HABAKUK 3:13 - WUKE SUSI WATTI'U AL᷊AL᷊USASSA

¹³ I'o inaite niumamatta tadea'u mamallossu uman-Nu wuṛṛu tadea'u manal᷊amatta ratu apan nipile-Nu. I'o namuulla na'oman sara nanawo piaṛṛa'u taumata lal᷊eo I'o nanginsue anambon mallal᷊aṛṛenggene.

HABAKUK 3:13 Referans Kwoze

DARALO 110:6

I Tou sarun makkuumannu manga walahanna, na'oman sara manga winal᷊unanna uatal᷊eṛonga. I Tou sarun mamate manga tembonanne su ahewallu runia.

DARALO 105:15

“Imbaṛṛangnga manal᷊awa'u manga taumata nipile-U, imbaṛṛangnga ma'ola'a al᷊al᷊eo su manga nabi-U!”

DARALO 105:26

Ana see i Tou nandolokki Musa allang-Nge wuṛṛu i Harun taumata nipile-Ne.

DARALO 99:6

I Musa wuṛṛu i Harun nareengnga manga imammu Mawu, Samuel suwallattu sangkatou apan u'al᷊iomanna si Tou. I mangitou sussal᷊ande su Mawu, wuṛṛu i Tou sinumimbakka.

DARALO 77:20

I'o u'amatta su lua'a, mammare tahal᷊oangnga, arawe wal᷊adda-Nu tawe asiloanna.

DARALO 68:7

Ruata nangonggolu tampa tatanaanna su taumata sassane; i Tou namallosu taumata tataṛanganna na'oman sara i mangitou su lal᷊umanna'a. Arawe manga taumata apan lullawanga Mawu ṛinone matana'a su leta'a maṛṛasa.

DARALO 28:8

Mawu nangonggolu atatohassa su al᷊aṛanang-Nge, I Tou nanamba'a wuṛṛu nanal᷊amatta ratu nipile-Ne.

DARALO 20:6

Ne i yami maggio lulluassa ana waugu auntungannu, wuṛṛu nanduittu manga waneṛṛa ipaddalo Ruatan kite. Antimanna Mawu manengkamma al᷊awo'u darorongngu.

YOSUA 11:12

Anambon manga soa udde niaṛṛon Yosua, manga ratune nisametta wuṛṛu nipate uasul᷊ungngu parentan Musa, allangngu Mawu udde.

YOSUA 11:8

Wuṛṛu Mawu napa'auntungngu ṛuangannu Israel wuassi mangitou. Taumatan Israel namangalo wuṛṛu nangenggenna si mangitou araune sara Misrefot-Maim wuṛṛu Sidon su samba'an sawannaka, wuṛṛu araune sara Wawal᷊annu Mizpa su samba'an ra'i. Pangalo udde sidutu maggewalla na'oman sara tawe saran sangkatou apan nallambe wuassu seenne-sarangkanambone nate.

YOSUA 10:42

Tumba'u paassa napapangalo, i Yosua namaddon anambon datu udde wuṛṛu nangaṛṛo manga wageangngu leta'a apan paparentanni mangitou, ana waugu Mawu, Ruatan Israel, napapangalo suadio'a ringannu Israel.

YOSUA 10:24

wuṛṛu niapidda ringanni i Yosua. Ana see Yosua nangammulu taumatan Israel, wua'udde namarenta tadea'u manga tembonannu tantara apan tinumantalonga napapangalo ringanni tou iaparanta makkinda ullekka manga ratu udde. Ne manga tembonannu tantara udde nirumantate wuṛṛu nakkinda ullekka manga ratu udde.

YOSUA 10:11

Su tempo manga taumatan Amori tantal᷊anna sussossokka su sendakku wowone udde ana waugu tul᷊angngu watanganne wuassu tantaran Israel, Mawu nanossoku uranna eisse apan wahahewalla wuassu langitta si mangitou su al᷊o'engngu lal᷊anna naddatingngu Azeka. Ingana'a nate naemaannu uranna eisse udde mannamboanna wuassu nipaten taumatan Israel.

YESAYA 63:11

Wua'udde i mangitou nanaungke tempon al᷊amona, tempo Musa, allangngu Mawu. I mangitou naiwal᷊o, “Suapate Mawu apan nangehetta manga piaṛṛa'u uman-Ne niumamatta su tahal᷊oangnga? Suapate Mawu apan nangonggollu taṛṛino-Ne si mangitou?

2 SAMUEL 5:20

Wua'udde i Daud inaite watukku Baal-Perasim wuṛṛu isudde tantaran Filistin udde niwaddone. Ana see i tou nabbisara, “Mawu buatte nanggohakku bentengu see'u, naal᷊ihidda manawangnga nanggohakku al᷊awo'a sulal᷊ummu sangkaṛṛondappa.” Ana waugu udde tampa udde nisaggo Baal-Perasim.

DARALO 137:7

Oh Mawu, naungewe inolaannu taumatan Edom sutempo Yerusalem nihohakka. I mangitou nabbisara, “Ṛaa'e, ṛaa'e maddatingngu manga rapappakke!”

YESAYA 64:1

Hesa'e langitta wuṛṛu sossokke, oh Mawu, ola'e manga wowone u'io'a su saruan-Nu,

YEHEZKIEL 13:14

I Ya'u pia pandumma mapaṛṛa'an darandungnga apan niwuṛṛanni yamiu udde, ringannu ihohakka ma'oman sara mallambe ete mal᷊itangnge sassane. Darandungnga udde sarun maṛṛa'a wuṛṛu mamate i yamiu sarangkanambone. Ne i yamiu masingkatte manungku ete i Ya'u Mawu.

AMOS 9:1

I ya'u naasilo Mawu uarisikka maranin mezbah. I Tou nangonggollu parenta indi, “Puulle pa'ikka-ikkatta manga puan diṛṛi su Wal᷊e-U tadea'u ahewallu panumbal᷊ene umio'a. Paṛṛaa'e manga diṛṛi udde su puan manga taumata. I mangitou apan tawe mate sarun Ta'u pateanna sulal᷊ummu pangalo. Tawe saran sangkatou apan tawe maatal᷊angngu watanganne, tawe saran sangkatou apan maal᷊aassangnga.