HABAKUK 3:7 - WUKE SUSI WATTI'U AL᷊AL᷊USASSA

⁷ I ya'u naasilo tumana'u Kusyan niarṛṛiaannu atata'utta, wuṛṛu taumatan Midian mangngiladda.

HABAKUK 3:7 Referans Kwoze

YOSUA 9:24

I mangitou sinumimbakka, “Yami nangawusu aroddi ana waugu yami naaringikka manungku Mawu Ruata apan sassubbanni Tuanga udde buatte nandolokki Musa, allang-Nge udde, nangonggola si Tuangnga ahewallu wanua indi wuṛṛu iapapate anambon tumanange su tempo i Tuanga manganu leta'a udde. I yami mangke matta'utta amungkangu i yami lai pateanna, ana waugu udde i yami na'ola'a sarangkanambone udde.

YOSUA 2:10

Yami buatte naaringkka watti'a su ola'u ereapa Mawu napaamaran Tahal᷊oangngu Gelagah su saruanni yamiu, su tempo i yamiu nanantangngu Mesir. Yami lai naaringikke ereapa i yamiu namate si Sihon wuṛṛu si Og, ratun balahannu Amori udde su samba'an da'in Sal᷊ukku Yordan.

MAL᷊AṚṚUUNGNGA 8:12

I Zebah wuṛṛu i Salmuna, ruan katou ratun Midian udde tinumal᷊angnga, arawe i Gideon nangenggenna wuṛṛu nanametta sitarua, na'oman sara anambon tantaran pangalon tarua niṛumindu'a.

YEREMIA 49:29

Aṛṛote manga domba, unta, see lai manga rasanni mangitou ringannu al᷊awo'u lal᷊oṛṛone, wuṛṛu panginutul᷊ite si mangitou, ‘Pangalo uapal᷊iwutte si yamiu!’

SASABANGNGA 2:15

Su tempo ratu naaringikka hatto udde, i tou maddea'a lal᷊anne mamate si Musa. Arawe i Musa tinumal᷊angnga ana see natana'e su wanua Midian. Imam wuassu Midian, aranne i Yitro, uatahuanna siri pitu ana'a maṛṛuala. Su allo sambau, su tempo i Musa tantal᷊anna ua'ianna maranim paṛṛihi, nirumantate siri pitu maṛṛuala ana'i Yitro mania ua'e wuṛṛu malloṛṛo tampa pa'inumannu ammul᷊annu ambinga wuṛṛu domban iamangngi mangitou.