GALATIA 4:18 - WUKE SUSI WATTI'U AL᷊AL᷊USASSA

¹⁸ Atonna mapia amungkangngu maṛṛimada su anambon inolaanna apan mapia, sambal᷊iate sidutu aroddi wuṛṛu arie tumba'u amungkangngu i ya'u su sambau ringanni yamiu.

GALATIA 4:18 Referans Kwoze

FILIPI 2:12

Ana waugu udde, manga tuṛṛangnga apan arangnguanna, su ereapa i yamiu sidutu matuṛṛuta si ya'u su tempo i ya'u uatana'a su pattangnganni yamiu, ne nangillembo orassa indi su tempo i ite mararaute, ṛinone i yamiu sidutu tuttuṛṛuta si ya'u. I yamiu suete nisal᷊amattu Ruata, nariaddi sidutu pammanarate tadea'u paddaramenu maola'a masuungnga. Ola'e udde ringannu addata wuṛṛu tatuṛṛuta su Ruata,

SONDAPPA 3:19

Manga taumata apan arangnguang-Ku, ete i mangitou apan Ta'u tagguanna wuṛṛu wabbal᷊anna. Ana waugu udde ṛinone i yamiu maṛṛimadda mammanara, wuṛṛu awal᷊ute wuassu manga rosanu.

TITUS 2:14

I Tou suete nanantillu watangan-Ne ana waugu i ite wuṛṛu ana waugu mamallosi ite wuassu al᷊awo'u al᷊al᷊eo, wuṛṛu na'ola'a si ite sambau walahanna apan nal᷊iu wuassu al᷊awo'u rosa wuṛṛu tumba'u naola'a pussa'a-Ne sassane, wuṛṛu maṛṛimadda ma'ola'a apapia.

FILIPI 1:27

Ne, apianne orassa indi eteudde manungku i yamiu mabbiakka mapia ere su ipaapulun Watti'u Al᷊al᷊uassa su ola'i Kristus udde. Ringannu aroddi tanne i ya'u wotongnge mappassomban kamiu ara'e tate, i ya'u sarun maaringikka manungku i yamiu siddutu uaaukka wuṛṛu mammanara suaddio'a tumba'u sambau pandumma wuṛṛu sambau apulu; eteudde hunan pangangimanna apan uasul᷊ungngu Watti'u Al᷊al᷊uassa wuassu Ruata udde.

GALATIA 4:13

Asinungka i yamiu ta'e maanaungnga apa apan naa'ola'a si ya'u paarorone namasingkatu Watti'u Al᷊al᷊uassa udde si yamiu. Panattaṛṛanne ana waugu i ya'u nirumadda'a.

1 KORINTUS 15:58

Ana waugu udde, manga tuṛṛangnga apan arangnguanna, ṛinone i yamiu matohassa wuṛṛu sidutu mangngimanna. Pammanarate sidutu su Mawu ringannu atonna-tonna, ana waugu i yamiu masingkatta manungku sarangkanambone apan mammanaranni yamiu udde su Mawu, tawe maholo'a.

DARALO 119:139

Asasa'u erete waṛṛa sulal᷊ummu wadangku ana waugu see'u naabul᷊in al᷊aṛṛang-Ngu.

YOHANES 2:17

Ne manga mallal᷊aṛṛenggen-Ne naanaungnga wageangngu Wuke Susi ereindi, “Naung-Ku su Wal᷊e-Nu, o Ruata, ma'atutungnga naung-Ku.”

YESAYA 59:17

I tou nappaattu atatul᷊idda wuṛṛu asasal᷊amatta ere laubba atta'a wuṛṛu araposa waja. I tou mappulu mangapia olangnge udde wuṛṛu mabbal᷊issa apan tawe su atatul᷊idda.

DARALO 69:9

I ya'u nabbal᷊i ere taumata raho su manga tuṛṛangku, naal᷊ihidda ana'a uata'a su manga iaangku tuari'u.

GALATIA 4:20

I ya'u mal᷊utu atonna matana'a su sambau su wallatti yamiu orassa indi, tadea'u i ya'u wotongnge maggahatto ringanni yamiu ringannu tingikka apan paṛṛalane, ana waugu i ya'u wagga sarun ma'ola'a apa lai ringanni yamiu!

GALATIA 4:17

Manga taumata waine udde ringannu maṛṛimada maddea'a si yamiu, arawe manga pandumanni mangitou lal᷊eo. I mangitou tumba'u maapulu mapatal᷊eing kamiu wua dingani yami, tadea'u i yamiu tumantalongnga si mangitou ringannu maṛṛimada.