HAGAI 2:4 - WUKE SUSI WATTI'U AL᷊AL᷊USASSA

⁴ Arawe, arie maadio'a naungngu, ei i yamiu sarangkanambone! Sassute manara udde, ana waugu i Ya'u sidutu massumbala si yamiu.

HAGAI 2:4 Referans Kwoze

1 TAWARIKH 28:20

Wua'udde i Ratu Daud nabbisara apia si Salomo anangnge, “I'o ṛinone pia pangangimanna wuṛṛu awawaṛṛani. Panattakke mammanara udde wuṛṛu arie mata'uttu al᷊awo'u manga apa. Mawu Ruata apan ta'u sassubbanna sarun mantul᷊ungngu. I tou tawe manantangngu. I tou sidutu su sandiṛṛannu maddatingngu anambon manara udde muddussa.

ZAKARIA 8:9

Mawu nabbisara su uman-Ne, “Paatohasse naungngu! Orassa indi i yamiu ma'aringikka manga wisara apan buatte niwisara lai manga nabi sutempo rapappakke niaddo, ipabbangunna apia Wal᷊e-U.

YOSUA 1:9

Naunge, i Ya'u buatte namarenta si'o tadea'u i'o atonna-tonna mangimanna wuṛṛu waṛṛani! Imbaṛṛanga i'o mata'utta ara'e alal᷊eoannu ikkata, ana waugu i Ya'u Mawu Ruatanu uṛundingnna su al᷊awo'u tampa a'amatannu.”

2 SAMUEL 5:10

I Daud mallannu lembon mattohassa, ana waugu Mawu, Ruata Apan Lembontaṛṛino nantul᷊ungnge.

TAHIUL᷊E 31:23

Wua'udde Mawu nabbisara si Yosua, ana'i Nun, wisara-Ne, “Ṛinone naungngu matohassa wuṛṛu waṛṛani, Yosua! I'o sarun mamiaṛṛa'u walahannu Israel sumutta su wanua apan Ta'u pina'ire si mangitou, wuṛṛu i Ya'u sarun mantul᷊ungngu.”

2 TIMOTIUS 2:1

Timotius, ana'u! Ṛinone i'o mabbal᷊i matohassa ana waugu al᷊amatta apan nionggolla si ite, ana waugu i ite uaaukka ringanni Kristus Yesus.

1 TAWARIKH 22:13

Amungkangu i'o matuṛṛutta su anambon tita apan nionggolu Mawu si Musa su walahannu Israel, i'o sarun maasomba auntunganna. I'o ṛinone pia pangangimanna wuṛṛu waṛṛani. Imbaṛṛangnga mata'utta sumaruanna al᷊awo'u hal᷊ahe.

2 TIMOTIUS 4:17

Arawe Mawu uaringanna si ya'u. I Tou nangonggolu atatohassa na'oman sara i ya'u wotongnge mamasingkatu al᷊awo'u Watti'u Al᷊al᷊uassa udde, tadea'u daringiṛṛanu anambon taumata apan wal᷊ine Yahudi.

EFESUS 6:10

Pangudusanne, ṛinone i yamiu maola'a matohassa ringannu atatohassa apan niasombanganni yamiu wuassu Mawu, ana waugu i yamiu uaaukka ringanni Tou.

1 KORINTUS 16:13

Ṛinone i yamiu paatehamma wuṛṛu matohassa sulal᷊ummu pabbiaṛṛannu ere taumatan Saṛṛani. Pammanarate ringannu waṛṛani wuṛṛu paatohassa.

HAGAI 1:13

Wua'udde Hagai namasingkatta su tumanangnge tanatan Mawu manungku Mawu buatte naddiandi sarun mallu'adda si mangitou.

WATTI'U MANGA RASUL 7:9

Manga iamangngu al᷊amonang kite udde massa'u si Yusuf, na'oman sara i mangitou nabal᷊u'i tou naola'a allangnga su Mesir. Arawe Ruata sidutu uatantalongnga si tou,

MARKUS 16:20

Ne manga mallal᷊aṛṛenggen-Ne inaite wuṛṛu namasingkattem batti'a wuassu Ruata su al᷊awo'u tampa. Wuṛṛu Mawu lai mammanara su sampunna ringanni mangitou wuṛṛu mapaal᷊iatta'a lai ringannu manga al᷊aṛṛindu'a manungku watti'i mangitou udde atonna.] [

YOSUA 1:6

Ṛinone i'o mangimanna wuṛṛu waṛṛani, ana waugu i'o sarun mamiaṛṛa'u walahanna indi ana waugu i mangitou matana'a su wanua apan Ta'u pina'ire su iupungu al᷊amona mangitou.

SASABANGNGA 3:12

Ruata sinumimbakka, “I Ya'u sarun mantul᷊ungngu. Wuṛṛu napawe balahannu udde buatte niapiddu sinumabangnga wuassu Mesir, i yamiu sarun mattaṛṛamawu si Ya'u su wowone indi. Eteudde tatialane manungku i Ya'u nandolokku.”

1 SAMUEL 16:18

Naaringikka udde sangkatou allangnge nabbisara, “Isai, sangkatou taumatan Betlehem pia sangkatou ana'a esakka apan pande mannalangnga musikka. I tou waṛṛani wuṛṛu sangkatou taumata apan mapia. Wuṛṛu i tou lai matohassa see lai pande mabbisara, wuṛṛu Mawu sidutu mantul᷊ungngi tou.”

MAL᷊AṚṚUUNGNGA 2:18

Amungkangngu Mawu mangonggolu sangkatou piaṛṛa'a su walahannu Israel, Mawu sidutu ual᷊u'adda piaṛṛa'a udde. Su al᷊o'engngu piaṛṛa'a udde mabbiakka, Mawu sidutu mapal᷊iun mangitou wuassu manga seetti mangitou. I Tou u'akkanni mangitou napawe I Tou maaringikka i mangitou sussal᷊iomanna ana waugu pappateanna ara'e tawe maal᷊ore.

EZRA 5:2

Naaringikka wisaran nabi darua udde, Zerubabel ana'i Sealtiel wuṛṛu Yesua ana'i Yozadak lapiddu na'ola'a apia pandararisikku Wal᷊en Mawu su Yerusalem, nilal᷊imannu nabi darua udde.

EZRA 10:18

Eteindi arannu manga taumata apan pia awingnge wuassu walahannu raho: Manga Imam, nawoṛṛetta ringannu wawosoanne: Wawosoanni Yesua ringannu manga tuṛṛangnge, manga ana'i Yozadak: Maaseya, Eliezer, Yarib wuṛṛu Gedalya.

ZAKARIA 4:6

Mala'ekatta udde nandalo'u mamasingkatta si Zerubabel tanata Mawu indi, “Wal᷊ine ringannu atatohassu tantara wuṛṛu wal᷊ine lai ringannu atatohannu sassane i'o sarun maauntunga, ewe'e ringannu Ghaṛṛaho-U.