GALATIA 4:5 - WUKE SUSI WATTI'U AL᷊AL᷊USASSA

⁵ Ringannu aroddi i Tou namallosu manga taumata apan mabbiakka su al᷊ungngu parentan titan agama; tadea'u i ite lai wotongnge maola'a al᷊aṛṛana'u Ruata.

GALATIA 4:5 Referans Kwoze

IBRANI 9:15

Ana waugu udde i Kristus naola'a Pal᷊alawenne su sambau paaire apan wakku, tadea'u taumata apan suete niwagoannu Ruata wotongnge manengkamma manga al᷊amatta awasa apan suete pina'iren Ruata. Sarangkanambone udde wotongnge mariaddi ana waugu piateddu nate, eteudde i Kristus; wuṛṛu papate-Ne udde namallosu manga taumata wuassu manga pasasal᷊a apan niola'i mangitou su tempo pa'aire paarorone ta'e ipappa'atta.

EFESUS 1:5

ne, i Tou buatte nanantuna paarorone manungku sulal᷊ummi Yesus Kristus, i Tou sarun manga'u si ite maola'a manga al᷊aṛṛanang-Nge sassane. Wuṛṛu atonna eteudde apan tipusanni Tou.

EFESUS 1:7

Ana waugu wuassu papaten Kristus, i ite nipallosu Ruata, atappasanne manungku i Tou buatte nangampunga si ite wuassu manga rosan kite.

SONDAPPA 5:9

I mangitou mangngantarin sambau antari apan bakku: “I'o wotongnge manganu wuke udde wuṛṛu mamesangnga manga segelene. Ana waugu I'o suete nipate, wuṛṛu ringannu papate-Nu, taumata wuassu al᷊awo'u ṛuanganna wahasa, araratuanna, wuṛṛu walahanna suete niwallian-Nu hunane su Ruata.

IBRANI 9:12

Mawu Yesus sinumutta su Wabbo'a Lembon Susi sulal᷊ummu rasanna udde tumba'u paassa ma'oman sara mal᷊annu-l᷊annu. Su tempo udde i Tou tawe nangapiddu ṛaṛṛang kambinga esakka ara'e ṛaṛṛan ana'u sapi olaanna sassamba; i Tou nangapiddu ṛaṛṛan Tou sassane, wuṛṛu ringannu udde i Tou nanubusa rosang kite saran mal᷊annu-l᷊annu.

GALATIA 3:13

Arawe Kristus namallosi ite wuassu awawontogu titan agama. I Tou na'ola'a udde ringannu namalan watangan-Ne awontohanna ana waugu i ite. Ana waugu sulal᷊ummu Wuke Susi uawoṛṛetta, “Niawontohante taumata apan nate niele su alu pangangeleanna.”

ROMA 8:23

Wuṛṛu wal᷊ine tumba'u pati'uppu runia sassane sussal᷊ande; i ite sassane lai sussal᷊ande sulal᷊ummu naungngi ite. I ite buatte nanengkamma Ghaṛṛahon Duata, aonggolu Ruata apan paarorone, arawe i ite lai ta'e uaraṛṛado Ruata mapaal᷊iun kite wuassu sarangkanambone, wuṛṛu manga'u si ite maola'a al᷊aṛṛanang-Nge.

GALATIA 4:7

Nariaddi, yamiu wal᷊ine lai allangnga, ewe'e ana'a. Wuṛṛu ana waugu i yamiu ana'u Ruata, ne Ruata sarun mangonggola si yamiu al᷊awo'u sarannapa apan buatte nisaddia-Ne su manga al᷊aṛṛanang-Nge.

GALATIA 3:26

Ana waugu i yamiu mangngimanna si Kristus Yesus, ne i yamiu uaaukka ringanni Tou; wuṛṛu ana waugu udde i yamiu maola'a al᷊aṛṛana'u Ruata.

ROMA 9:4

Ete i mangitou udde walahanna apan nipile wuṛṛu Ruata nanga'u si mangitou maola'a al᷊aṛṛanang-Nge sassane, lapiddu napaal᷊iatta'u taṛṛino-Ne si mangitou. I Tou na'ola'a paaire si mangitou wuṛṛu nangonggolu titan agama si mangitou. Ruata namasingkata si mangitou ereapa i mangitou ṛinone mattaṛṛamawu wuṛṛu i mangitou suete nanengkamma lai manga paaire-Ne.

