GALATIA 5:10 - WUKE SUSI WATTI'U AL᷊AL᷊USASSA

¹⁰ Salaiwe aroddi ya'u ta'e mangngimanna manungku ṛingiṛṛanni yamiu tawe nawal᷊u, ana waugu i ite suete naaukka ringanni Kristus. Wuṛṛu i ya'u mangngimanna manungku isai-sai apan mangngal᷊iwun ṛingiṛṛannu, sarun iṛṛuumannu Ruata.

GALATIA 5:10 Referans Kwoze

GALATIA 5:12

Lembon apianne manga taumata apan mangngal᷊iwun ṛingiṛṛannu udde mappianne lapiddu sumabbanga wuassu jamaatta!

FILIPI 3:15

I ite sarangkanambone apan timmaddete su pangangimanna, ṛinone mabbiakka aroddi. Arawe amungkangu su wallatti yamiu pia ṛingiranna waine, ne Ruata sarun manal᷊a'a lai si yamiu.

GALATIA 1:7

Tumuṛṛuttu atonna tate lai “watti'u al᷊al᷊uassa apan waine”. Tumba'u pia manga taumata apan mammasingkata si yamiu “watti'u al᷊al᷊uassa”, su ola'i Kristus apan niwal᷊elongngi mangitou na'oman sara i yamiu nial᷊iwune.

2 KORINTUS 2:3

Ana waugu udde i ya'u namoṛṛettu suratta udde si yamiu. I ya'u maddirite mattembo si yamiu, see mapaasusan kamiu, sumbal᷊i ete i yamiu malluassa si ya'u. Ana waugu i ya'u mangngimanna manungku amungkangngu i ya'u lulluassa, ne i yamiu sarangkanambone lulluassa lai.

1 TIMOTIUS 1:20

Su wallatti mangitou eteudde Himeneus wuṛṛu Aleksander. Taumata darua udde suete ta'u niṛṛuumanna tinantilla su Setanna, tadea'u i mangitou mangillol᷊o mallobosa Ruata.

GALATIA 6:17

Wua'udde, arie pia sangkatou lai mapaasusa'u lai, ana waugu su wadangku pia manga tatiala manungku i ya'u mallal᷊aṛṛenggennu Mawu Yesus.

GALATIA 4:17

Manga taumata waine udde ringannu maṛṛimada maddea'a si yamiu, arawe manga pandumanni mangitou lal᷊eo. I mangitou tumba'u maapulu mapatal᷊eing kamiu wua dingani yami, tadea'u i yamiu tumantalongnga si mangitou ringannu maṛṛimada.

GALATIA 3:1

Manga tuṛṛangnga taumatan Galatia! I yamiu woddo atonna. Tanne i yamiu niaṛṛinoanten wawono'i sai? Papaten Kristus su alu arussa suete ta'u tinal᷊a'a ringannu masema-semakka si yamiu!

GALATIA 2:6

Manimbe aroddi, tawe inolaanna wakku apan radeaannu manga taumata apan aellehanna ere piaṛṛangnge wuassia'u – mawala si ya'u tawe paṛṛalanne amungkangngu i mangitou piaṛṛangnge ara'e tawe, ana waugu Ruata tawe mamile hati.

GALATIA 2:4

salaiwe pia manga taumata mammata'u olangnge udde. I mangitou udde manga taumata apan sinumutta awagananna sulal᷊ummu ammul᷊anni ite wuṛṛu mattingkaola'a ere tuṛṛangnga. I mangitou sinumutta ringannu mal᷊anna-l᷊annaba mannaṛṛassida al᷊al᷊uassa apa niola'i ite ana waugu i ite uaaukke ringanni Kristus. I mangitou maapulu mapaawelengngi ite su olangnge paarorone ere sangkatou allangnga,

2 KORINTUS 10:6

Wuṛṛu amungkangngu i yamiu buatte tinumuṛṛutta ringannu atonna-tonna, i yami uasaddiate maṛṛuumannu anambon taumata apan maddiri tumuṛṛutta.

