GALATIA 4:27 - WUKE SUSI WATTI'U AL᷊AL᷊USASSA

²⁷ Ana waugu sulal᷊ummu Wuke Susi uawoṛṛetta, “Paal᷊al᷊uasse i'o wawine tinna, apan tawe saran paassa nangunsiwe! Lallala'e wuṛṛu paggiote i'o apan saran paassa tawe namendama taddu'a mangngunsiwe! Ana waugu wawine apan tinantangu awingnge sarun maasomba ana'a lembon anamboanne wuassu wawine apan mabbiakka ringannu awingnge.”

GALATIA 4:27 Referans Kwoze

DARALO 113:9

I Tou nangonggolu manga ana'a su awingnga apan tinna, na'ola'a si tou inangnga apan lulluassa wuṛṛu aaddatanna su wal᷊ene. Paddalote Mawu!

1 SAMUEL 2:5

Taumata apan dorone mal᷊aidda ana waugu manambo anna, orassa indi nabbal᷊ite allangnga sassewanna tumba'u ana waugu see maasomba anna. Taumata apan dorone mal᷊unussa, orassa indi nal᷊aidde, anna manambote. Awingnge tinna, orassa indi lullala'a, ana'a pitu buatte niasungkange! Arawe inangnga apan manambo anangnge, nitantangnga, niwalane massusa.

1 TIMOTIUS 5:5

Wawine wal᷊u apan atonna-tonna sassane, wuṛṛu tawe isai-sai apan wotongnge mammadul᷊i si tou, tumba'u uaantimma Ruata. Allo ṛabbi i tou sidutu u'al᷊iomanna su Ruata maddorongnga tul᷊ungan-Ne.

YESAYA 49:21

Ne i'o sarun mabbisara sulal᷊ummu naungnga, ‘Isaite apan nanungkangngu manga ana'a udde si ya'u? Wal᷊inewe i ya'u buatte niawul᷊iannu manga ana'u, wuṛṛu tate mapanungkangnga apia? I ya'u niapidda sulal᷊ummu pamamuanganna wuṛṛu niṛṛae wuṛṛu nitantangnga sassane. Nariaddi wuassuapa manga ana'a udde, wuṛṛu isaite apan nabbuwunna si mangitou?’ ”

2 SAMUEL 13:20

Napawe i Absalom naasilo si tou, i tou naiwal᷊ote, “Apa i Amnon tanginna nandal᷊eo si'o? Uddita'e tuari'u, ariete paṛṛingira'a. I tou uddewe iaangngu, nariaddi arie papasingkata'a hatto udde sisai-sai.” Ana see i Tamar nangindaun batanganne su wal᷊en Absalom, wuṛṛu i tou tumaniten massusa see tumaniten mal᷊annabba.

GALATIA 4:19

Manga al᷊aṛṛana'u arangnguanna! I ya'u orassa indi uatataṛṛanga lai ana waugu i yamiu. I ya'u uatataṛṛanga ere sangkatou inangnga apan uatataṛṛanga su tempo mangunsiwe. I ya'u sidutu sarun matataṛṛanga, amungkangu pallal᷊agun Kristus taambe nusippa su wadangu!