GALATIA 6:1 - WUKE SUSI WATTI'U AL᷊AL᷊USASSA

¹ Manga tuṛṛangnga! Amungkangngu sangkatou niaratinganna ma'ola'a rosa, ṛinone i yamiu mabbiakka tuttuṛṛuta Ghaṛṛahon Duata, mangehetta taumata udde mabbelengnga su lal᷊anna apan naṛṛino. Arawe i yamiu ṛinone ma'ola'a udde ringannu masaṛṛionto'a wuṛṛu paariagai arie ma'oman sara i yamiu sassane lai awono'anna.

GALATIA 6:1 Referans Kwoze

ROMA 15:1

I ite apan atonna-tonna pia antimma su pangangimanni ite, ṛinone masabare su al᷊awo'u wisaran taumata apan lome pangangimanne. Ariewe i ite tumba'u maapulu malluassa watanganni ite sassane.

2 TESALONIKA 3:15

Arawe arie i tou olaanna ere seetta; tumba'u tantiroite i tou ere sangkatou tuṛṛanga.

2 TIMOTIUS 2:25

I tou ṛinone ringannu masi'ome mangaṛṛa'a manga taumata mal᷊awanga; doronganna Ruata sarun mangonggolu allo su manga taumata udde mawal᷊u wuassu manga rosan mangitou wuṛṛu ma'illal᷊a al᷊aṛṛa'a su ṛinone.

1 YOHANES 5:16

Amungkangu i yamiu naasilo sangkatou sansul᷊ungnga taumatan Saṛṛani ma'ola'a rosa apan tawe maaola'a taumata udde awul᷊iannu wiakka tutune wuṛṛu saran mal᷊annu-l᷊annu, ṛinone i yamiu umal᷊iomanna su Ruata; ne Ruata sarun mangonggolu wiakka udde si tou. Indi matataṛṛino si mangitou apan rosane tawe maawul᷊in wiakki mangitou udde. Arawe pia lai rosa apan maawul᷊in wiakka udde su taumata. Su olangnge udde i ya'u tawe mabbisara manungku i yamiu ṛinone umal᷊iomanna su Ruata.

2 KORINTUS 2:7

Orassa indi yamiu ṛinone mangampunga si tou wuṛṛu mangonggolu sasasa lai si tou tadea'u i tou tawe tumaniten masusa naungnge ma'oman sara tate antimma saran kadio'a.

IBRANI 12:13

A'amatte sidutu su lal᷊anna apan mal᷊aukka, tadea'u leddanu u'ento udde tawe maggal᷊isa, ewe'e sarun mapia.

1 PETRUS 3:15

Arawe sulal᷊ummu naungngu, ṛinone i yamiu mangonggolu addatta si Kristus sassane ana waugu i Tou Mawu. Wuṛṛu ṛinone i yamiu siddutu uasaddia sumimbaka anambon taumata apan maiwal᷊o si yamiu su ola'u antimma apan tatahuannanni yamiu.

ROMA 14:1

Taumata apan pangangimanne ta'e mattul᷊ungnga ṛinone sengkamanna ringannu mapia su wallattu manga tuṛṛangnga. Arie pattatiakka ringanni tou su ola'u pangangimanne.

YEHEZKIEL 34:16

Iapa nawul᷊i Ta'u reaanna, iapa nilamammiṛṛane sarun Ta'u iapidda mapul᷊e, iapa nal᷊essa Ta'u wa'isanna, wuṛṛu iapa maradda'a ta'u undamanna; arawe iapa matawa wuṛṛu matohassa sarun Ta'u pateanna, ana waugu i Ya'u mallal᷊u'adda apan ma'ola'a apapia.

1 KORINTUS 10:12

Taumata apan massunna watanganne uarisikka matohassa, ṛinone paatehamma; arie i tou ma'oman sara maṛṛa'a.

1 KORINTUS 4:21

Nariaddi pamilete apa ipaapulun kamiu! Apa i yamiu maapulu i ya'u rumanta mangaṛṛa'a ringannu maṛṛagissa ara'e i ya'u rumanta mangaṛṛa'a ringannu masi'ome wuṛṛu marangngu?

YAKOBUS 3:2

I ite sarangkanambone masokka ma'ola'a pasasal᷊a. Arawe taumata apan taambe na'ola'a pasasal᷊a ringannu manga wisarane, i tou taumata nasuungnga, apan wotongnge maa'ul᷊inna ahewallu ririne.

2 KORINTUS 10:1

Orassa indi ya'u, Paulus, maapulu mabbal᷊on sambau hatto si yamiu. I ya'u indi, unnu taumata, masaṛṛionto'a amungkangngu uasasaruanna ringanni yamiu, arawe waṛṛani amungkangngu mararau. Ne ana waugu asasaṛṛionto'a wuṛṛu apapia naungngi Kristus,

MATIUS 9:13

Ṛingiṛṛa'o apa atappasannu wageangngu Wuke Susi indi: ‘I Ya'u mappandumma darangngu, wal᷊ine sasamba wuassu winatangnga’. Ana waugu i Ya'u nirumanta wal᷊ine mamaggo taumata apan massunna ririne mapiate, ewe'e taumata apan sassunanna maṛṛusal᷊a.”

