27:24

Mala'ekatta udde nabbisara, ‘Arie pa'ata'utta, Paulus! Ana waugu i'o sarun sumaruanna si Kaisar. Wuṛṛu ana waugu wuassu apapia naungngu Ruata si'o, anambon taumata apan uasa'e apalla suadio'a ringannu sarun masal᷊amatta ana waugu i'o lai isudde.’

YESAYA 41:10

Arie mata'utta, ana waugu i Ya'u uaringanna si'o, arie passinggawanga, ana waugu i Ya'u Ruatanu. I'o Ta'u tohasanna wuṛṛu Ta'u itul᷊ungnga, Ta'u ehetanna ringannu lima-U apan mawantuga.

SONDAPPA 1:17

Su tempo i ya'u naasilo, i ya'u nassumaga su saruan-Ne ere taumata nate. Arawe i Tou namitan lima-Ne aikkatanna si ya'u see nabbisara, “Arie paata'utta! Ete i Ya'u apan paarorone wuṛṛu pangudusanne.

MATIUS 28:5

Mala'ekatta udde nabbisara manga wawine udde, “Arie pa'ata'utta! I Ya'u masingkatta i yamiu maddea'a Mawu Yesus apan suete niarussa udde.

ZAKARIA 4:6

Mala'ekatta udde nandalo'u mamasingkatta si Zerubabel tanata Mawu indi, “Wal᷊ine ringannu atatohassu tantara wuṛṛu wal᷊ine lai ringannu atatohannu sassane i'o sarun maauntunga, ewe'e ringannu Ghaṛṛaho-U.

NEHEMIA 9:30

Tonna uahahanti tonna I'o masabbare mapaanaungngi mangitou; napaattu manga nabi, Ghaṛṛaho-Nu nabbisara si mangitou. Arawe uman-Nu udde nanappingnga tal᷊inga, ana see I'o nanantilli mangitou su manga walahannu al᷊awo'u wanua.

2 TAWARIKH 20:17

I yamiu salaiwe lasa'e mapapangalo sulal᷊ummu pangalo indi. Inaite watukku tampa apan buatte nitantunna si yamiu wuṛṛu pallaṛaddote isudde. I yamiu sarun maasilo Mawu mangonggolu auntunganna si yamiu. Ei tumana'u Yehuda wuṛṛu Yerusalem, arie passinggawanga ara'e mata'utta. Suttate sulal᷊ummu pangalo udde, Mawu sarun mantul᷊ungngi yamiu!”

YOSUA 8:1

Mawu nabbisara si Yosua, “Ammul᷊a'e tantaranu wuṛṛu roote ringanni mangitou watukku Ai. Arie suminggawanga wuṛṛu arie mata'utta! I Ya'u sarun mangonggolu auntunganna si yamiu su ratun Ai. Tumanangnge, soane wuṛṛu wanuane sarun Ta'u anuanna.

SASABANGNGA 34:8

Orassa udde lai i Musa niumal᷊intudda nassubba.

SASABANGNGA 19:4

“I yamiu naasilote apa apan buatte Ta'u niola'a su saruannu taumatan Mesir, wuṛṛu ereapa i Ya'u nangapiddi yamiu ringang-Ku su tampa indi ringannu taṛṛino wahewalla, naal᷊ihidda manu'a rajawali nangapiddu anangnge su wowon papaidde.

SASABANGNGA 19:6

mawae su watangang-Ku sassane, wuṛṛu i yamiu sarun mangimbe si Ya'u maola'a manga imam.”

SASABANGNGA 24:3

Ana see i Musa inaite wuṛṛu namasingkatta su walahanna udde anambon parenta wuṛṛu atorannu Mawu. I mangitou sarangkanambone sinumimbakka sangkaṛṛindo'a, “Yami ma'apulu tumuṛṛutta anambon parenta apan niwisaran Mawu.”

SASABANGNGA 24:8

Ana see i Musa nanganu daṛṛa sulal᷊ummu manga tinaṛṛiti udde wuṛṛu nialassa su tumana'u soa. Wisarane, “Daṛṛa indi mannohassa pa'aire Mawu ringanni yamiu pangaiananne wuassu manga parenta-Ne.”

YOSUA 1:9

Naunge, i Ya'u buatte namarenta si'o tadea'u i'o atonna-tonna mangimanna wuṛṛu waṛṛani! Imbaṛṛanga i'o mata'utta ara'e alal᷊eoannu ikkata, ana waugu i Ya'u Mawu Ruatanu uṛundingnna su al᷊awo'u tampa a'amatannu.”

1 SAMUEL 12:20

I Samuel sinumimbakke lai, “Arie mata'utta, salaiwe i yamiu buatte na'ola'a al᷊al᷊eo udde, imbaṛṛangnga manantangngu Mawu, ewe'e sidutu pattaṛṛamawu si Tou ringannu ahewallu naungngu.