GALATIA 4:9 - WUKE SUSI WATTI'U AL᷊AL᷊USASSA

⁹ Arawe orassa indi yamiu maaillal᷊a Ruata, ara'e mappianne lai isaggo, Ruata maaillal᷊a si yamiu. Ne anio i yamiu maapulu mabelengnga apia su manga ghaṛṛahon dunia indi, apan lome wuṛṛu asiangnga? Anio i yamiu ta'e maapulu mai'allangnga apia su manga ghaṛṛaho udde?

GALATIA 4:9 Referans Kwoze

1 KORINTUS 8:3

Arawe taumata apan atonna-tonna marangngu Ruata, i tou asingkatannu Ruata.

GALATIA 3:3

Anio i yamiu aroddi awoddone! I yamiu mannattake mabbiakka wakku ringannu Ghaṛṛahon Duata, ṛatadde orassa indi yamiu maapulu maasomba asasuungnga wuassu auatannu sassane?

ROMA 8:3

Apa apan tawe ia'ola'u titan agama, ana waugu i ite taumata lome, udde buatte niola'u Ruata. Ruata napaaraun rosa wuassu pallal᷊agun taumata ringannu nandolokku anang-Nge sassane, apan nirumanta ere sangkatou taumata apan marosa, ana waugu manubussa rosa.

1 YOHANES 5:20

I ite masingkatta manungku Ana'u Ruata suete nirumanta wuṛṛu suete nangonggolu pasasunna si ite, tadea'u i ite maaillal᷊a Ruata apan naṛṛino. I ite mabbiakka uaaukka ringannu Ruata apan naṛṛino wuṛṛu mabbiakka uaaukka ringannu Anang-Nge Yesus Kristus. Ete indi Ruata apan naṛṛino, wuṛṛu ete indi wiakka tutune wuṛṛu saran mal᷊annu-l᷊annu.

1 TAWARIKH 28:9

Ana see si Salomo, i Daud nabbisara, “Ana'u, ṛinone Ruata apan sassubbannu iamangngu, a'uannu lai maola'a Ruatanu. I'o ṛinone mangngimanna si Tou ringannu mal᷊uassa wuṛṛu awawiran naungnga. Ana waugu i Tou masingkatta anambon ṛingiranna wuṛṛu apulun naungngi ite. Amungkangu i'o maddea'a si Tou, i Tou sarun asombangannu, arawe amungkangu i'o manantangngi Tou, i Tou saran manantangngu saran mal᷊annu-l᷊annu.

2 PETRUS 2:20

Taumata apan maaillal᷊a Mawu wuṛṛu Punnu Sal᷊amatti ite Yesus Kristus, napallose wuassu taṛṛinon runia apan maal᷊uhuda taumata. Arawe amungkangu sal᷊imurine i tou niasametta apia na'oman sara tawe naaroapa manga taṛṛino udde, ne ola'u taumata udde panginsueanne maddal᷊eoanne lai wuassu paarorone.

IBRANI 7:18

Nariaddi, orassa indi atoranna apan tabbe tate saileanna, ana waugu lomete wuṛṛu tate gunane.

2 TIMOTIUS 2:19

Arawe pinangiananne matohassa apan niola'u Ruata, tawe ia'io'a. Su wowone uawoṛṛetta arendi, “Mawu masingkattu manga taumata pussa'a-Ne”, wuṛṛu “Taumata apan mabbisara manungku i tou pussa'an Mawu, taumata udde ṛinone tate ma'ola'a inolaanne apan nassal᷊a”.

EFESUS 1:17

I ya'u sussal᷊ande tadea'u Ruatan kite Yesus Kristus, Iamangnga apan mawantuga, mangonggolu Ghaṛṛaho-Ne si yamiu. Ghaṛṛaho udde sarun ma'ola'a si yamiu pande, wuṛṛu sarun mapaal᷊iatta'u Ruata si yamiu na'oman sara i yamiu maaillal᷊a si Tou.

2 KORINTUS 4:6

Ruata mabbisara, “Ṛinone wuassu lal᷊ummu ararandumma sumabangnga asasemakka,” Ruata lai apan napaasabangngu semakka wuassu lal᷊ummu naungngi ite, tadea'u ṛingiṛṛanni ite masemakka ipassunna awawantugu Ruata apan lullansiangnga su hatin Kristus.

1 KORINTUS 13:12

Apa apan aasiloanni ite orassa indi eteudde nassul᷊ungngu lintau mal᷊abukka su saṛṛuminanna. Arawe i ite sarun maasilo ringannu matilangnga. Orassa indi ya'u ta'e waggan sarangkanambone, arawe sal᷊immurine i ya'u sarun maasingkata sarangkanambone ere lai Ruata namasingkatu sarangkanambone su ola'u riri'u.

