HAGAI 1:6 - WUKE SUSI WATTI'U AL᷊AL᷊USASSA

⁶ I yamiu buatte nangasi'u manambo wualanna, arawe pangitingannu addio'a. I yamiu pia anna, arawe tawe mattiudda ipallaidda tiannu. I yamiu uatahuanna anggore, arawe tawe maawusaingnga naungngu. I yamiu uatahuanna laubba, arawe tawe mapanal᷊ihangnga waddangngu. Wuṛṛu lal᷊antakka apan nitarimmatu manga lal᷊ebbone tawe mattiudda ipanampa'a pabbiaṛṛanni mangitou.

HAGAI 1:6 Referans Kwoze

HAGAI 1:9

I yamiu mangngantimma wuan pangitinganna apan nangillembo, wutte'e apan niasombanganni yamiu tumba'u addio'a atonna; i yamiu nangapidda mapul᷊e, arawe wuan pangitingannu udde Ta'u nitiuppa, na'oman sara nasue niapiddu anginna. Anio Ta'u niola'a udde? Sasimbakke eteudde; Ana waugu Wal᷊e-U ta'e ere manga tuidda, arawe i yamiu sarangkanambone maṛṛimadda mabbangunna wal᷊enu sambau-sambau.

HOSEA 4:10

I yamiu sarun umanna wuassu manga sasamba apan nionggolla, arawe i yamiu sidutu mal᷊unussa. I yamiu sarun massubba manga mongannu asasuwukka, arawe tumanangnge mangke tawe aatambanna, ana waugu i yamiu buatte nanantang-Ku wuṛṛu massubate manga mawu waine.”

HAGAI 2:16

I yamiu inaite na'ellega ombon gandumma wuṛṛu massunna sarun maasomba 200 su kilone gandumma, arawe wutte'e tumba'u pia 100 su kilone. I yamiu inai mangabba 100 su literene anggore wuassu wowongngu anggore, arawe pia tumba'u 40 su literene.

HOSEA 8:7

Uma-U mangngasi'u anginna ne i mangitou sarun mangitingnga tandi'a! Wawail᷊annu gandummi mangitou tawe mandirikka, ne tawe maola'a taponna tadea'u annananna. Arawe amungkangngu wawail᷊anna udde mandirikka lai, ne gandumme sarun insueannu manga walahanna waine.

MALEAKHI 2:2

Pangaddatte si Ya'u ringannu pallal᷊agunu. Amungkangngu i yamiu maddiri maddaringikka wisara-U, i yamiu sarun Ta'u wontohanna. Sarangkanambone apan sengkamanni yamiu ma'ola'a al᷊amatta sarun mawal᷊u mabbal᷊i wawontoga. Mangke atonna, sarangkanambone apan mapia udde buatte Ta'u niwontohanna, ana waugu i yamiu tawe maddaringikka parenta-U.

YESAYA 5:10

Hessin bawail᷊anna tawe maola'a, waillu anggore apan ahewalle mapul᷊o hektare tumba'u nangonggollu wuane mapul᷊o litere anggore. Maṛṛasutta su literene wualanna tumba'u nangonggollu wuane mapul᷊o litere gandumma.”

ZAKARIA 8:10

Tantal᷊anna taambe tempo udde taweddu wotongnge maasewa ikkattu taumata ara'e winatangnga, wuṛṛu taweddu apan maapendamma matammudda wuassu seetta. I ya'u buatte napawawul᷊on sangkatou ringannu waine.

ZAKARIA 5:4

Mawu Apan Lembontaṛṛino nabbisara manungku wawontoga udde sarun iamang-Nge suwal᷊en taumata taṛṛa ta'o wuṛṛu wal᷊en taumata massalu awusu. Manga wal᷊e udde sidutu sarun aṛṛinoannu wawontoga udde maddatingngu mabbal᷊i manga winal᷊alanna.”

