GALATIA 5:2 - WUKE SUSI WATTI'U AL᷊AL᷊USASSA

² Paanaunge, amungkangngu i yamiu madorongnga maisunatta, udde mangal᷊ene Kristus tawe gunane si yamiu. Nabbisara wisara indi, eteudde i ya'u sassane, Paulus.

GALATIA 5:2 Referans Kwoze

GALATIA 5:6

Ana waugu amungkangu i ite buatte naaukka ringanni Kristus Yesus, su ola'u tumuṛṛutta ara'e maddiri tumuṛṛutta atorannu sunatta tate maola'a sambau hatto lai. Lembon apianne tumba'u mangngimanna si Kristus, wuṛṛu udde nilumiatta'a sulal᷊ummu darangngun kite su taumata waine.

WATTI'U MANGA RASUL 15:1

Manga pira taumata wuassu Yudea nirumanta su Antiokhia wuṛṛu mangngaṛṛa'a manga taumata mangngimanna su Antiokhia udde manungku amungkangngu i mangitou tawe sunatanna tumuṛṛuttu Tita Musa, i mangitou tawe masal᷊amatta.

IBRANI 4:2

Ana waugu Watti'u Al᷊al᷊uassa udde suete niapaasingkata si ite ere lai si mangitou. Arawe si mangitou watti'a udde tawe gunane. Ana waugu su tempo i mangitou naaringikka, i mangitou tawe mangngimanna.

GALATIA 5:11

Matataṛṛino si ya'u, manga tuṛṛangnga, anio i ya'u mangke ipasseetta amungkangu i ya'u ta'e mammasingkata manungku sunatta udde ta'e wotongnge? Amungkangngu atonna i ya'u ta'e mammasingkata aroddi, ne bawal᷊o'u su ola'u arussan Kristus tawe maaola'a patatiakka.

2 KORINTUS 10:1

Orassa indi ya'u, Paulus, maapulu mabbal᷊on sambau hatto si yamiu. I ya'u indi, unnu taumata, masaṛṛionto'a amungkangngu uasasaruanna ringanni yamiu, arawe waṛṛani amungkangngu mararau. Ne ana waugu asasaṛṛionto'a wuṛṛu apapia naungngi Kristus,

WATTI'U MANGA RASUL 15:24

I yami naaringikka pia sire pira taumata wuassu wallatti ami apan suete nirumanta ringanni yamiu nanongkakka wuṛṛu naapatiangngang kamiu ringannu al᷊aṛṛa'i mangitou. Sumbal᷊i yami tawe nandolokki mangitou ma'ola'a manara udde.

1 TESALONIKA 2:18

I yami maapulu inai mattembo si yamiu; wuṛṛu i ya'u, suete naannamma na'oman sara paarua, arawe Setanna mammal᷊aatta si yami.

FILEMON 1:9

Arawe ana waugu i ya'u marangngu si'o, i ya'u tumba'u maddorongnga. I ya'u indi sangkatou timmadde wuṛṛu orassa indi ta'e tataṛṛanganna sulal᷊ummu tuttupanna ana waugu Kristus Yesus.

1 KORINTUS 16:21

I ya'u manamba lai isindi tabea'u apan niwoṛṛe'u sassane: Tabea wuassia'u, Paulus.

WATTI'U MANGA RASUL 15:5

Arawe sire pira wuassu wageangngu Farisi apan suete nangngimanna, dirumarisikka wuṛṛu nabbisara, “Manga taumata walahanna waine apan nangngimante udde ṛinone sunatanna wuṛṛu ṛinone tumuṛṛutta Tita Musa.”

FILEMON 1:19

Ne, mappianne i ya'u mamoṛṛeta sassane isindi: I ya'u Paulus, sarun mamaekka sarangkanambone. (Salaiwe tate ta'u iapaanaungnga manungku i'o sassane lai nabbalassa si'u, eteudde wiakku apan wakku ere sangkatou taumatan Saṛṛani.)