GALATIA 4:11 - WUKE SUSI WATTI'U AL᷊AL᷊USASSA

¹¹ I ya'u sussinggawangnga, aṛṛengenne asasaha'u indi si yamiu tawe gunane.

GALATIA 4:11 Referans Kwoze

1 TESALONIKA 3:5

Ana waugu udde i ya'u nandolokki Timotius, ana waugu i ya'u maapulu atonna maasingkata ereapa araṛṛimaddi yamiu mangngimanna si Kristus. I ya'u sussinggawangnga ana waugu Setanna wotongnge mamono'a si yamiu ma'oman sara anambon asasahaddi yami maola'a tate gunane.

GALATIA 2:2

I ya'u inai watukku Yerusalem ana waugu Ruata buatte napaal᷊iatta'a si ya'u manungku i ya'u ṛinone inai. Wuṛṛu sulal᷊ummu sambau ammul᷊anna apan tumba'u ringannu manga piaṛṛangnge poiaroddi, ya'u mannal᷊a'an Watti'u Al᷊al᷊uassa apan iwabatti'u su manga taumata apan wal᷊ine Yahudi. Ana waugu i ya'u maddiri manara'u dorone, ara'e manara'u tempo indi maola'a tawe mangal᷊ene.

2 YOHANES 1:8

Ana waugu udde, paariaggaite arie ma'oman sara i yamiu awul᷊iannu apa apan suete nionggoli yami si yamiu. Paddea'e tadea'u i yamiu manengkamma lal᷊antake wuassu Ruata.

GALATIA 4:20

I ya'u mal᷊utu atonna matana'a su sambau su wallatti yamiu orassa indi, tadea'u i ya'u wotongnge maggahatto ringanni yamiu ringannu tingikka apan paṛṛalane, ana waugu i ya'u wagga sarun ma'ola'a apa lai ringanni yamiu!

1 KORINTUS 15:58

Ana waugu udde, manga tuṛṛangnga apan arangnguanna, ṛinone i yamiu matohassa wuṛṛu sidutu mangngimanna. Pammanarate sidutu su Mawu ringannu atonna-tonna, ana waugu i yamiu masingkatta manungku sarangkanambone apan mammanaranni yamiu udde su Mawu, tawe maholo'a.

WATTI'U MANGA RASUL 16:6

Ghaṛṛahon Ruata tawe namalam Paulus wuṛṛu i Silas mabatti'u wisaran Ruata su leta'u Asia. Nariaddi amamatti tarua nisassukke watukku wageangngu Frigia wuṛṛu Galatia.

YESAYA 49:4

Arawe i ya'u nabbisara, “Asasaha'u tawe gunane; ikka'u niinsue ringannu tawe gunane!” Arawe i ya'u mangimanna Mawu mannamba'a si ya'u, Ruata mabbal᷊issa si ya'u tumuṛṛuttu inolaangku.

GALATIA 4:10

I yamiu mallaghu manga allo, manga wul᷊anna, wuṛṛu manga tonna apan suete nitantunna.

GALATIA 4:12

Manga tuṛṛangnga! I ya'u sumal᷊ande si yamiu tadea'u i yamiu maola'a ere i ya'u. Ana waugu i ya'u lai suete naola'a ere i yamiu. I yamiu tawe na'ola'a pasasal᷊a su saruangku.