YEREMIA 44:18

Arawe ro'en i yami naddote mangonggollu sasamba su Ratun Surga, wuṛṛu tate lai mallal᷊innu anggore maola'a sasamba si tou, i yami niapauasannu al᷊awo'a; manga taumatang kami nate sulal᷊ummu pangalo ara'e ana waugu ṛutumma.”

YEREMIA 14:4

Uranna tawe mangansalla wuṛṛu leta'a mamara-mara; mabbawailla mannaappa hati ana waugu tumaniten sinumassilla.

DARALO 107:34

Leta'a masuwukka niolang-Nge wadda'u asimma, ana waugu al᷊al᷊eon manga taumata apan uawanua isudde.

AYUB 20:28

Al᷊awo'u paa'alane sarun masue, ana waugu nangillembote asasa'un Duata.

AYUB 20:22

Sutempo paa'alane nabbal᷊i manambo, asasusa wuṛṛu papaṛṛangnga rumanta si tou.

1 MARARATU 17:12

Wawine wal᷊u udde sinumimbakka, “Ringannu arannu Mawu apan biakka, Ruata apan sassubannu Iamangnga, i ya'u massalu manungku i ya'u tawe roti. I ya'u tumba'u uatahuanna sangkangkumma taponna sulal᷊ummu mangko, wuṛṛu addio'a lanan zaitun sulal᷊ummu wotolla. I ya'u tantal᷊anna mangngammullu alu anutungnga ipallaha taponna addio'a udde, tadea'u i ya'u wuṛṛu ana'u wotongnge umanna. Ete udde anni ambua apan panginsueanne; wua'udde iambua ete uaṛṛaddo mate.”

2 SAMUEL 21:1

Sutempo i Daud uaparenta, nariaddite tempon elessa apan al᷊annune tallu tonna nattinggumma. Ana see i Daud naddorongnga tatantiro wuassu Mawu su ola'u arariadianna udde, wuṛṛu Mawu nabbisara, “Elessa indi ana waugu pasasal᷊an Saul wuṛṛu amonanne, i mangitou buatte namate manga taumatan Gibeon.”

IMAMATTA 26:26

I yamiu sarun asueannu anna, na'oman sara siri mapul᷊o bawine tumba'u mappanduma sambau pallol᷊oanna ipallol᷊o roti apan pia si mangitou. Anna udde sarun tahianna, wuṛṛu napawe i yamiu buatte niumanna, i yamiu lai ta'e maapendamma lunussa.

IMAMATTA 26:20

Anambon inasaharannu tawe gunane, ana waugu letangu tawe mangonggolu hessine wuṛṛu manga sasuannu sarun tawe mabbua.

NEHEMIA 5:2

Piaddu apan mabbisara, “Ana'u manambo. I yami mappandumma gandumma ipabbiakka.”

YEREMIA 12:13

Walahang-Ku mangngasi'u ganduma, arawe ete ṛoa'a apan niitingnga. I mangitou mattinsahadda arawe sahadde udde tawe gessine. I Ya'u tumaniten nasa'u na'oman sara pangitinganni mangitou tawe loṛṛone.”

HAGAI 1:5

Annama'e, panutukka olangngu!

HAGAI 1:7

Taambe maatutukka lai i yamiu, anio olangnge udde mariaddi?

HAGAI 1:10

Ana waugu udde uranna mangke tawe mangansalla na'oman sara tawe sasuanna apan wotongnge maatuwo.

HAGAI 2:17

I Ya'u buatte nanossokku anginna wuṛṛu urana watu ipakkimunsa'a al᷊awo'u wuan wawail᷊annu, arawe i yamiu maddiri lai mabbelengnga ringang-Ku.

TAHIUL᷊E 28:17

Niawontohante pangangitingnga gandumma wuṛṛu anna apan niola'i yamiu wuassu gandumma udde.

AMSAL 11:24

Pia taumata mappulu mangonggolla, arawe aatambanna paa'alane, piaddu apulune mapiikka, arawe aatambanna lai paasiangnge.