GALATIA 4:17 - WUKE SUSI WATTI'U AL᷊AL᷊USASSA

¹⁷ Manga taumata waine udde ringannu maṛṛimada maddea'a si yamiu, arawe manga pandumanni mangitou lal᷊eo. I mangitou tumba'u maapulu mapatal᷊eing kamiu wua dingani yami, tadea'u i yamiu tumantalongnga si mangitou ringannu maṛṛimada.

GALATIA 4:17 Referans Kwoze

ROMA 16:18

Ana waugu manga taumata inolaanne aroddi, wal᷊inewe mammanara manaran Kristus Mawun kite, ewe'e tumba'u mappaal᷊uassu apulu naungngi mangitou sassane. Ringannu sasal᷊o'a wuṛṛu manga wisara apan mapia, i mangitou mammahia manga taumata apan waggan apa-apa.

2 PETRUS 2:3

Ana waugu i mangitou masaṛṛia'u, ne manga huru awusu udde sarun mabatti'a si yamiu manga watti'a iaaṛṛangnge sassane ana see maasomba auntunganna wuassi yamiu. Arawe pamamarikisanna apan maṛṛuumanni mangitou mal᷊annute nissaddia, wuṛṛu papate apan suete nitantuna si mangitou tantal᷊anna uaraṛṛaddo si mangitou.

1 KORINTUS 4:8

Atonna i yamiu maddirite mappandumma manga sarannapa lai! I yamiu naalate! I yamiu naola'e ratu, wuṛṛu i yami tawe. Apiawe eteapa amungkangngu i yamiu atonna-tonna naola'e ratu, tadea'u i yami wotongnge mamarenta su sambau ringanni yamiu.

ROMA 10:2

I ya'u waṛṛani mabbisara manungku i mangitou mal᷊utu atonna mattaṛṛamawu Ruata. Arawe apulun mangitou udde tawe pinangiananne wuassu asingkattu Ruata.

MATIUS 23:15

Nasilakate i yamiu manga hurun agama wuṛṛu manga taumatan Farisi! I yamiu taṛṛa lilangkamal᷊e'a! I yamiu inai massenggotta marau-rau nilumewessa tahal᷊oangnga, wuṛṛu mammal᷊iwutta ammaranne, tumba'u madea'a sangkatou taumata sumutta su agamanu. Wuṛṛu napawe taumata udde uasuttate su agamanu, i yamiu ma'ola'a si tou taumata naraka, apan al᷊al᷊eone paarua wuassu al᷊al᷊eong kamiu sassane!

2 PETRUS 2:18

I mangitou na'ola'a manga papasingkata apan napenen papal᷊onotta wuṛṛu tawe loṛṛone; apulune sussandaga iapaati mangitou ipangal᷊iwu manga taumata apan wakku napallosa wuassu tampan taumata apan mabbiakka su al᷊al᷊eo.

FILIPI 2:21

Sarangkanambone apan waine tumba'u maṛṛingiddu watanganne sassane, wal᷊ine hunan Yesus Kristus.

2 KORINTUS 11:3

Arawe i ya'u sussinggawangnga ṛingiṛṛannu, sarun awono'anna tawe tumuṛṛutta si Kristus, ere Hawa paarorone lai inawono'annu atoanna.

1 KORINTUS 11:2

I ya'u maddalo si yamiu ana waugu i yamiu sidutu mannaungnga si ya'u wuṛṛu tuttuṛṛutta al᷊aṛṛa'a apan ta'u nionggola si yamiu.

1 KORINTUS 4:18

Siri pira taumata wuassu wallatti yamiu namungate, ana waugu i mangitou massunna i ya'u tate rumanta ringanni yamiu.

GALATIA 4:16

Apa i yamiu orassa indi massunna si ya'u ere seetta, ana waugu i ya'u mabatti'u apapia si yamiu?

GALATIA 4:18

Atonna mapia amungkangngu maṛṛimada su anambon inolaanna apan mapia, sambal᷊iate sidutu aroddi wuṛṛu arie tumba'u amungkangngu i ya'u su sambau ringanni yamiu.