GALATIA 5:7 - WUKE SUSI WATTI'U AL᷊AL᷊USASSA

⁷ Dorone i yamiu mammanara ringannu mapia! Orassa indi anio i yamiu maddirite tumuṛṛutta apia apulun Duata? Isai buatte nassal᷊o'i yamiu?

GALATIA 5:7 Referans Kwoze

1 KORINTUS 9:24

Tuṛṛangnga lai masingkatta manungku sulal᷊ummu tandinganna anambon matatalumma tuttal᷊angnga, arawe tumba'u sangkatou manengkamma lal᷊antake. Ana waugu udde tal᷊angke aroddi apiane, ma'oman sara i'o maasengkamma lal᷊antake.

GALATIA 3:1

Manga tuṛṛangnga taumatan Galatia! I yamiu woddo atonna. Tanne i yamiu niaṛṛinoanten wawono'i sai? Papaten Kristus su alu arussa suete ta'u tinal᷊a'a ringannu masema-semakka si yamiu!

IBRANI 12:1

Ne, su ola'i ite sassane, uapaal᷊iwutta si ite manambo atonna mattatiala! Ana waugu udde wette i ite mandammen anambon apa apan mammakkata si ite wuṛṛu rosa apan sidutu uareeta si ite. Wuṛṛu wette i ite ringannu ma'udduppa sumutta su pattalumanna apan sasaruannani ite.

1 PETRUS 1:22

Ana waugu i yamiu matuṛṛutta su al᷊aṛṛa'u Ruata, ne i yamiu namaresi wadanga wuṛṛu i yamiu tuttal᷊antupu manga taumata pangangimanne sambau ringannu atonna-tonna. Ana waugu udde, ṛinone i yamiu uararangngu sangkatou ringannu waine ringannu al᷊al᷊uassu naungngu.

2 KORINTUS 10:5

wuṛṛu manggohakku tanda'u atatanggakka apan niola'a ipanompolla asingkattu Ruata. I yami nanametta ṛingiṛṛannu manga taumata wuṛṛu na'ola'a si mangitou massuṛṛubawa si Kristus.

ROMA 2:8

Arawe manga taumata apan tumba'u maṛṛingiddu ririne sassane wuṛṛu maddiri tumuṛṛutta Ruata, ewe'e tuttuṛṛutta al᷊al᷊eo, manga taumata udde lembon aasa'uannu Ruata.

MATIUS 13:21

Arawe watti'a udde tawe naṛṛamutta sulal᷊ummu naungngi mangitou, na'oman sara tawe tinumuwo mal᷊annu. Aroddi i mangitou naasomba asasusa ara'e asasansara ana waugu watti'a udde, i mangitou lapiddu nassinaadda.

2 TESALONIKA 1:8

wuṛṛu ringannu putungnga apan mabbanala. I Tou sinumossoka maṛṛuumannu manga taumata apan tawe mangngimanna Ruata wuṛṛu maddiri mabbiakka su apulun Watti'u Al᷊al᷊uassa su ola'u Mawun kite Yesus Kristus.

ROMA 6:17

Arawe adiangkamanna su Ruata! Ana waugu paarorone yamiu naola'a allangngu rosa, arawe orassa indi yamiu ringannu ahewallu naungngu tuttuṛṛutta al᷊aṛṛa'a naṛṛino apan buatte nionggola si yamiu.

IBRANI 5:9

Ne napawe i Tou niola'a mananal᷊amatta apan nasuungnga, i Tou naola'a punnu asasal᷊amatta saran mal᷊annu-l᷊annu hunane su anambon taumata apan matuṛṛuta si Tou,

ROMA 16:26

Arawe orassa indi, wuassu darolokku Ruata sassane, pandumanne udde buatte niapaal᷊iatta'a wuṛṛu niapasingkata su anambon walahanna ere suete niwoṛṛettu manga nabi, tadea'u i mangitou sarangkanambone mangngimanna wuṛṛu tumuṛṛutta Ruata.

ROMA 15:18

I ya'u waṛṛani mabbisara aroddi tumba'u su ola'u apa apan buatte niola'i Kristus si Ya'u ipa'ola'a manga taumata wal᷊ine Yahudi tuttuṛṛutta Ruata. I ya'u mammanara udde ringannu manga wisara ara'e lai ringannu manga inolaanna see lai pallal᷊agu,

ROMA 10:16

Arawe tawe anambon taumata mannengkamma Watti'u Al᷊al᷊uassa udde. Ana waugu Yesaya nabbisara, “Mawu, isaite apan mangngimanna watti'i yami?”

IBRANI 11:8

Ana waugu mangngimanna, ne i Abraham tinumuṛṛuta Ruata su tempo Ruata namago si tou, wuṛṛu nandolokki tou inai watukku wanua apan suete pina'iren Ruata si tou. See i Abraham inaite ringannu awa'gananna suapa sarun patuddanni tou.

WATTI'U MANGA RASUL 6:7

Aroddite watti'u Ruata mangke nassal᷊iawukka wuṛṛu manga mallal᷊aṛṛenggennu Mawu Yesus su Yerusalem lembon a'atambanna anambone. Wuṛṛu manambo lai manga imam apan nangngimanna Mawu Yesus.

GALATIA 2:2

I ya'u inai watukku Yerusalem ana waugu Ruata buatte napaal᷊iatta'a si ya'u manungku i ya'u ṛinone inai. Wuṛṛu sulal᷊ummu sambau ammul᷊anna apan tumba'u ringannu manga piaṛṛangnge poiaroddi, ya'u mannal᷊a'an Watti'u Al᷊al᷊uassa apan iwabatti'u su manga taumata apan wal᷊ine Yahudi. Ana waugu i ya'u maddiri manara'u dorone, ara'e manara'u tempo indi maola'a tawe mangal᷊ene.

GALATIA 5:10

Salaiwe aroddi ya'u ta'e mangngimanna manungku ṛingiṛṛanni yamiu tawe nawal᷊u, ana waugu i ite suete naaukka ringanni Kristus. Wuṛṛu i ya'u mangngimanna manungku isai-sai apan mangngal᷊iwun ṛingiṛṛannu, sarun iṛṛuumannu Ruata.