1 KORINTUS 14:37

Amungkangngu pia taumata uatahuanna al᷊amatta ipammasingkatu watti'u Ruata, ara'e i tou pia al᷊amatta waine wuassu Ghaṛṛahon Duata, taumata udde ṛinone manutukka manungku apa apan ta'u niwoṛṛetta indi eteudde darolokka wuassu Mawu.

1 KORINTUS 7:5

Arie sangkawinganna udde matatal᷊ei sangkatou ringannu waine. Wotonge ewe'e tumba'u tal᷊an kadio'a, sambal᷊iate udde apulun tarua. Ringannu aroddi sangkatou-sangkatou wotongnge umal᷊iomanna ringannu tawe limbane. Arawe wua'udde, ṛinone i yamiu mabawelengnga ere sangkawinganna. Amungkangngu tawe aroddi, yamiu wotongnge awono'annu ghaṛṛaho lal᷊eo, ana waugu i yamiu tawe maataṛṛangnga apulun runia.

1 KORINTUS 2:15

Taumata apan uatahuanna Ghaṛṛahon Duata wotongnge maatiala al᷊awo'u inolaanna, arawe tawe saran sangkatou wotongnge maatiala si tou.

ROMA 8:6

Amungkangngu ṛingirannu paparentannu pallal᷊agun taumata, ne sombangnge udde papate. Arawe amungkangngu ṛingirannu paparentannu Ghaṛṛahon Duata, ne sombangnge eteudde mabbiakka su paddarame ringannu Ruata.

MATIUS 11:29

Tuṛṛutte parenta-U wuṛṛu pattannote pallal᷊agu-U. Ana waugu i Ya'u indi masaṛṛionto'a wuṛṛu mawawo naungnge, ne i yamiu sarun maapendamma asasunge atatahul᷊andimma.

YAKOBUS 3:13

Amungkangu su wallatti yamiu pia sangkatou apan pande wuṛṛu pia buddine, ṛinone i tou mapaal᷊iatta'a ringannu mabbiakka mapia, wuṛṛu ringannu ma'ola'a inolaanna apan mapia, apan rarundinganannu awawon naungnga wuṛṛu apapande.

IBRANI 13:3

Naunge'o manga taumata sulal᷊ummu tuttupanna, paṛṛimau napa i yamiu lai isudde sulal᷊ummu tuttupanna su sambau ringanni mangitou. Wuṛṛu manga taumata apan a'olaanna walate apulu naungnga, ṛinone i yamiu mannaungnga si mangitou paṛṛimau napa i yamiu lai a'olaanna aroddi.

GALATIA 5:23

i mangitou masaṛṛionto'a, wuṛṛu wotongnge maataṛṛangnga apulun naungnga. Tawe titan agama apan manningaddu manga inolaanna ereudde.

2 SAMUEL 11:2

Su sambau tempo wawallote, napawe i Daud napu'ote wua natiilla, i tou u'a'amatta su atuppu wal᷊en araratuanna apan ratakke udde. Wua' isudde i tou naasilo sangkatou wawine tantal᷊anna mandeno, wuṛṛu lai wawine udde tumaniten maṛṛamaga.

1 KORINTUS 3:1

Manga tuṛṛangnga, i ya'u tawe su ṛinone maggahatton kamiu ere taumata uatahuanna Ghaṛṛahon Duata. I ya'u tumba'u wotongnge maggahatton kamiu ere taumata apan ta'e mabbiakka tumuṛṛuttu apulun dunia; ere manga taumata apan ta'e ere ana'a maraddio'a sulal᷊ummu pangangimanne si Kristus.

MATIUS 26:75

Wuṛṛu i Petrus naanaungke manungku Mawu Yesus suete nabbisara si tou, “Tantal᷊anna manu'a taambe niumu'u, i'o paatallute massinaa-U.” See i Petrus sinumabangnga, wuṛṛu nilumuaite ringannu massusa.

MATIUS 26:69

I Petrus tantal᷊anna ua'ianna su liudde, su rallakka. Sangkatou mangangimbe bawine wuassu wallattu wawine isudde nirumanta, wuṛṛu nabbisara Petrus, “Wal᷊inewe i'o lai su sampunna ringannu Mawu Yesus taumatan Galilea udde?”

DARALO 141:5

Amungkangu pia sangkatou taumata mapia mamo'a si ya'u, wuṛṛu ringannu naungnga mawawo mangaṛa'a si ya'u, udde naal᷊ihidda lana apan apianne si ya'u. Antimanna i ya'u tawe manola'a, ana waugu i ya'u sidutu u'al᷊iomanna mannal᷊are al᷊al᷊eon mangitou.

GALATIA 6:18

Doronganna Mawun kite Yesus Kristus sidutu mangal᷊amatta manga tuṛṛangnga. Amin. Tabea wuassi yami, Paulus

1 TESALONIKA 4:1

Panginsueanne manga tuṛṛangnga, i yami suete nanul᷊ada si yamiu su ola'u ereapa i yamiu ṛinone mabbiakka malluassa naungngu Ruata. Atonna i yamiu suete nabbiakka ereudde. Arawe orassa indi sulal᷊ummu taṛṛinon Mawu Yesus, i yami sumal᷊ande si yamiu wuṛṛu mamata'i yamiu tadea'u i yamiu lembon maddea'a lai olangnge udde!

2 KORINTUS 2:8

Ana waugu udde i ya'u sumal᷊ande, tadea'u i yamiu mapaal᷊iatta'a apia si tou, manungku i yamiu atonna-tonna marangngu si tou.