GALATIA 6:9 - WUKE SUSI WATTI'U AL᷊AL᷊USASSA

⁹ Ana waugu udde arie i ite mawusa ma'ola'a manga inolaanna mapia; ana waugu amungkangu i ite tawe illol᷊one mammanara manara udde su paassa i ite sarun mangitingnga wuane.

GALATIA 6:9 Referans Kwoze

1 KORINTUS 15:58

Ana waugu udde, manga tuṛṛangnga apan arangnguanna, ṛinone i yamiu matohassa wuṛṛu sidutu mangngimanna. Pammanarate sidutu su Mawu ringannu atonna-tonna, ana waugu i yamiu masingkatta manungku sarangkanambone apan mammanaranni yamiu udde su Mawu, tawe maholo'a.

2 TESALONIKA 3:13

Arawe i yamiu arie paawusa ma'ola'a apapia.

IBRANI 12:3

Annama'a ṛingira'a ereapa asasusane Mawu Yesus sinumaruanna manga taumata marosa apan nilumawangnga si Tou aroddi al᷊aṛṛage! Ana waugu udde arie maadio'a naungngu wuṛṛu mallome.

1 PETRUS 2:15

Ana waugu Ruata maapulu tadea'u ringannu manga inolaannu apan mapia i yamiu maṛṛapinga moṛṛongu taumata apan wagga maggahatto.

YAKOBUS 5:7

Ana waugu udde, paasabbarete manga tuṛṛangku, ma'oman sara Mawu rumanta. Pa'ellege ereapa asabarene sangkatou mabbawailla ual᷊aṛṛado ma'oman sara letangnge mangonggolu hessine apan maarega si tou. Ringannu asasabbare i tou uaraṛṛaddo uranna su tempo manga rongnga matontonga wuṛṛu uranna su tempo maddongnga.

1 PETRUS 3:17

Mappianne matataṛṛangnga ana waugu ma'ola'a apapia – amungkangu udde apulun Duata – wuassu uatataṛṛanga ana waugu ma'ola'a al᷊al᷊eo.

2 KORINTUS 4:16

Ana waugu udde i yami tawe mangillol᷊o. Salaiwe sulal᷊ummu wadangngi yami al᷊al᷊eo aatambanna, arawe su pangangimanna i yami a'olaanna wakku su miallo-miallo.

SONDAPPA 2:3

I yamiu masabare wuṛṛu i yamiu uatataṛṛanga ana waugu i Ya'u, wuṛṛu naungngi yamiu tawe maadio'a.

1 PETRUS 4:19

Ana waugu udde, amungkangu pia taumata apan uatataṛṛanga ana waugu Ruata mappandumma aroddi, ṛinone manga tumata udde mabbiakka ringannu mapia wuṛṛu manantillu watanganne su Mandariaddi si mangitou. I Tou siddutu mapaatipussu paaire-Ne.

LUKAS 18:1

Wua'udde Mawu Yesus nabbati'u sambau sasumandingnga ipangaṛṛa'a manga mallal᷊aṛṛenggen-Ne tadea'u i mangitou sidutu u'al᷊iomanna wuṛṛu tawe ma'adio'a naungnge.

MATIUS 10:22

I yamiu sarun ia'arantinnu anambon taumata ana waugu i yamiu mallal᷊aṛṛenggeng-Ku. Arawe taumata apan matataṛṛangnga ma'oman sara panginsueanne sarun iapaaralukka.

2 KORINTUS 4:1

I yami ma'ola'a manara indi ringannu ahewallu naungngu Ruata. Ana waugu udde i yami tawe mangillol᷊o.

MATIUS 24:13

Arawe taumata apan matataṛṛangnga saran pangudusanne, sarun masal᷊amatta.

IMAMATTA 26:4

I Ya'u sarun manossokku uranna su tempone, ma'oman sara leta'a mangonggolu hessine wuṛṛu manga aaluanna mabbua.

SONDAPPA 2:7

Isai-sai apan ma'aringikka, ṛinone manutukka apa apan iapaasingkatu Ghaṛṛahon Ruata su manga jamaatta! I mangitou apan naauntunga, sarun Ta'u iwala umanna wua wuassu punnu pabbawiakka apan tuttuwo su Waillu Ruata.”

ROMA 2:7

Ruata mangonggolu wiakka tutune wuṛṛu saran mal᷊annu-l᷊annu si mangitou apan sidutu ma'ola'a apapia tadea'u maasomba apan awantuhanne, wuṛṛu apan aaddatanna wuṛṛu apan sarun uatialu.

TAHIUL᷊E 11:14

Amungkangngu i yamiu ma'ola'a aroddi, ne Mawu sarun manossokku uranna su letangngu su tempone matitimma, napawe i yamiu buatte nangitingnga, wuṛṛu su tempo i yamiu manattakke mangasi'a. Ne i yamiu sarun maatahuanna manambo gandumma, anggore wuṛṛu lanan zaitun,

SONDAPPA 2:17

Isai-sai apan maaringikka, ṛinone manutukka apa apan iapaasingkatu Ghaṛṛahon Ruata su manga jamaatta! I mangitou apan naauntunga, sarun Ta'u iwala umanna manna apan uawuni, wuṛṛu sambau-sambau sarun manengkama wuassia'u sambau watu mawira. Su watu udde uawoṛṛetta sambau aranna wakku, apan awagananni sai-sai, tumba'u taumata apan nanengkamma.”

DARALO 145:15

Anambon riaddianna wiakka uaantimma Si'o; I'o mangonggolu anna si mangitou sutempone.

IBRANI 3:6

Arawe i Kristus matuṛṛuta ere sangkatou Ana'a apan uariaga Wal᷊en Ruata. Wuṛṛu ete i ite indi Wal᷊en Ruata, amungkangu i ite sidutu maṛṛimadda wuṛṛu sidutu mangngimanna maasomba apa apan aantimanni ite.

ZEFANYA 3:16

Sarun a'omanna tempone manga taumata sarun mabbisara sal᷊immurine, “Ei Yerusalem, ariete paata'utta wuṛṛu maaddio'a naungngu.

IBRANI 3:14

I ite sarangkanambone uddewe sanggaweanna sulal᷊ummu manara ringanni Kristus, sawal᷊iate saran pangudusanne i ite uaaggasa pangangimanna apan tatahuananni ite ro'en paarorone.

EFESUS 3:13

Ana waugu udde darorongku eteudde: arie paasinggawangnga su ola'u asasusa'u indi ana waugu i yamiu, ana waugu sarangkanambone udde hunan apapianu.

DARALO 104:27

I mangitou sarangkamabone mangngantimma Si'o, tadea'u maasomba anna sutempone.

IBRANI 12:5

Wuṛṛu imbaṛṛanga maabul᷊in tanatan Ruata indi, apan nionggolla si yamiu manga al᷊aṛṛanang-Nge: “Al᷊aṛṛana'u, paatutuṛṛe paapia-pia al᷊aṛṛa'u Mawu, wuṛṛu arie naungngu maadio'a amungkangu i Tou masa'u si'o.

MALEAKHI 1:13

Wisarannu, ‘I ite nawusate ringannu sarangkanambone udde’, wuṛṛu i yamiu mangngaddio'a si Ya'u. I yamiu mangngapiddu winatangnga apan nita'o, winatangnga apan lome ara'e maradda'a tadea'u ionggolla si Ya'u. Su ṛingiddi yamiu i Ya'u manengkamma sasamba udde?

DARALO 126:5

Antimanna taumata apan mangngasi'a lapiddu lulluai, mangitingnga ringannu hio lulluassa.

AMSAL 11:18

Auntungannu taumata lal᷊eo, auntunganna tawe gunane, auntungannu taumata inolaanne mapia eteudde auntunganna apan tutune.

MANNANASE 11:1

Addoa'e roinnu salal᷊ummu manara su wanua waine. I'o sarun maasomba auntunganna su allo sal᷊immurine.

YEREMIA 45:3

i'o sussal᷊iomanna arendi, ‘Ah, soewe eteapa i ya'u indi! Asasusa'u tumanite manambo, wuṛṛu Mawu nanamba apia ringannu asasansara. I ya'u nal᷊otakke sussal᷊iomanna, tawe atatamudda sarang kadio'a!’

2 KORINTUS 9:6

Paanaunge! Taumata apan mangngasi'u wualanna mampaadio'a, sarun mangitingnga hessine adio'a lai. Arawe taumata apan mangngasi'u wualanna manambo-nambo sarun mangitingnga lai hessine manambo.

PANDARIADDI 29:7

Unni Yakub, “Allo ta'e allatune wuṛṛu taambe nia'omanna tempone ambinga domba iapasutta sulal᷊ummu tampane. Anio manga winatangnga udde tawe niapa'inummi yamiu, ana walang kamiu umanna nannal᷊o apia?”

MATIUS 9:19

Mawu Yesus dirumarisikke wuṛṛu inaite su sampunna ringannu mallal᷊aṛṛenggen-Ne mattuddan taumata udde.

MATIUS 25:17

Aroddi lai mangangimbe apan nanengkamma rua ṛiwu roitta wul᷊awanna udde, naasomba auntunganne lai rua ṛiwu.

MARKUS 3:3

Mawu Yesus nabbisara su taumata apan limane lome samba'a udde, “Wette darisikke isindi, su saruanne.”