YOHANES 1:12

Arawe pia lai taumata apan manarimmatti Tou wuṛṛu mangngimanna si Tou; i mangitou nionggol᷊annu taṛṛino maola'a ana'u Ruata,

TITUS 2:14

I Tou suete nanantillu watangan-Ne ana waugu i ite wuṛṛu ana waugu mamallosi ite wuassu al᷊awo'u al᷊al᷊eo, wuṛṛu na'ola'a si ite sambau walahanna apan nal᷊iu wuassu al᷊awo'u rosa wuṛṛu tumba'u naola'a pussa'a-Ne sassane, wuṛṛu maṛṛimadda ma'ola'a apapia.

ROMA 8:19

Ahewallu pati'uppu runia uaraṛṛado ringannu ṛintulu tempone Ruata mapaal᷊iatta'u al᷊aṛṛanang-Nge.

EFESUS 5:2

Wiakku ṛinone aintaṛṛoannu darangngu, ere lai Kristus marangngu si ite. I Tou nanantillu watangan-Ne ana waugu i ite, maola'a sambau sasamba apan mawangngi wuṛṛu maal᷊uassa naungngu Ruata.

GALATIA 4:21

Manga tuṛṛangnga apan maapulu mabbiakka su al᷊ungngu parenta manga titan agama, paddaringikka si ya'u! I ya'u sarun mamasingkata si yamiu apa apan su ṛinone uawoṛṛetta sulal᷊ummu Wuke Titan Musa.

LUKAS 1:68

“Wette i ite maddalo Mawu, Ruatam balahannu Israel! I Tou suete nirumanta mantul᷊ungngu pabbawala-Ge wuṛṛu mamallossi mangitou.

IBRANI 1:3

Ete i Tou apan napaatualagu awawantugu Ruata apan lullendapa; ete i Tou hambarana apan masemakka wuassu wadangu Ruata sassane. Ete i Tou lai apan mammadul᷊i pa'a'aukku ul᷊ilim pati'uppa indi ringannu ṛengetan-Ne apan lembon mataṛṛino. Napawe i Tou suete namalan taumata nipallosa wuassu manga rosa mangitou, i Tou inuma'ianna su adderan araratuanna su surga su sambau ringannu Ruata, tembonanne apan atanggaṛṛanne.

MATIUS 20:28

Ere lai Ana'u Taumata udde, i Tou nirumanta wal᷊ine tadea'u imbeanna, arawe mangimbe, wuṛṛu manantillu niawa-Ne ipamallossu taumata nambo.”

WATTI'U MANGA RASUL 20:28

Ṛinone i yamiu uariaga watangannu wuṛṛu riagai lai anambon jamaatta apan suete tinantillu Ghaṛṛahon Ruata si yamiu iapariaga; ana waugu i yamiu suete nitenega maola'a mandariaga jamaatta udde. Ṛinone i yamiu uariaga jamaattu Ruata udde naal᷊ihidda ere mallal᷊u'adda uariaga dombane, ana waugu Ruata suete na'ola'a jamaatta udde pussaa-Ne sassane sulal᷊ummu papaten Anang-Nge sassane.

1 PETRUS 3:18

Ana waugu Kristus sassane nate tumba'u paassa, ma'oman sara mal᷊annu-l᷊annu ana waugu rosan taumata – sangkatou apan tawe sal᷊ane, nate hunan taumata apan nassal᷊a. Kristus naola'a udde tadea'u i Tou wotongnge mangehetta si yamiu ringannu Ruata. I Tou nipate su ola'u wadanga arawe niaapawiakka apia su ola'u Ghaṛṛaho.

SONDAPPA 14:3

Su saruannu adderan araratuanna wuṛṛu sire appata riadianna wuṛṛu manga piaṛṛange uapal᷊iwutta adderan araratuanna udde, 144.000 su atoune udde mangngantari sambau antari wakku. Antari udde tawe aurumannu saran sangkatou, tumba'u sire 144.000 su atoune udde apan suete nipallosa wuassu runia.

ROMA 8:14

Manga taumata apan aehetannu Ghaṛṛahon Duata, i mangitou udde al᷊aṛṛana'u Duata.

ROMA 8:15

Ana waugu Ghaṛṛaho apan buatte nionggolu Ruata si yamiu, tawe ma'ola'a si yamiu allangnga, ma'oman sara i yamiu mabbiakka sulal᷊ummu atata'utta. Arawe Ghaṛṛahon Duata udde nandiaddi si yamiu maola'a al᷊aṛṛana'u Ruata. Wuṛṛu ringannu taṛṛinon Ghaṛṛahon Duata udde, i ite mammago Ruata “Iamangnga, o Iamangku!”

ROMA 10:4

Titan agama buatte nitipussi Kristus. Nariaddi suapan taumata apan mangngimanna si Kristus, paa'aukki mangitou ringannu Ruata maola'a apia.