GALATIA 6:3 - WUKE SUSI WATTI'U AL᷊AL᷊USASSA

³ Amungkangu sangkatou massunna watanganne mappianna, wutte'e tawe, taumata udde nangawusu watanganne sassane.

GALATIA 6:3 Referans Kwoze

AMSAL 26:12

Taumata woddo ta'e lai mappianne wuassu taumata apan massunna watanganne pande.

1 KORINTUS 3:18

Imbaṛṛangnga piaddu sangkatou mamahia watanganne sassane. Amungkangngu pia taumata su wallatti yamiu mammendama watanganne pande tumuṛṛuttu aul᷊aannu runia indi, taumata udde mabbal᷊i woddo, tadea'u i tou atonna-tonna mabbal᷊i pande.

1 KORINTUS 8:2

Taumata apan massunna manungku i tou masingkattu sarangkanambone, su ṛinone i tou taambe naasingkata sara al᷊al᷊umanne.

ROMA 12:3

Ruata buatte nangonggolu al᷊amatta si ya'u. Ana waugu udde i ya'u manantiro su tuṛṛangnga sarangkanambone; imbaṛṛangnga mamendama ririnu mattanggaṛṛana wuassu apan ṛinone. Ṛinone i yamiu mattiala watanganni yamiu ringannu awawawon naungnga; sangkatou-sangkatou mattiala watanganne tumuṛṛuttu asingkata apan suete nionggolu Ruata si tou ana waugu mangngimanna Mawu Yesus.

2 KORINTUS 3:5

I yami tawe sambau pinangiananne mapaal᷊iatta'a manungku i yami wotongnge mammanara manara indi, arawe Ruata nangonggolu apande udde si yami.

1 KORINTUS 13:2

Salaiwe i ya'u pande mabbatti'u watti'a wuassu Ruata, wuṛṛu maassunna anambon hatto apan malal᷊al᷊umma, wuṛṛu masingkatu manga al᷊awo'a wuṛṛu lembon mangngimanna Ruata na'oman sara wotongnge maaingkatu wowone, arawe i ya'u tawe mandangngu taumata waine, ne i ya'u tawe aregane saran kadio'a!

1 YOHANES 1:8

Amungkangu i ite mabbisara manungku i ite tawe paddarosa, i ite nangawusu watanganni ite sassane; wuṛṛu Ruata tawe sulal᷊ummu naungngi ite.

ROMA 12:16

Pabbiakke su paddarame sangkatou ringannu waine. Imbaṛṛangnga mamunga, arawe sul᷊unga'a ririnu ere taumata apan manarane mawawo su aellegu awadaalla. Arie mamendamma ririnu apandeanne wuassu ṛinone.

LUKAS 18:11

Taumatan Farisi udde nirumarisikka sassane wuṛṛu inumal᷊iomanna, ‘O Ruata, i ya'u maadiangkamanna Si'o, ana waugu i ya'u tawe ere taumata waine, apan wal᷊iu, taṛṛa l᷊inga ara'e masandaga. I ya'u ma'adiangkamanna ana waugu i ya'u tawe ere madarorongnga wose udde.

YAKOBUS 1:22

Ṛinone i yamiu tumuṛṛutta apa apan niwisaran Duata, arie tumba'u maddaringikka, na'oman sara i yamiu mangawusu watanganni yamiu sassane.

AMSAL 25:14

Manga riandi apan tawe naola'a, naal᷊ihidda winabbawa wuṛṛu anginna apan tawe manossokku uranna.

YAKOBUS 1:26

Amungkangu pia sangkatou mammendama watanganne sangkatou apan matuṛṛutta su agama, arawe i tou tawe maariagga lilane, ne i tou nangawusu watanganne sassane; patataṛṛamawune tawe gunane.

2 TIMOTIUS 3:13

arawe manga taumata lal᷊eo wuṛṛu manga taumata taṛṛa l᷊inga sarun mabbal᷊i lembon al᷊eoanne. I mangitou mallinga taumata waine, wutte'e i mangitou sassane nial᷊inganna lai.

2 KORINTUS 12:11

Atonna i ya'u buatte nattanno ere taumata woddo – arawe ete i yamiu na'ola'a si ya'u aroddi. Ṛinone ete i yamiu maddalo si ya'u. Ana waugu salaiwe i ya'u tawe aregane saran kadio'a, i ya'u mangke ere “manga rasul” apan wahewalla udde!

GALATIA 2:6

Manimbe aroddi, tawe inolaanna wakku apan radeaannu manga taumata apan aellehanna ere piaṛṛangnge wuassia'u – mawala si ya'u tawe paṛṛalanne amungkangngu i mangitou piaṛṛangnge ara'e tawe, ana waugu Ruata tawe mamile hati.

WATTI'U MANGA RASUL 5:36

Ana waugu dorone suete nirumanta i Teudas, apan mangngantimma i tou taumata wahewa, na'oman sara iraṛṛangngo appatu ṛasutta su atoune tinumantalongnga si tou. Arawe i tou nipate wuṛṛu mallal᷊aṛṛenggenne nassal᷊iawukka wuṛṛu tuddane nawul᷊i.

GALATIA 2:9

Yakobus, Petrus wuṛṛu Yohanes, apan aellehanna naola'a manga piaṛṛa'u jamaatta, mangnga'u manungku Ruata buatte nangonggolu manara indi si ya'u. Ne i mangitou naa'agassa lima ringanni Barnabas wuṛṛu i ya'u, maola'a sambau tatialan pagahahawe. See i mangitou wuṛṛu i yami sambaidda manungku i yami sarun mammanara su wallatu manga walahanna wal᷊ine Yahudi, wuṛṛu i mangitou su wallatu taumatan Yahudi.