SASABANGNGA 33:17

Unnu Mawu si Musa, “Darorongngu sarun Ta'u daringiṛṛanna, ana waugu i Ya'u masingkannu wuṛṛu i Ya'u mal᷊uassa si'o.”

ROMA 8:29

I mangitou lai suete nipilen Duata, wuṛṛu buatte nitantuna lai wuassu paarorone maola'a massul᷊ungngu Anang-Nge, eteudde Yesus Kristus. Ringannu aroddi Anang-Nge naola'a paarorone su wallattu anambon manga tuṛṛangnga.

YOHANES 17:3

Ete indi wiakka tutune wuṛṛu mal᷊annu-l᷊annu; tadea'u taumata maaillal᷊a Iamangnga, eteudde Ruata tinggassa apan atonna, wuṛṛu maaillal᷊a si Yesus Kristus apan nirolokku Iamangnga.

YOHANES 10:27

Manga domba-U madaringikka tingi-U. I Ya'u ma'aillal᷊a si mangitou, wuṛṛu i mangitou uatantalongnga si Ya'u.

YOHANES 10:14

Tumba'u i Ya'u mallal᷊u'adda apan mapia. Ere lai Iamangnga maaillal᷊a si Ya'u, wuṛṛu i Ya'u lai ma'aillal᷊a Iamangnga, aroddi lai Ya'u maaillal᷊a manga domba'u wuṛṛu i mangitou lai maaillal᷊a si Ya'u. I Ya'u mannantillu niawa-U ana waugu i mangitou.

MATIUS 11:27

See Mawu Yesus nabbisara, “Sarangkanambone suete tinantillu Mawu Iamangnga si Ya'u. Tawe sangkatou masingkattu Ana'a, tumba'u Mawu Iamangnga. Tawedu lai apan masingkattu Mawu Iamangnga, tumba'u Ana'a, wuṛṛu manga taumata, ete sisai Ana'a udde mamasingkattu Mawu Iamangnga.

HABAKUK 2:14

Arawe naal᷊ihidda tahal᷊oangnga napenen ua'e, aroddi runia lai sarun peneannu asingkatta su ola'u Mawu wuṛṛu taṛṛino-Ne.

YEREMIA 31:34

Tate gunane lai wuassi mangitou mangaṛṛa'a sansul᷊ungnge ipa'illal᷊a Mawu. Ana waugu i mangitou sarangkanambone, wahewalla addio'a, sarun maaillal᷊a si Ya'u. Manga pasasal᷊a mangitou sarun timbul᷊ianang-Ku, manga rosa mangitou Ta'u ampunganna. I Ya'u, Mawu, buatte nabbisara.”

AMSAL 2:5

Ringannu aroddi i'o sarun maasingkatta apa atappasanne matta'uttu Mawu wuṛṛu i'o sarun maasomba asingkatta su ola'u Ruata.

DARALO 9:10

Mawu udde tampa pattillummannu taumata apan aumpisananna, tampa passirunganna sutempon asasusa.

DARALO 1:6

Ana waugu taumata matuṛṛutta aehetanna wuṛṛu lal᷊u'arannu Mawu, arawe taumata lal᷊eo mattuddan papate.

1 MARARATU 8:43

antimanna wuassu atatanaan-Nu su surga I'o maddaringikka aal᷊iomanne wuṛṛu mangonggollu darorongnge. Ringannu aroddi al᷊awo'u walahanna su ahewallu runia maaillal᷊a Si'o wuṛṛu matuṛṛutta Si'o ere uman-Nu Israel. I mangitou sarun maasingkatta manungku wal᷊en apan ta'u niola'a indi uddewe tampa patataṛṛamawuanna Si'o.

1 KORINTUS 15:34

Atimpu'ote orassa indi, wuṛṛu ariete lai ma'ola'a rosa. I yamiu ṛinone masili, manungku su wallatti yamiu piaddu taambe naaillal᷊a Ruata.

2 KORINTUS 11:20

I yamiu mangke mammalan taumata mapataṛṛuallangngi yamiu, ara'e mangngapande manaranu wuṛṛu mangnganu auntunganna wuassi yamiu, ara'e mammendama ririne mattanggaṛṛanna wuassi yamiu wuṛṛu waṛṛani mamero si yamiu.

GALATIA 4:3

Aroddi lai i ite: Tantal᷊anna i ite taambe natimmade, i ite mattaṛṛuallangnga manga ghaṛṛaho apan uaparenta runia indi.

LUKAS 5:38

Anggore apan wakku sarun ilal᷊inna su tampane apan wakku lai.