GALATIA 5:4 - WUKE SUSI WATTI'U AL᷊AL᷊USASSA

⁴ Amungkangngu i yamiu maapulu masasangkapia apia ringannu Ruata wuassu lal᷊ummu titan agama, udde atappasanne paa'aukku ringanni Kristus nabassute. Ringannu aroddi yamiu mabbiakka su liuddu darangngun Ruata.

GALATIA 5:4 Referans Kwoze

ROMA 11:6

I Tou namile si mangitou ana waugu pinangianannu al᷊aman-Ne wuṛṛu wal᷊ine ana waugu pinangiananne pallal᷊agun mangitou. Ana waugu amungkangngu pamamilen Ruata udde pinangiananne wuassu pallal᷊agun taumata, ne al᷊amattu Ruata udde wal᷊inewe al᷊amatta apan tutune.

IBRANI 12:15

Paariagai arie ma'oman sara piaddu sangkatou apan sumabbanga wuassu alindongannu apapia naungngu Ruata, tadea'u tawe piaddu maola'a ere sasuanna apan pia pasangkade su pattangnganni yamiu ma'oman sara mandantan asasusa wuṛṛu mandal᷊eo anambon taumata ringannu pasangkade.

GALATIA 2:21

I ya'u tawe mangngadio'a darangngun Ruata. Amungkangngu paa'aukku taumata ringannu Ruata mabbal᷊i mapia apia ana waugu mappaamattu titan agama, udde mangal᷊ene papaten Kristus tawe gunane!

ROMA 3:20

Ana waugu tawe saran sangkatou apan wotongnge maaukka apia ringannu Ruata ana waugu taumata udde tuttuṛṛutta manga inolaanna sulal᷊ummu titan agama. Arawe tita udde tumba'u mammasingkata su taumata manungku taumata udde marosa.

SONDAPPA 2:5

Ana waugu udde, paanaungete tumaniten marau i yamiu nanawo! Awal᷊ute wuassu manga rosanu, wuṛṛu pa'ola'e ere inolaanni yamiu rorone. Amungkangu tawe, ne i Ya'u sarun rumanta ringanni yamiu wuṛṛu manawutta leddan sol᷊onu udde wuassu tampane.

GALATIA 5:2

Paanaunge, amungkangngu i yamiu madorongnga maisunatta, udde mangal᷊ene Kristus tawe gunane si yamiu. Nabbisara wisara indi, eteudde i ya'u sassane, Paulus.

IBRANI 4:1

Aroddi pa'aire Mawu ta'e ipappa'atta, wuṛṛu i ite sarun iapaillol᷊o ere suete nipa'ire-Ne. Nariaddi, ṛinone i ite mandiaga tadea'u arie piaddu sangkatou wuassu wallatti yamiu apan tawe maatemma allom pangillol᷊oanna apan suete nipai're udde.