HABAKUK 2:13 - WUKE SUSI WATTI'U AL᷊AL᷊USASSA

¹³ Manga walahanna apan niawaddonu mattinsahadda tawe gunane, al᷊awo'u saranapa apan niapararisikki mangitou nasue niepoddu putungnga. Sarangkanambone uddewe apulun Mawu Apan Lembontaṛṛino.

HABAKUK 2:13 Referans Kwoze

YEREMIA 51:58

Darandungngu Babel apan mangkatohassa sarun Ta'u hohaṛṛanna ma'oman sara maddatakku leta'a. Ngarane apan mangkatanggakka sarun Ta'u soṛṛowanna sara masue. Tawe gunane inasaharannu manga walahanna, ana waugu anambon hessin manaran mangitou sarun ametannu ara'e masorobbu putungnga. I Ya'u, Mawu Apan Lembontaṛṛino, buatte nabbisara.”

YESAYA 50:11

Ei i yamiu apan mappandumma manilaka taumata waine, i yamiu sarun pateannu ṛiinni yamiu sassane. Ete Mawu apan ma'ola'a udde matipussa, i yamiu sarun sansaranna ringannu mawakkatta.

MALEAKHI 1:4

Unnuwisara papapuluunni Esau, maga taumatan Edom udde mabbisara, “Manga soan kami buatte niṛṛimunsa'a, arawe i yami sarun ma'ola'a apia,” ne Mawu sarun sumimbakka, “I mangitou wotongnge ma'ola'a apia, arawe i Ya'u sarun mapaaṛṛa'a apia. I mangitou sarun isaggo ‘Wanuan al᷊al᷊eo’ wuṛṛu ‘Walaganna apan niaṛṛiaannu asasa'un Mawu saran mal᷊annu-l᷊annu.’ ”

YESAYA 55:2

Apa hunane mamalli sambau saranapa apan tawe maal᷊uassa naungnga, wuṛṛu mammanara hunan apa apan tawe maal᷊aidda? Tuṛṛutte parenta-Ku, ne i yamiu sarun umanna anna apan mapia, wuṛṛu mattemma anna uaimbe apan matemangnga.

AMSAL 21:30

Tawe apapande, asasiṛṛunga ara'e ṛingiranna matakko'a apan wotongnge mataṛṛangnga su saruannu Mawu.

DARALO 39:6

Aroddi al᷊ihakke I'o nanantunnu auuṛṛangku! Ete Si'o al᷊o'engngu pabbiaṛṛangku tawe gunane. Atonna, taumata naal᷊ihidda sasabbangu singangu,

YEREMIA 51:64

lapiddu mabbisara, ‘Etearendi sarun mariaddi ringannu Babel. Wanua indi sarun lumakkubba wuṛṛu tate lumapputta apia ana waugu asasusa apan niṛṛia'u Mawu si tou.’ ” Manga wisaran Yeremia naddusse isindi.

2 SAMUEL 15:31

Napawe niapasingkatta si Daud manungku i Ahitofel uatantalongnga lai ringannu ammul᷊anni Absalom, i Daud niumal᷊iomante arendi, “Oh, Mawu, doronganna paaraua'a tatantiron Ahitofel!”