HABAKUK 2:17 - WUKE SUSI WATTI'U AL᷊AL᷊USASSA

¹⁷ I'o mannuwangnga manga aaluanna su mahurangngu Libanon, wuṛṛu orassa indi i'o sassane apan sarun tuwanganna. I'o mammate manga winatangnge, wuṛṛu orassa indi manga winatangnga mamma'utta si'o. Sarangkanambone udde mariaddi ana waugu pamamate wuṛṛu araṛṛagissa apan buatte niolangngu su saruannu manga wanua, manga soa wuṛṛu manga tumanangnge.

HABAKUK 2:17 Referans Kwoze

HABAKUK 2:8

I'o buatte nangaṛṛo manambo walahanna, arawe manga walahanna apan naal᷊assangnga sarun mangaṛṛo si'o, ana waugu pamamate apan buatte niolangngu, wuṛṛu ana waugu araṛṛagissa apan buatte niolangngu su manga wanua, manga soa wuṛṛu tumanangnge.

ZAKARIA 11:1

Ei Libanon, wu'ate manga ngaranu, tadea'u putungnga manoṛṛobba manga alu arasi yamiu!

DARALO 55:23

Tantil᷊a'e asasinggawangu su Mawu, ne i Tou sarun massumbada si'o; ana waugu taumata matul᷊idda tawe iwala-Ne iapawaddo.

YEREMIA 51:24

Mawu nabbisara, “Pa'ellete ringannu matanu sassane erepa i Ya'u orassa indi mabbal᷊issa Babel wuṛṛu tumanangnge al᷊awo'u al᷊al᷊eo apan niola'i mangitou su Yerusalem.

YEREMIA 50:28

Manga taumata apan tinumal᷊angnga watukku Yerusalem wuassu Babel mabbatti'a ereapa Mawu Ruatang kite mabbal᷊issa inolaannu taumatan Babel su Wal᷊en Babel.)

AMSAL 28:17

Sangkatou taṛṛa pate sarun uapendamma sidutu a'enggenanna maddatingngu papatene; tawe saran sangkatou apan wotongnge manaṛṛangnga si tou.

DARALO 137:8

Ei Babel, i'o sarun ṛaddaanna! Lal᷊umanna'a su taumata apan nabbal᷊issa si'o al᷊al᷊eo apan niolangngu su saruanni yami.

YEREMIA 50:14

Ei i yamiu manga taṛṛa piti'a! Atoṛṛa'e barisannu palliwunna wuṛṛu pamangalo Babel. Pitia'e anambon anaannu watukku Babel, ana waugu i tou buatte na'ola'a rosa si Ya'u.

YEHEZKIEL 28:16

I'o tawe atanaanne mabbal᷊u'a, wuṛṛu eteudde apan nangapiddu watukku araṛṛagissa wuṛṛu rosa. Ne i'o Ta'u nilimbuaṛṛanna wuassu wowone-U apan na'ukkassa, wuṛṛu mala'ekatta uariaga si'o nallimbuakka si'o wuassu pattangngannu permata apan lullendappa udde.

YEHEZKIEL 31:16

Sutempo aaluanna udde Ta'u niapasossokka su runian taumata nate, tingikku aemangnge sarun mangio'u manga walahanna. Anambon aaluanna su Eden wuṛṛu manga aaluanna apan nipile su Libanon apan naasomba ua'e manambo-nambo, wuṛṛu apan sinumossokke su runia al᷊iuwowane sarun lumuassa ringannu aema'u aaluanna udde.

YOEL 3:19

Mesir sarun maola'a wadda'a apan mamara, wuṛṛu Edom mabbal᷊i lol᷊okka, tawe atanaannu taumata. Ana waugu i mangitou buatte namangalo taumatan Yehuda, wuṛṛu namate tumana'u wanua apan tawe pasasal᷊ane.

HABAKUK 1:17

Tawe mariaddi i mangitou sidutu uasawutta hel᷊elene wuṛṛu mamate manga walahanna, ringannu tawe ampungnge?