GALATIA 6:16 - WUKE SUSI WATTI'U AL᷊AL᷊USASSA

¹⁶ Su taumata apan mabbiakka ringannu ṛingidda udde, aroddi lai su anambon al᷊aṛṛana'u Ruata, i ya'u mangngantima Ruata sarun mangonggolu paddarame wuṛṛu al᷊aman-Ne.

GALATIA 6:16 Referans Kwoze

GALATIA 3:29

Amungkangngu i yamiu tatahuanni Kristus ne eteudde i yamiu papapulunni Abraham. Ne i yamiu sarun manengkamma apa apan buatte pina'iren Duata.

FILIPI 3:3

Sumbal᷊i ete i ite manga taumata apan suete nanarimmattu sunatta apan tutune, wal᷊inewe i mangitou. I ite massubba Ruata ringannu aehettu Ghaṛṛahon Duata sassane, wuṛṛu i ite maadiangkamanna ana waugu i ite mabbiakka su sambau ringanni Kristus Yesus. I ite tawe uatundeeta su manga inolaanna apan a'olaannu taumata.

ROMA 4:12

Abraham lai iamangngu manga taumata mangngimanna apan tuttuṛṛutta atorannu sunatta. I tou lai iamangngu manga taumata mangngimanna wal᷊ine tumba'u ana waugu i mangitou tuttuṛṛutta atorannu sunatta, arawe i mangitou lai apan mabbiakka ringannu mangngimanna Ruata, ere lai Abraham su tempo i tou taambe tinumuṛṛutta atorannu sunatta.

HOSEA 1:10

Walahannu Israel sarun maola'a anambone ere anne su tahal᷊oangnga, na'oman sara i tou tawe iauukka ara'e iareengnga. Orassa indi Ruata nabbisara si mangitou, “I yamiu wal᷊ine uma-U,” arawe sarun a'omanna tempone i Tou sarun mabbisara si mangitou, “Ete i Ya'u Ruata apan wiakka wuṛṛu i yamiu al᷊aṛṛana-U!”

YOHANES 1:47

Mawu Yesus naasilo si Natanael nirumanta, see nabbisara su ola'i tou, “Pa'ellega, udde taumatan Israel tutune. Tawe awusune i tou.”

YESAYA 45:25

Arawe papapulunni Yakub sarun iapaasal᷊amatta, wuṛṛu i mangitou sarun maddalo si Ya'u, Mawu.

DARALO 73:1

Daralon Asaf. Mapiawe atonna Ruata su al᷊aṛṛanang-Nge, su taumata apan naungnge waresi.

FILIPI 3:16

Arawe olangnge udde ṛinone inunuannu: I ite ṛinone uatana'a mabbiakka tumuṛṛutta atoranna apan suete niola'i ite na'oman sara orassa indi.

GALATIA 5:25

Ghaṛṛahon Duata buatte nangonggola si ite wiakka apan wakku; ana waugu udde ete i Tou lai ṛinone mangatokku wiakki ite.

GALATIA 5:16

Pandumangku arendi: Wala'e Ghaṛṛahon Duata mangehetta si yamiu wuṛṛu ariewe mabbiakka tumuṛṛutta apulun pallal᷊agun taumata.

YOHANES 16:33

Sarangkanambone indi iwabal᷊o-U si yamiu, tadea'u i yamiu maasomba al᷊al᷊uassa ana waugu su sampunna ringang-Ku. Su runia i yamiu sarun matataṛṛangnga. Arawe siddutu'a naungngu! I Ya'u suete napaarugin runia!”

YOHANES 14:27

Al᷊al᷊uassa Ta'u itantangnga si yamiu. Al᷊al᷊ua-U sassane apan Ta'u nionggolla si yamiu. Ta'u nionggolla udde wal᷊ine ere nionggolu runia indi si yamiu. Arie passinggawangnga, arie pa'ata'utta.

1 TAWARIKH 12:18

Sangkatou suwallatti mangitou, eteudde i Amasai, apan sal᷊immurine nabbal᷊i piaṛṛa'u ammul᷊anna apan isassago “Tridasawira,” nitaṛṛinoannu Ghaṛṛahon Duata ana see nabbisara, “I Daud, ana'i Isai! Yami massumbala si'o! Antimanna i'o wuṛṛu i mangitou apan massumbala si'o mangke maauntungnga. Ruata uasamba'a si'o!” Ne i Daud nanal᷊oho si mangitou wuṛṛu nanenegi mangitou nabbal᷊i tembonannu tantara sulal᷊ummu tantaran pangalone.

FILIPI 4:7

Ne paddarame wuassu Ruata apan tawe asunnannu taumata, sarun mallu'adda naungngu wuṛṛu ṛingiṛṛannu apan suete naaukka ringanni Kristus Yesus.

ROMA 1:7

Ana waugu udde i ya'u namoṛṛettu suratta indi si yamiu. Antimanna Ruata Iamangngi ite wuṛṛu Mawu Yesus Kristus mangonggolu al᷊amatta wuṛṛu al᷊al᷊uassa si yamiu.

EFESUS 6:23

Sal᷊andeanna su Ruata Iamangnga, wuṛṛu Mawu Yesus Kristus mamalan anambon jamaatta uaaukka wuṛṛu uararangngu wuṛṛu sidutu mangngimanna si Kristus.

1 PETRUS 1:3

Wette i ite maadiangkamanna su Ruata, Iamangngu Mawun kite Yesus Kristus! I Tou lembon marangngu si ite, ana waugu udde i Tou nangonggolu wiakka wakku si ite, ringannu napaawiakku Mawu Yesus Kristus apia wuassu papate. Indi nangonggolu antimma apan matohassa si ite.

YUDAS 1:2

mangngantimma: Antimanna Ruata mangonggolu al᷊amatta, darangngu wuṛṛu paddarame si yamiu ringannu manambo-nambo.