GALATIA 4:3 - WUKE SUSI WATTI'U AL᷊AL᷊USASSA

³ Aroddi lai i ite: Tantal᷊anna i ite taambe natimmade, i ite mattaṛṛuallangnga manga ghaṛṛaho apan uaparenta runia indi.

GALATIA 4:3 Referans Kwoze

KOLOSE 2:20

I yamiu natete su sambau ringanni Kristus, wuṛṛu suete nipallosa wuassu manga ghaṛṛaho apan uataṛṛino runia indi. Ne anio i yamiu mabbiakka ere taumata apan ta'e paparentannu runia indi? Anio i yamiu ta'e tuttuṛṛuta manga atoranna ereindi,

KOLOSE 2:8

Ṛinone i yamiu paatehamma, arie ma'oman sara piaddu mamono'a si yamiu ringannu manga al᷊aṛṛa'u taumata apan tawe gunane, ewe'e tumba'u mangngal᷊iwu. Manga al᷊aṛṛa'a udde wal᷊ine wuassi Kristus, ewe'e wuassu ṛingiṛṛannu taumata sassane wuṛṛu wuassu manga ghaṛṛahon tembonannu runia.

GALATIA 4:9

Arawe orassa indi yamiu maaillal᷊a Ruata, ara'e mappianne lai isaggo, Ruata maaillal᷊a si yamiu. Ne anio i yamiu maapulu mabelengnga apia su manga ghaṛṛahon dunia indi, apan lome wuṛṛu asiangnga? Anio i yamiu ta'e maapulu mai'allangnga apia su manga ghaṛṛaho udde?

GALATIA 2:4

salaiwe pia manga taumata mammata'u olangnge udde. I mangitou udde manga taumata apan sinumutta awagananna sulal᷊ummu ammul᷊anni ite wuṛṛu mattingkaola'a ere tuṛṛangnga. I mangitou sinumutta ringannu mal᷊anna-l᷊annaba mannaṛṛassida al᷊al᷊uassa apa niola'i ite ana waugu i ite uaaukke ringanni Kristus. I mangitou maapulu mapaawelengngi ite su olangnge paarorone ere sangkatou allangnga,

GALATIA 4:31

Nariaddi, manga tuṛṛangnga, i ite indi wal᷊inewe al᷊aṛṛana'a wuassu sangkatou allangnga wawine; eteudde i ite manga ana'a wuassu wawine apan wal᷊ine allangnga.

WATTI'U MANGA RASUL 15:10

E, anio i yamiu lullawangnga Ruata orassa indi ringannu nangonggolu winabbawa apan mawakkata su mallal᷊aṛṛenggenna indi, sumbal᷊i iupungngu al᷊amonang kite wuṛṛu i ite sassane lai tawe maatuṛṛutta manara udde?

ROMA 8:15

Ana waugu Ghaṛṛaho apan buatte nionggolu Ruata si yamiu, tawe ma'ola'a si yamiu allangnga, ma'oman sara i yamiu mabbiakka sulal᷊ummu atata'utta. Arawe Ghaṛṛahon Duata udde nandiaddi si yamiu maola'a al᷊aṛṛana'u Ruata. Wuṛṛu ringannu taṛṛinon Ghaṛṛahon Duata udde, i ite mammago Ruata “Iamangnga, o Iamangku!”

YOHANES 8:31

Wua'udde Mawu Yesus nabbisara su manga taumatan Yahudi apan nangimante si Tou, “Amungkangngu i yamiu mabbiakka tuttuṛṛutta al᷊aṛṛa-U, i yamiu atonna-tonna mallal᷊aṛṛenggeng-Ku,

IBRANI 7:16

I tou nitenega naola'a imam, wal᷊ine ana waugu manga atorannu taumata, arawe wuassu wiakke apan natataṛṛino wuṛṛu tawe panginsueanne.

GALATIA 4:25

Nariaddi, eteudde Hagar Wowon Sinai, su leta'u Arab. I tou pinanumandingannu Soa Yerusalem wuṛṛu anambon tumanangnge apan orassa indi ta'e naola'a allangnga.

GALATIA 3:19

Amungkangu aroddi, ipa'ura titan agama nionggolla? Sasimbakke eteudde manungku tita udde nipanamba tadea'u mapaal᷊iatta'u lal᷊awangngu taumata. Titan agama udde tumba'u ipappaatta ma'oman sara darantan sangkatou papapulunni Abraham, apan nisaggo sulal᷊ummu paairen Duata si Abraham. Titan agama udde niwal᷊o manga mala'ekatta ringannu pal᷊elene sangkatou taumata.

MATIUS 11:28

Rantate ringang-Ku i yamiu sarangkanambone apan nal᷊otakke, wuṛṛu uapendamma winabbawa mawakkatta; i Ya'u sarun mappaaul᷊eng kamiu.

ROMA 7:14

I ite masingkata manungku titan agama Yahudi inasaputanne wuassu Ghaṛṛahon Duata; arawe i ya'u indi taumata lome. I ya'u suete niwal᷊u'a naola'a allangngu rosa.

2 KORINTUS 11:20

I yamiu mangke mammalan taumata mapataṛṛuallangngi yamiu, ara'e mangngapande manaranu wuṛṛu mangnganu auntunganna wuassi yamiu, ara'e mammendama ririne mattanggaṛṛanna wuassi yamiu wuṛṛu waṛṛani mamero si yamiu.

GALATIA 4:8

Dorone i yamiu tawe maaillal᷊a Ruata, ana waugu udde i yamiu naola'a allangngu manga taṛṛino apan iraṛṛangngo ere mawu, arawe ṛinone wal᷊ine Ruata.

GALATIA 4:24

Indi wotongnge ipaatta maola'a sambau sasumandinga. Ruan katou wawine udde, paṛṛimaunnapa darua paaire: sambau wuassu Wowon Sinai – eteudde Hagar; al᷊aṛṛanangnge niasungkanga maola'a allangnga.

IBRANI 5:12

Su ṛinone nia'omante tempone si yamiu maola'a huru, arawe wutte'e yamiu ta'e wotonge pangurumma lai su taumata waine su ola'u al᷊aṛṛa'a paarorone wuassu al᷊aṛṛa'u Ruata. I yamiu taambe maasengkamma anna apan maattika; i yamiu tumba'u wotongnge ma'inumma susu.