HABAKUK 2:1 - WUKE SUSI WATTI'U AL᷊AL᷊USASSA

¹ I ya'u mappulu umawitta su candi pandiagangku, wuṛṛu maṛṛaddo apa apan sarun iwal᷊on Mawu si ya'u, wuṛṛu ereapa sasimbakku Mawu su sal᷊ande'u.

HABAKUK 2:1 Referans Kwoze

YESAYA 21:8

Wua'udde mandariaga udde umui, “Tuangnga, i ya'u buatte nandiaga suapan allo wuṛṛu ṛabbi.”

YESAYA 62:6

Su darandungngu Yerusalem i ya'u nangaddo mandariagga; allo ṛabbi i mangitou tawe wotongnge mangillol᷊o, arawe ṛinone uata'a mannaungnga Ruata su pa'aire apan buatte niolang-Nge.

2 SAMUEL 18:24

I Daud tantal᷊anna ua'ianna su wabbo'a suwallattu ngara passallangannu lal᷊umme wuṛṛu su ngaran passallangannu liuddu soa udde. Mandariaga niumawitte su wowon tanda'a watu wuṛṛu dirumarisikka su atuppu ngara udde. Sutempo i tou na'ellega, i tou naasilo pia taumata tuttal᷊angnga inawarendi.

DARALO 85:8

Pal᷊iatta'e manungku I'o sidutu marangngu si yami, oh Mawu, i yami onggol᷊eten al᷊amatta wuas-Si'o.

DARALO 5:3

Daringiṛewe sasal᷊ande'u wuṛṛu ontol᷊ewe i ya'u, oh Ratu'u wuṛṛu Ruata'u.

2 KORINTUS 13:3

Ne i yamiu sarun maasomba anambon tatialane apan ipaapulun kamiu manungku Kristus atonna-tonna mabbisara si ya'u. Amungkangngu Kristus mamasingkata si yamiu, i Tou tawe mamasingkata ringannu al᷊allome, arawe ṛinone i Tou mapaal᷊iatta'u taṛṛino-Ne su wallatti yamiu.

YEREMIA 12:1

“Amungkangngu i ya'u mangapiddu hatto'u su saruan-Nu, oh Mawu, isudde mangke asingkatanna manungku ete I'o apan atonna. Arawe i ya'u mappulu lai ma'iwal᷊o Si'o su ola'u atatul᷊idda; Anio taumata lal᷊eo mabbal᷊i su lal᷊umanna'a? Anio ewe'e taumata taṛṛa linga mabbal᷊i ala?

AYUB 31:37

I ya'u sarun mamasingkatta su Ruata sarangkanambone apan ta'u niola'a; I tou sarun ta'u saruananna ringannu lullala'a wuṛṛu pua uatingngara.

2 MARARATU 9:17

Sutempo mandariaga wal᷊en padariaganna soa Yizreel naasilo si Yehu wuṛṛu manga taumatane nirumanta, i tou nangintul᷊i, “Pia taumata manambo mattudda inawarendi!” I Yoram sinumimbakka, “Pandolokku sangkatou tantara pasaea'a awal᷊o wuṛṛu inai paelleha'a tanne i mangitou udde hawe ara'e ro'appa.”

GALATIA 1:16

Ruata nanualagu Anang-Nge si ya'u tadea'u Watti'u Al᷊al᷊uassa su ola'u Anang-Nge wotongnge iwatti'u su manga taumata wal᷊ine Yahudi. Su tempo udde i ya'u tawe inai ringannu sangkatou madorongnga al᷊aṛṛa'a.

YESAYA 21:5

I ya'u lai naasilo andeangngu pesetta apan buatte nisaddia; tampa aianannu taumata niwagoanna nasaddiate. I mangitou u'anna ma'inumma. Inaṛṛombanganne niaringikka parenta: “Ei manga piaṛṛa'u tantara! Riahite allungngu!”

AYUB 31:35

Apa tawe taumata apan maapulu maddaringikka manga wisara'u? I ya'u massalu manungku naṛṛinote sarangkanambone udde. Antimanna Apan Lembontaṛṛino sumimbakka si ya'u. Unnuwisara aalaen seetta si watangangku mawoṛṛetta abbi ma'oman sara i ya'u lai maasilo,

2 MARARATU 17:9

wuṛṛu ma'ola'a inolaanna apan isassingaddu Mawu, Ruatan mangitou. I mangitou napararisikku manga tampa pasasubbanna monganna su anambon soan mangitou, mawae su soa maradio'a aroddi lai su soa wahahewalla.

YEREMIA 6:17

Ana see Mawu masokka-sokka mamile manga mandariagga huna mappanaungngi mangitou tadea'u maddaringikka tingikku tatiala trompetta. Arawe umatta nabbisara, “I yami maddiri maddaringikka.”

YEHEZKIEL 3:17

“Ei taumata apan mattate, i'o Ta'u nitenega maola'a mallal᷊u'addu walahannu Israel. Wal᷊oa'a si mangitou pananaungnga apan Ta'u nionggolla indi.

MIKHA 7:7

Arawe i ite mangngantimma Mawu; ringannu napenen pangangimanna i ite tuttuṛṛutta Ruatan kite. I Tou sarun maddaringikka aal᷊iomanni ite wuṛṛu manal᷊amatta si ite.

DARALO 85:9

I ya'u maapulu maddaringikka wisaran Mawu Ruata; i Tou naddiandin lal᷊umanna'a si ite, al᷊aṛanang-Nge, sawal᷊iate i ite tate ma'ola'a rosa.

YESAYA 21:6

Wua'udde Mawu nabbisara si ya'u, “Roote pangaddon sangkatou mandariaga wuṛṛu doloṛṛa'a i tou mamasingkattu apa apan niellehanne.

YEHEZKIEL 33:7

Ei taumata apan mattate, i'o Ta'u pileanna maola'a mandariaga walahannu Israel. Wal᷊oa'a si mangitou tatagu indi: