GALATIA 6:8 - WUKE SUSI WATTI'U AL᷊AL᷊USASSA

⁸ Amungkangu taumata massuanna tumuṛṛuttu pallal᷊agun taumata, i tou sarun mangitingnga apapate wuassu pallal᷊agune udde. Arawe amungkangu i tou massuanna tumuṛṛuttu piaṛṛa'u Ghaṛṛahon Duata, i tou sarun mangitingnga wiakka tutune wuṛṛu mal᷊annu-l᷊annu wuassu Ghaṛṛahon Duata.

GALATIA 6:8 Referans Kwoze

ROMA 8:13

Amungkangngu i yamiu mabbiakka tuttuṛṛutta apulun taumata, i yamiu sarun mate; arawe amungkangngu ringannu taṛṛinon Ghaṛṛahon Duata, i yamiu lapiddu mamallossu manga pallal᷊agunu apan marosa, ne i yamiu sarun mabbiakka.

YAKOBUS 3:18

Atonna apapia udde wuan bualannu padarame apan niasi'u taumata apan maapulun padarame!

2 PETRUS 2:19

Manga huru awusu udde naddiandin apapalossa su manga taumata udde, arawe i mangitou sassane niallangngu manga inanaramanna apan mandal᷊eo taumata. Ana waugu amungkangu taumata tawe naaroappa wawono'a, ne i tou maola'a allangngu alal᷊eo udde.

AYUB 4:8

I ya'u naasingkatta wuassu aellega manungku taumata apan mammajeko waillu al᷊al᷊eo, wuṛṛu mangngasi'u wualannu asasilaka maola'a wualannu sasuanna, sarun mangitingnga silaka wuṛṛu asasusa!

HOSEA 10:13

Arawe i'o na'ola'a al᷊aṛṛaene; i'o maddea'a ma'ola'a al᷊al᷊eo, wuṛṛu maddea'a pallal᷊inga. I'o buatte niumanna manga pabbawuan awusunu.” Mawu nabbisara apia, “Ei walahannu Israel, ana waugu i yamiu mangngasakku manga keretan pangalonu wuṛṛu anambon manga tantaranu,

GALATIA 6:7

Arie awahianna. Ruata tawe ianalangnga! Apa apan isuanna eteudde lai apan itinganna.

ROMA 13:14

Wala'e Mawu Yesus Kristus mangatokku apa apan sarun olaanna. Wuṛṛu imbaṛṛangnga tumuṛṛutta pallal᷊agun taumata marosa ipamatu'a apulun naungnga.

AMSAL 22:8

Taumata apan mangngasi'u linga sarun mangitingnga papate; panginsueanne taṛṛinone apan ipappaatta walate apulune sarun mawul᷊i.

SONDAPPA 22:11

Taumata apan dal᷊eo, sidutu ma'ola'a al᷊al᷊eo; taumata ia'arantina wala'e i tou mapaarantinu watanganne; taumata apan tuttuṛṛuta apulun Ruata, wala'e sidutu i tou tuttuṛṛuta apulun Ruata, wuṛṛu taumata apan mabbiakka tumba'u hunane su Ruata sassane, wala'e sidutu mabbiakka hunane su Ruata sassane.”

YOHANES 4:36

Taumata apan mangitingnga manattakke manengkamma lal᷊antakke wuṛṛu mangammulu wuane ipadea'a wiakka tutune wuṛṛu saran mal᷊annu-l᷊annu. Ne taumata apan nangasi'a wuṛṛu taumata apan mangngitingnga wotongnge lumuassa su sambau.

YUDAS 1:21

wuṛṛu pabbiakke siddutu sulal᷊ummu darangngun Ruata tantal᷊anna i yamiu ual᷊aṛṛaddo al᷊amatti Yesus Kristus Mawun kite, apan sarun mangongogolu wiakka tutune wuṛṛu saran mal᷊annu-l᷊annu si yamiu.

YOHANES 6:27

Arie pammanara ipaddea'a anna apan wotongnge masue wuṛṛu mawukku'a. Pammanarate tadea'u maasomba anna apan tawe mawukku'a wuṛṛu apan mangngonggolu wiakka tutune wuṛṛu saran mal᷊annu-l᷊annu. Anna udde sarun ionggolu Ana'u Taumata si yamiu, ana waugu i Tou suete nitenegu Ruata Iamangnga.”

ROMA 6:13

Arie lai i'o manantillu wageangngu wadangngu su taṛṛinon dosa ana waugu ipaatta su manga pandumanna apan lal᷊eo. Arawe tantila'e ririnu su Ruata ere taumata apan buatte niingkata wuassu papate watukku pabbiaṛṛanna. Tantila'e ahewallu ririnu su Ruata tadea'u ipaatta ma'ola'a apulu Duata.

YEREMIA 12:13

Walahang-Ku mangngasi'u ganduma, arawe ete ṛoa'a apan niitingnga. I mangitou mattinsahadda arawe sahadde udde tawe gessine. I Ya'u tumaniten nasa'u na'oman sara pangitinganni mangitou tawe loṛṛone.”

MANNANASE 11:6

Pangasi'en bualanna sutempo marua allo wuṛṛu arie pangillol᷊o sutempo ṛabbi. Ana waugu i ite wagga wualanna suapa apan mapia tatuwone. Asinungka darua udde tinumuwo ringannu mapia.

MATIUS 19:29

Wuṛṛu manga taumata apan suete nanantangngu wal᷊ene, ara'e tuṛṛangnge esakka ara'e wawine, ara'e inangnga iamangnga, ara'e manga al᷊aṛṛanangnge ara'e wawail᷊anne ana waugu i Ya'u, taumata udde sarun manengkamma apia paaṛṛasutta su wageangnge. Wuṛṛu i tou sarun manengkamma lai wiakka tutune ma'oman sara mal᷊annu-l᷊annu.

HOSEA 8:7

Uma-U mangngasi'u anginna ne i mangitou sarun mangitingnga tandi'a! Wawail᷊annu gandummi mangitou tawe mandirikka, ne tawe maola'a taponna tadea'u annananna. Arawe amungkangngu wawail᷊anna udde mandirikka lai, ne gandumme sarun insueannu manga walahanna waine.

TITUS 3:7

tadea'u wuassu darangngu Mawu Yesus, i ite wotongnge maaukka apia ringannu Ruata wuṛṛu i ite maasomba wiakka tutune wuṛṛu saran mal᷊annu-l᷊annu apan aantimanni ite.

YOHANES 4:14

“arawe taumata apan ma'inumma ua'e apan Ta'u ionggolla, i tou tawe marou saran mal᷊annu-l᷊annu. Ana waugu ua'e apan sarun Ta'u ionggolla udde maola'a al᷊imatang kua'e sulal᷊ummu wadangnge apan sumabangnga su liudde wuṛṛu mangonggolla si tou wiakka tutune wuṛṛu sara mal᷊annu-l᷊annu.”

LUKAS 18:30

taumata udde sarun bal᷊isanna paarua wuassu tempo indi, wuṛṛu su tempo addantane i tou sarun onggol᷊annu pabbawiakka apan tutune wuṛṛu saran mal᷊annu-l᷊annu.”

2 PETRUS 2:12

Arawe manga huru udde wal᷊ine hampa! I mangitou ere winatanga niasungkanga see sametanna wuṛṛu pateanna. I mangitou tawe maṛṛingidda, arawe tumba'u mammanara tuttuṛṛuta apulun naungnga, na'oman sara i mangitou mando'appa manga hatto apan tawe iasunna mangitou ringannu manga wisara aal᷊uandaga. Ana waugu udde wuassu manga pallal᷊agu mangitou sassane, i mangitou sarun mate ere manga winatangnga mal᷊aṛṛaga.

1 TIMOTIUS 1:16

Ana waugu udde Ruata marangngu si ya'u, tadea'u Kristus Yesus wotongnge mapaal᷊iatta'u anambon asasabare-Ne si ya'u, taumata apan arosanne indi. Wuṛṛu indi maola'a sambau tul᷊ada su anambon taumata apan mangngimanna si Tou wuṛṛu maasomba wiakka tutune wuṛṛu mal᷊annu-l᷊annu.

AMSAL 11:18

Auntungannu taumata lal᷊eo, auntunganna tawe gunane, auntungannu taumata inolaanne mapia eteudde auntunganna apan tutune.

MATIUS 25:46

Ne manga taumata udde sarun iṛṛuumanna ringannu ṛuumanna ma'oman sara mal᷊annu-l᷊annu, arawe manga taumata apan tuttuṛṛutta apulun Ruata sarun maapendamma pabbawiakka tutune saran mal᷊annu-l᷊annu.”

ROMA 6:23

Ana waugu papate udde sombangngu paddarosa; arawe wiakka tutune wuṛṛu saran mal᷊annu-l᷊annu su sambau ringanni Kristus Yesus Mawun kite eteudde aonggolu Ruata si ite ringannu tawe bawal᷊inne.

ROMA 8:6

Amungkangngu ṛingirannu paparentannu pallal᷊agun taumata, ne sombangnge udde papate. Arawe amungkangngu ṛingirannu paparentannu Ghaṛṛahon Duata, ne sombangnge eteudde mabbiakka su paddarame ringannu Ruata.

ROMA 8:11

Amungkangngu Ghaṛṛahon Duata apan napaawiakki Kristus wuassu papate, mabbiakka sulal᷊ummu ririnu, ne i Tou apan napaawiakki Kristus wuassu papate udde, mapaawiakku ririnu lai apan wotongnge mate udde. I Tou na'ola'a udde ringannu Ghaṛṛaho-Ne apan mabbiakka sulal᷊ummu ririnu.

1 KORINTUS 15:42

Aroddi lai olangnge ringannu taumata nate apan sarun iapaawiakka apia. Wadangnga apan nilabingnga eteudde wadangnga apan wotongnge maṛṛenessa, arawe wadangnga apan iapaawiakka apia, eteudde wadangnga apan tawe mawukku'a.