HAGAI 1:11 - WUKE SUSI WATTI'U AL᷊AL᷊USASSA

¹¹ I Ya'u buatte nandantan paddissa su leta'a wuṛṛu manga wuidda, su manga wawail᷊annu gandumma wuṛṛu manga wawail᷊annu anggore see su manga wawail᷊annu zaitun, wuṛṛu su manga sasuanna su leta'a indi, ewe'e lai su taumata wuṛṛu winatangnga see al᷊awo'u pinitanna apan a'olaanni yamiu.”

HAGAI 1:11 Referans Kwoze

HAGAI 2:17

I Ya'u buatte nanossokku anginna wuṛṛu urana watu ipakkimunsa'a al᷊awo'u wuan wawail᷊annu, arawe i yamiu maddiri lai mabbelengnga ringang-Ku.

TAHIUL᷊E 28:22

Mawu sarun makkuumanni yamiu ringannu radda'a apan ma'al᷊iu, manga hanne, wuṛṛu sal᷊iubba. I Tou sarun mandantan paddisa tadea'u leta'a mamara wuṛṛu anginna apan mal᷊oso ma'oman sara pangangitingngu mal᷊al᷊eo. Manga asasusa udde sidutu maṛṛia'a si yamiu ma'oman sara i yamiu mate.

2 MARARATU 8:1

Sutempo sambau Mawu nandantan ṛutumma su wanuan Israel, al᷊annune pitu tonna. Tantal᷊anna taambe ṛutumma udde i Elisa buatte namasingkattu olangnge udde su wawine wuassu Sunem apan anangnge buatte niapawiakki Elisa apia. I Elisa nandolokki tou nangingkatta ringannu amonanne watukku wanua waine.

1 MARARATU 17:1

Pia sangkatou nabi aranne i Elia. I tou darantane wuassu Tisbe, sambau soa su wageangngu Gilead. Su allo sambau i tou nirumanta ringanni Ratu Ahab wuṛṛu nabbisara, “Ringannu arannu Mawu apan biakka, Ruata apan sassubbannu taumatan Israel wuṛṛu ta'u a'imbeanna, i ya'u mamasingkatta si Tuangnga manungku al᷊annune darua ara'e tallu tonna apan manansunna indi sarun tawe angngukka ara'e uranna saran addio'a, tabbene'e i ya'u mabbisara.”

AMOS 9:6

Mawu namangunna wal᷊e-Ne marau su winalanganna, su wowon dunia i Tou nantaingngu langitta maola'a sasirungnge, wuṛṛu ua'e wuassu tahal᷊oangnga nilal᷊in-Ne su ammaranne, apan na'ola'a sarangkanambone udde aran-Ne eteudde Mawu!

AMOS 7:4

I ya'u naasomba sambau sondapa wuassu Mawu Apan Atanggaṛṛanne. I ya'u naasilo i Tou tantal᷊anna uasasaddia makkuumannu uman-Ne ringannu putungnga. Putungnga udde nangpodda na'oman sara nasue laudda su al᷊ungngu runia wuṛṛu mannattakke mangngepoddu wawail᷊anna.

AMOS 5:8

Ete Mawu apan na'ola'a manga anumpitanna su winalanganna – anumpitanna Belantik wuṛṛu anumpitanna Kartika. I Tou namal᷊u ararandumma nabbal᷊i asasemakka wuṛṛu allo nabbal᷊i ṛabbi; ua'e wuassu tahal᷊oangnga nilal᷊in-Ne su ammaranne. Apan na'ola'a sarangkanambone udde aran-Ne eteudde Mawu.

LAL᷊ALLU 1:21

O, Mawu! Daringiṛṛewe sasal᷊iomangku, taweddu malluassa si ya'u. Manga see'u lulluassa, ana waugu I'o na'ola'a si ya'u nasilaka. Rantate allo apan pina'ire-Nu udde; ola'ewe i mangitou matataṛṛangnga ere lai i ya'u.

AYUB 34:29

Napawe Ruata makkawessa mangke mal᷊annabba, taweddu saran sangkatou apan waṛṛani mapasal᷊a-Ne. Amungkangngu i Tou namunin hati-Ne, tawe saran sangkatou apan maasangkalla si Tou.

YEREMIA 14:2

“Yehuda naungnge massusa manga soane maranite mate. Manga taumatane ual᷊allowangnga su leta'a wuṛṛu sussal᷊iomanna. Yerusalem mangngintul᷊i ma'iontolla.

MALEAKHI 3:9

Anambon walahanna mangngawusu si Ya'u, ne i yamiu sarangkanambone aṛṛinoannu wontoga.

MALEAKHI 3:11

I Ya'u sarun tawe mamala saṛṛappalanna manggohakka hessin sinuanannu; manga punnu anggorenu sarun mabbelle'u wuane.

HAGAI 2:19

Salaiwe tate ganduma apan natantangnga, wuṛṛu punnu anggore, punnu ara, punnu delima wuṛṛu punnu zaitun taambe nabbua, arawe manattakka orassa indi i Ya'u sarun mangal᷊amatta si yamiu!”