GALATIA 6:7 - WUKE SUSI WATTI'U AL᷊AL᷊USASSA

⁷ Arie awahianna. Ruata tawe ianalangnga! Apa apan isuanna eteudde lai apan itinganna.

GALATIA 6:7 Referans Kwoze

2 KORINTUS 9:6

Paanaunge! Taumata apan mangngasi'u wualanna mampaadio'a, sarun mangitingnga hessine adio'a lai. Arawe taumata apan mangngasi'u wualanna manambo-nambo sarun mangitingnga lai hessine manambo.

HOSEA 10:12

Ia'unabbisara, ‘Ei Israel! Wannara'e wailla wakku hunan batangannu, pangasi'en wualannu atatul᷊idda, wuṛṛu pangitingke al᷊amatta apan mahessin araṛṛimaddu darangngunu si Ya'u. Ana waugu, temponate i'o maddea'a si Ya'u, Mawunu. I Ya'u sarun dumanta wuṛṛu manossokku manga al᷊ama-U si'o.’

AYUB 4:8

I ya'u naasingkatta wuassu aellega manungku taumata apan mammajeko waillu al᷊al᷊eo, wuṛṛu mangngasi'u wualannu asasilaka maola'a wualannu sasuanna, sarun mangitingnga silaka wuṛṛu asasusa!

1 KORINTUS 15:33

Arie awahianna! Pagahahawe apan lal᷊eo, mandal᷊eo pallal᷊agu mapia.

AMSAL 11:18

Auntungannu taumata lal᷊eo, auntunganna tawe gunane, auntungannu taumata inolaanne mapia eteudde auntunganna apan tutune.

AMSAL 1:31

Ana waugu udde, i yamiu sarun maapendamma pangillul᷊eannu manga inolaannu wuṛṛu manga hol᷊agu apan dal᷊eo.

EFESUS 5:6

Iambaṛṛanga i yamiu awusuannu manga hatto awusu. Ana waugu, ete manga hatto indi, apan maasa'u Ruata su saruannu manga taumata apan mal᷊awangnga si Tou.

HOSEA 8:7

Uma-U mangngasi'u anginna ne i mangitou sarun mangitingnga tandi'a! Wawail᷊annu gandummi mangitou tawe mandirikka, ne tawe maola'a taponna tadea'u annananna. Arawe amungkangngu wawail᷊anna udde mandirikka lai, ne gandumme sarun insueannu manga walahanna waine.

1 KORINTUS 6:9

Massingkate i yamiu manungku manga taumata apan tawe tumuṛṛutta apulun Duata, tawe maola'a al᷊aṛṛana'u Ruata? Arie aawusuanna! Manga taumata apan sussandaga, manga taumata apan massubba paal᷊uanna, apan mannalangnga wawine, apan ma'ola'a inolaanna apan maasili su sansul᷊ungnge,

AMSAL 6:14

Ṛingiranne apan mawukku'a napenen ṛiinna lal᷊eo wuṛṛu mamonsen patatiakka su al᷊awo'u tampa.

AYUB 15:31

Amungkangngu i tou mangimanna suapa tawe gunane, ne i tou niawusuante; ne lal᷊antakke apan sarun sengkamanne, tate gunane lai.

LUKAS 16:25

Arawe i Abraham sinumimbakka, ‘Naungewe ana'u: su alo'engngu pabbiaṛṛannu i'o suete naasomba manambo apianne; arawe i Lazarus naasomba alal᷊eoanne. Orassa indi i tou mal᷊uassa isindi, wuṛṛu i'o uatataṛṛangnga.

YAKOBUS 1:22

Ṛinone i yamiu tumuṛṛutta apa apan niwisaran Duata, arie tumba'u maddaringikka, na'oman sara i yamiu mangawusu watanganni yamiu sassane.

1 YOHANES 3:7

Manga al᷊aṛṛana'u, arie mamalan taumata mamono'a si yamiu. Taumata apan tuttuṛṛutta apulun Duata, uddewe ana'u Ruata ere lai Kristus Ana'u Ruata.

OBAJA 1:3

I'o niaawusuannu naungngu apan mawunga. Inangngu soanu uddewe wowon batu apan matohassa; tampa tatanaannu su puiddu wowone apan matanggakka. Ana waugu udde i yamiu maṛṛingidda, ‘Isai apan wotongnge mangema'u?’

GALATIA 6:3

Amungkangu sangkatou massunna watanganne mappianna, wutte'e tawe, taumata udde nangawusu watanganne sassane.

YAKOBUS 1:26

Amungkangu pia sangkatou mammendama watanganne sangkatou apan matuṛṛutta su agama, arawe i tou tawe maariagga lilane, ne i tou nangawusu watanganne sassane; patataṛṛamawune tawe gunane.

1 KORINTUS 3:18

Imbaṛṛangnga piaddu sangkatou mamahia watanganne sassane. Amungkangngu pia taumata su wallatti yamiu mammendama watanganne pande tumuṛṛuttu aul᷊aannu runia indi, taumata udde mabbal᷊i woddo, tadea'u i tou atonna-tonna mabbal᷊i pande.

1 YOHANES 1:8

Amungkangu i ite mabbisara manungku i ite tawe paddarosa, i ite nangawusu watanganni ite sassane; wuṛṛu Ruata tawe sulal᷊ummu naungngi ite.

LUKAS 21:8

Mawu Yesus nabbisara, “Paatehamma, arie i yamiu awahianna. Manambo taumata sarun rumanta ringannu arang-Ku, wuṛṛu mabbisara, ‘Ete i Ya'u i Tou!’ wuṛṛu ‘Nia'omante tempone.’ Arawe arie i yamiu tumantalongnga si mangitou.

YUDAS 1:18

I mangitou namasingkatta paarorone si yamiu manungku maddanin allon panginsueanne sarun rumanta manga taumata apan sarun mangal᷊uandaga si yamiu, eteudde manga taumata apan mabbiakka tuttuṛṛutta apulun mangitou apan marosa.

2 TESALONIKA 2:3

Salaiwe ereapa, arie mapaawalan taumata mangawusu si yamiu. Ana waugu tantal᷊anna taambe nia'omanna allo udde, ṛinone mariaddi dorone olangnge indi: Manambo taumata sarun massinaadda, maddandilli Kristus; wuṛṛu Taumata Lal᷊eo apan suete nitantuna iapaasutta su naraka, sarun mamasilon batanganne.

YEREMIA 37:9

I Ya'u, Mawu, mapanaungnga si yamiu, tadea'u arie pamahia watangannu ringannu maṛṛingidda manungku taumatan Babel napul᷊ete wuṛṛu tate mabbelengnga apia.

HOSEA 10:13

Arawe i'o na'ola'a al᷊aṛṛaene; i'o maddea'a ma'ola'a al᷊al᷊eo, wuṛṛu maddea'a pallal᷊inga. I'o buatte niumanna manga pabbawuan awusunu.” Mawu nabbisara apia, “Ei walahannu Israel, ana waugu i yamiu mangngasakku manga keretan pangalonu wuṛṛu anambon manga tantaranu,

YEHEZKIEL 14:5

Anambon paal᷊uanna udde buatte napaaraun uma-Ku wua dingang-Ku, arawe antimanna ringannu sasimba-Ku udde uma-U sarun mabbelengnga ringang-Ku.’