GALATIA 6:15 - WUKE SUSI WATTI'U AL᷊AL᷊USASSA

¹⁵ Nisunatta ara'e tawe nisunatta udde tawe maola'a hatto. Apianne eteudde maola'a taumata wakku.

GALATIA 6:15 Referans Kwoze

2 KORINTUS 5:17

Taumata apan buatte naaukka ringanni Kristus, maola'a taumata wakku atonna-tonna. Apan tabbe nal᷊iute – sarangkanambone naola'e wakku.

EFESUS 4:24

Ṛinone i yamiu mabbiakka ere taumata wakku apan niola'a uatuṛṛutu apulu naungngu Ruata; eteudde ringannu pallal᷊agu apan atonna, matul᷊idda wuṛṛu susi.

EFESUS 2:10

Ete i ite indi riadiannu Ruata, wuṛṛu wuassi Kristus Yesus, Ruata na'ola'a si ite, tadea'u i ite mammanara manga inolaanna apan mapia apan buatte nissaddian Tou si ite.

GALATIA 5:6

Ana waugu amungkangu i ite buatte naaukka ringanni Kristus Yesus, su ola'u tumuṛṛutta ara'e maddiri tumuṛṛutta atorannu sunatta tate maola'a sambau hatto lai. Lembon apianne tumba'u mangngimanna si Kristus, wuṛṛu udde nilumiatta'a sulal᷊ummu darangngun kite su taumata waine.

1 KORINTUS 7:19

Ana waugu tuttuṛṛutta titan sunatta ara'e tawe tumuṛṛutta, sarangkanambone tawe gunane. Ahunanne tumba'u tumuṛṛutta manga titan Duata.

ROMA 2:28

Ana waugu taumatan Yahudi tutune wal᷊inewe taumata tumba'u aranne taumatan Yahudi; wuṛṛu taumata apan atonna-tonna nissunatta, wal᷊inewe taumata apan nissunatta tumba'u su wadangnga.

ROMA 8:1

Orassa indi tate lai ṛuumanna si mangitou apan mabbiakka su sambau ringannu Mawu Yesus.

SONDAPPA 21:5

See i Tou apan ua'ianna su adderan araratuanna udde nabbisara, “Orassa indi sarangkanambone Ta'u olaanna wakku!” I Tou nabbisara lai si ya'u, “Woṛṛetta'a indi, ana waugu manga wisara indi atonna, wuṛṛu wotongnge apangimananna.”

ROMA 2:26

Arawe amungkangngu sangkatou wal᷊ine Yahudi tawe nissunatta, tuttuṛṛutta titan agama Yahudi, wal᷊inewe Ruata buatte namal᷊in tou maola'a taumata apan suete nissunatta?

ROMA 6:4

Ringannu sasaṛṛani udde i ite nilabingnga su sambau ringanni Kristus wuṛṛu nate suadio'a ringanni Tou, tadea'u su ereapa Kristus niapaawiakka wuassu papate, wuassu taṛṛinon Iamangnga apan mawantuga, aroddi lai i ite wotongnge maapendama wiakka apan wakku.

EFESUS 2:15

Titan agama Yahudi ringannu manga parenta wuṛṛu manga atoranne buatte nipappasi Kristus tadea'u walahanna darua udde maola'a sambau walahannu taumata wakku, apan uaaukka ringanni Tou. Ringannu olangnge udde Kristus nangapiddu paddarame.

FILIPI 3:3

Sumbal᷊i ete i ite manga taumata apan suete nanarimmattu sunatta apan tutune, wal᷊inewe i mangitou. I ite massubba Ruata ringannu aehettu Ghaṛṛahon Duata sassane, wuṛṛu i ite maadiangkamanna ana waugu i ite mabbiakka su sambau ringanni Kristus Yesus. I ite tawe uatundeeta su manga inolaanna apan a'olaannu taumata.