1 KORINTUS 5:5

i yamiu ṛinone manantillu taumata udde su Setanna, tadea'u wadangngu taumata udde mawinasa wuṛṛu ringannu aroddi ghaṛṛahone iapaasal᷊amatta su tempo Mawu rumanta apia.

WATTI'U MANGA RASUL 15:24

I yami naaringikka pia sire pira taumata wuassu wallatti ami apan suete nirumanta ringanni yamiu nanongkakka wuṛṛu naapatiangngang kamiu ringannu al᷊aṛṛa'i mangitou. Sumbal᷊i yami tawe nandolokki mangitou ma'ola'a manara udde.

FILEMON 1:21

I ya'u namoṛṛetu suratta indi ringannu mangngimanna manungku i'o sarun tumuṛṛutta darorongku. Ewe'e i ya'u lai masingkatta i'o sarun ma'ola'a nangillembo wua isudde.

2 TESALONIKA 3:4

Wuṛṛu i yami mangngimanna atonna su Mawu su ola'i yamiu, manungku i yamiu tantal᷊anna mammanara wuṛṛu siddutu mammanara apa apan iradolokki yami si yamiu.

GALATIA 4:20

I ya'u mal᷊utu atonna matana'a su sambau su wallatti yamiu orassa indi, tadea'u i ya'u wotongnge maggahatto ringanni yamiu ringannu tingikka apan paṛṛalane, ana waugu i ya'u wagga sarun ma'ola'a apa lai ringanni yamiu!

GALATIA 4:11

I ya'u sussinggawangnga, aṛṛengenne asasaha'u indi si yamiu tawe gunane.

2 KORINTUS 13:10

Ana waugu udde, i ya'u namoṛṛettu suratta indi su tempo i ya'u taambe uatana'a su pattangnganni yamiu. Ringannu aroddi, amungkangngu i ya'u rumantate, i ya'u tawe mamarenta ringannu maṛṛagissa su saruanni yamiu ringannu taṛṛino apan nionggolu Mawu si ya'u. Taṛṛino udde nionggola ipannohassa pangangimanni yamiu, wal᷊inewe ipandal᷊eo si yamiu.

2 KORINTUS 10:2

i ya'u sumal᷊ande arie mamata'u ma'ola'a tumaniten maṛṛagissa si yamiu napawe manga taumata apan mabbisara manungku i yami mammanara ana waugu apulun runia indi.

2 KORINTUS 8:22

Suadio'a ringanni Titus wuṛṛu tuṛṛangnge udde, i yami lai nandolokku sangkatou tuṛṛangnge waine. I yami masokkate naannama si tou wuṛṛu inasingkatanna i tou sidutu maapulu mantul᷊ungnga. Wuṛṛu orassa indi, i tou maapulu mantul᷊ungngi yamiu, ana waugu i tou pia antimma wahewa si yamiu.

2 KORINTUS 7:16

I ya'u mal᷊uassa tassul᷊ungnge, ana waugu i yamiu aapangimananna su al᷊awo'u inolaanna.

2 KORINTUS 5:16

Ana waugu udde, i yami tate lai manguukka taumata tumuṛṛuttu aul᷊aannu taumata. Atonna i yami suete nanguukka Kristus wuassu pahuddu taumata, arawe orassa indi tate.

2 KORINTUS 2:6

Su taumata apan ereudde, ṛuumanna apan ionggola si tou wuassu taumata anamboanne su wallatti yamiu, wotongngete.

2 KORINTUS 1:15

Ana waugu ete pangangimanna udde i ya'u paarorone maapulu mattembo si yamiu tadea'u i yamiu maasomba al᷊amatta paarua anambone.

GALATIA 5:7

Dorone i yamiu mammanara ringannu mapia! Orassa indi anio i yamiu maddirite tumuṛṛutta apia apulun Duata? Isai buatte nassal᷊o'i yamiu?