GALATIA 6:4 - WUKE SUSI WATTI'U AL᷊AL᷊USASSA

⁴ Suapan taumata, ṛinone mamarikissa sassane apa pallal᷊agune mapia ara'e lal᷊eo. Amungkangu mapia, i tou wotongnge mamarabungan inolaanne udde. Arawe arie i tou manumandingi tou ringannu apa apan a'olaannu taumata waine.

GALATIA 6:4 Referans Kwoze

2 KORINTUS 13:5

Annama'o i yamiu maannammu watanganni yamiu sassane, apa i yamiu atonna-tonna mabbiakka ana waugu mangngimanna si Kristus! I yamiu sarun maatutukka manungku Kristus Yesus udde sulal᷊ummu naungngi yamiu! – waine lai olangnge amungkangngu i yamiu tawe mangngimanna atonna-tonna.

DARALO 26:2

Saṛṛasirewe i ya'u, oh Mawu, wuṛṛu sal᷊u'ate'o i ya'u, parikisewe apulu'u wuṛṛu ṛingirangku.

1 KORINTUS 11:28

Nariaddi, suapan taumata ṛinone mamarikissa ririne paarorone, wua'udde i tou wotongnge umanna roti wuṛṛu ma'inumma anggore udde.

2 KORINTUS 1:12

I yami lulluassa, ana waugu lal᷊ummu naungngi yami mangngonggolu antimma si yami manungku wiakki yami su runia indi – nangillembo paa'aukki yami ringanni yamiu – suete niapaamatti yami ringannu naungnga matul᷊idda wuṛṛu waresi. Yami na'ola'a udde, wal᷊ine ringannu apanden taumata, arawe ringannu atatohassa apan nionggolu Ruata.

LUKAS 18:11

Taumatan Farisi udde nirumarisikka sassane wuṛṛu inumal᷊iomanna, ‘O Ruata, i ya'u maadiangkamanna Si'o, ana waugu i ya'u tawe ere taumata waine, apan wal᷊iu, taṛṛa l᷊inga ara'e masandaga. I ya'u ma'adiangkamanna ana waugu i ya'u tawe ere madarorongnga wose udde.

AMSAL 14:14

Taumata lal᷊eo sarun mani'o wuan aaluanna, taumata mapia sarun mani'o wuan apapiane.

AYUB 13:15

I ya'u nauutulle ana waugu niasueanten ṛingidda! Amungkangngu Ruata mappulute mamate si ya'u, i ya'u manantilla, arawe i ya'u sarun manahekku pallal᷊agu'u su saruan-Ne.

GALATIA 6:13

Manga taumata apan tuttuṛṛuta atorannu sunatta lai tawe tumuṛṛutta titan agama. Arawe i mangitou maapulu i yamiu sunatanna, tadea'u i mangitou wotongnge lumuassa manungku i yamiu tinumuṛṛuta atoranna udde.

1 KORINTUS 3:8

itarua uassul᷊ungnga. Sangkatou-sangkatou sarun manengkamma lal᷊antake tumuṛṛuttu inasaharanne.

1 KORINTUS 3:14

Amungkangngu wal᷊e apan niapararisikku taumata su wowon rapappake udde mal᷊annu matutungnga, taumata udde sarun manengkamma lal᷊antake.

FILIPI 1:26

Ana waugu udde, amungkangu i ya'u mabelengnga apia ringanni yamiu, i yamiu apan suete naaukka ringanni Kristus Yesus sarun maatahuanna lembon manambo lai pangiananne su ipalluassu riri'u.