HABAKUK 3:3 - WUKE SUSI WATTI'U AL᷊AL᷊USASSA

³ I'o Ruata Apan Lembonsusi nirumanta wuassu Teman, I'o nirumanta wuassu panenteannu Paran. Langitta aoosannu awawantu-Gu; runia napenen daralo Si'o.

HABAKUK 3:3 Referans Kwoze

TAHIUL᷊E 33:2

“Mawu nirumanta wuassu Wowon Sinai; i Tou nilumapputa su Edom naal᷊ihidda matannallo wuṛṛu wuassu Wowon Paran i Tou mannemakka al᷊aṛṛanang-Nge. I Tou raṛundinganannu mapul᷊o ṛiwu mala'ekatta; putungnga lukkenggamma su samba uanan-Ne.

OBAJA 1:9

Manga atumannaṛṛanne wuassu Teman sarun mangiladdu atata'utta, wuṛṛu anambon tantara Edom sarun mate.”

AMOS 1:12

Ana waugu udde, i Ya'u sarun mangirimmu putungnga watukku soa Teman, wuṛṛu manoṛṛobba ma'oman sara masue manga tanda'a watun Bozra.”

DARALO 4:4

Ṛinone i yamiu masingkatta, Mawu buatte namile hunan batangan-Ne sangkatou apan arangnguan-Ne. Mawu naddaringikka napawe i ya'u sumal᷊ande si Tou.

YEREMIA 49:7

Eteindi apan niwisara Mawu Apan Lembontaṛṛino su ola'u Edom, “Apa taumatan Edom tawe maaṛṛingidda ringannu asingkatta? Apa manga mananantirone tate mangonggollu tatantiro apia? Apa nawul᷊ite asingkatti mangitou!

YESAYA 6:3

I mangitou mangngintul᷊i sambau ringannu waine: “Susi, susi, susi. Susi Mawu Apan Lembontaṛṛino. Runia napenen daranta-Ne apan mawantuga.”

DARALO 68:17

Anio wuassu puiddu apan manambo udde i'o ma'ellega ringannu aal᷊uandaga su Wuiddu Sion apan nipilen Duata maola'a tatanaan-Ne? Mawu sarun matana'a poiaroddi saran mal᷊annu-l᷊annu.

TAHIUL᷊E 5:24

Unni mangitou, ‘Mawu Ruatan kite buatte namasilon ahahewalla wuṛṛu awawantu-Ge su tempo yami naaringikka si Tou mabbisara wuassu putungnga. Allo indi yami naasilote manungku wotongnge taumata sidutu mabbiakka, salaiwe Mawu Ruata buatte nabbisara si tou.

PANDARIADDI 21:21

Inangngene nangawingngi tou ringannu sangkatou wawine Mesir.

YESAYA 64:3

I'o buatte na'ola'a inolaanna apan bahewalla, apan tawe niaṛṛangngo kami. I'o sinumossokka, wuṛṛu su saruan-Nu manga wowone niumio'a.

DARALO 48:10

Sulal᷊ummu Wal᷊en-Nu i yami mannaungnga darangngu-Nu, oh Ruata.

DARALO 9:20

Darisikke, Mawu, paṛṛuungken manga walahanna, arie pabbala'a taumata mammungan batanganne.

DARALO 9:16

Manga walahanna apan tawe maaillal᷊a Si'o manawo sulal᷊ummu loṛangnga apan nial᷊in mangitou sassane; i mangitou nul᷊ussa sulal᷊ummu seddan mangitou sassane.

DARALO 3:4

Arawe I'o, oh Mawu, naola'a allunga apan ual᷊indumma si ya'u. I'o nangonggolu auntunganna si ya'u, wuṛṛu nalluassa naungku.

DARALO 3:2

Oh Mawu, tumaniten manambo see'u, tumaniten manambo mammangalo si ya'u!

1 SAMUEL 25:1

Tawe nal᷊annu wua'udde i Samuel natete. Anambon taumatan Israel naammulla mappaamattu darahan lullal᷊o. Wua'udde i tou nilabbingnga su wal᷊ene su Rama. Wua'udde i Daud inaite watukku wadda'u Paran.

REENGANNA 10:12

Ana see taumatan Israel ualal᷊ol᷊osse mangingkatta manantangngu wadda'u Sinai, wuṛṛu winabbawa udde nattaala su tempo i mangitou na'omate su wadda'u Paran.

SASABANGNGA 20:18

Napawe manga taumata naaringikka rallu'a wuṛṛu tingikku trompeta, apiddu naasilo sawallo wuṛṛu wowone pia timbulla, i mangitou mangngiladda matta'utta wuṛṛu dirumarisikka marau-rau.

DARALO 113:4

Mawu uataṛṛino al᷊awo'u walahanna, awawantu-Ge uapatakku langitta.

DARALO 148:13

Mappianne i mangitou sarangkanambone maddalo Mawu, ana waugu aran-Ne mabbantuhanna wuassu al᷊awo'u aranna; awawantu-Ge uasampal᷊iu langitta wuṛṛu runia.

YESAYA 31:1

Nasilakate taumata apan inai watukku Mesir see maddorongnga sasumbala! I mangitou mangngantima atatohassu tantaran pangalo Mesir ringannu tantaran awal᷊o wuṛṛu awal᷊one mangkatohassa se'e lai keretane manambo. Arawe i mangitou tawe mangimanna Mawu, Ruata na'ukassa su Israel wuṛṛu tawe maisumabala su Mawu.

1 MARARATU 11:18

I mangitou nanantangngu Midian, ana see inaite watukku Paran. Poiaroddi manga pira taumata waine na'ammulli mangitou, ana see inaite suaddio'a watukku Mesir naisasomban ratun Mesir. Ratu udde nangonggolla si Hadad wal᷊en wuṛṛu leta'a maola'a tampa atatanaane see lai pabbiaṛṛanna.

YEHEZKIEL 43:2

wuṛṛu ete isudde i ya'u naasilo nirumanta wuassu samba'a ra'i semakka lullendapa apan manniala darantan Duatan Israel. Tingikku Ruata niaringikka ere lua'a ruddapa su laudda, wuṛṛu runia sussal᷊endapa ana waugu semakku darantan Duata.

HABAKUK 2:14

Arawe naal᷊ihidda tahal᷊oangnga napenen ua'e, aroddi runia lai sarun peneannu asingkatta su ola'u Mawu wuṛṛu taṛṛino-Ne.