GALATIA 3:8 - WUKE SUSI WATTI'U AL᷊AL᷊USASSA

⁸ Wuke Susi buatte na'ellega paarorone manungku Ruata namalanmanga taumata wal᷊ine Yahudi masasangkapia apia ringannu Ruata, amungkangngu i mangitou mangngimanna si Tou. Watti'u Al᷊al᷊uassa udde niapaasingkata paarorone si Abraham sulal᷊ummu paaire indi, “Wuassi'o, Ruata sarun mangal᷊amatta al᷊awo'u walahannu taumata su wowon runia indi.”

GALATIA 3:8 Referans Kwoze

PANDARIADDI 12:3

I ya'u sarun mangal᷊amatta manga taumata apan mangngal᷊amatta si'o wuṛṛu mamontoga manga taumata apan mammontoga si'o. Wuṛṛu ana waugu i'o I ya'u sarun mangal᷊amatta anambon balahanna su runia.”

PANDARIADDI 22:18

Anambon balahanna su runia sarun sumal᷊ande si Ya'u tadea'u i Ya'u mangal᷊amatta si mangitou su ereapa i Ya'u nangal᷊amatta papapulunnu – ana waugu i'o buatte tinumuṛṛutta parenta-U.”

PANDARIADDI 28:14

Papulunnu anambone ere awu su runia. I mangitou sarun manggewalla leta'i mangitou watukku al᷊awo'u tampa, wuṛṛu wua si'o wuṛṛu papapulunnu, i Ya'u sarun mangal᷊amatta anambon balahanna su runia.

PANDARIADDI 26:4

I Ya'u sarun mangonggola si'o ana'a papapulunna anambone ere anumpitanna su langitta, wuṛṛu ahewallu leta'a indi sarun Ta'u ionggola si mangitou. Anambon balahanna su runia sarun sumal᷊ande si Ya'u tadea'u i Ya'u mangal᷊amatta si mangitou ereapa i Ya'u buatte nangal᷊amatta papapulunnu.

PANDARIADDI 18:18

Wal᷊inewe papapulunne apan sarun maola'a balahama apan wahewalla wuṛṛu uataṛṛino? Walinetoe ete ana waugu i tou anambon balahama su runia sarun Ta'u al᷊amatanna?

IBRANI 4:2

Ana waugu Watti'u Al᷊al᷊uassa udde suete niapaasingkata si ite ere lai si mangitou. Arawe si mangitou watti'a udde tawe gunane. Ana waugu su tempo i mangitou naaringikka, i mangitou tawe mangngimanna.

GALATIA 3:22

Arawe sulal᷊ummu Wuke Susi uawoṛṛetta manungku anambon walahannu taumata mangke uatana'a su al᷊ungngu taṛṛinon dosa. Ana waugu udde, aonggola apan pina'ire pinangiananne wuassu mangngimanna Mawu Yesus Kristus nionggolla si mangitou apan mangngimanna.

GALATIA 3:16

Manga paaire Ruata niola'u Ruata si Abraham wuṛṛu lai hunane su taumata papapulunni Abraham. Sulal᷊ummu Wuke Susi tawe uawoṛṛetta “wuṛṛu su manga taumata pappapulunni Abraham”, atappasanne eteudde anambon taumata. Apan uawoṛṛetta isudde eteudde “wuṛṛu hunane su taumata papapulunnu”, atappasanne tumba'u sangkatou, eteudde Kristus.

YOHANES 7:38

Su ola'u taumata apan mangngimanna si Ya'u, uawoṛṛetta sulal᷊ummu Wuke Susi, ‘Wuassu lal᷊ummu naungnge mangngelekka manga aeleṛṛannu ua'e apan mangngonggolu wiakka.’ ” (

PANDARIADDI 49:10

I Yehuda sarun mangagassa ta'innu araratuanna, papapalunne sarun mamarenta saran mal᷊annu-l᷊annu. Manga walahanna sarun mangapiddu aonggolla, wuṛṛu umal᷊intudda ringannu uasuṛṛubbawa su saruanne.

SONDAPPA 11:15

See mala'ekatta appitune nattiuppe trompeti tou, ne su surga niaṛṛingiṛṛante manga tingikka ma'ikkatta apan mabbisara, “Taṛṛino ipamarenta runia orassa indi sulal᷊ummu lima Mawung kite wuṛṛu Ratum Punnu Sal᷊amatta apan suete pina'ire-Ne. I Tou sarun mamarenta saran mal᷊annu-l᷊annu!”

ROMA 9:30

Nariaddi, audusanne iwisara arendi: Manga walahanna waine apan wal᷊ine Yahudi tawe madea'a tadea'u paa'aukki mangitou ringannu Ruata maola'a apia. Arawe ana waugu i mangitou mangngimanna, ne Ruata na'ola'a paa'aukki mangitou ringanni Tou naola'a apia.

ROMA 9:17

Ana waugu sulal᷊ummu Wuke Susi uawoṛṛetta, “Ruata nabbisara su Ratu Mesir, ‘I Ya'u ma'ola'a si'o ratu ana waugu sambau pandumanna indi, eteudde tadea'u ringannu ririnu i Ya'u mapaal᷊iatta'u araratuang-Ku wuṛṛu ma'ola'a arang-Ku asingkatannu lal᷊oṛṛon runia.’ ”

YESAYA 65:9

Sambageanganna taumatan Israel wuassu ṛuanganni Yehuda sarun Ta'u al᷊amatanna, wuṛṛu papapulunni mangitou sarun maapussa'a leta'u panenteang-Ku. Manga taumata nipile-U apan mattaṛṛamawu si Ya'u sarun matana'a poiaroddi.

GALATIA 4:30

Arawe apa apan uawoṛṛetta sulal᷊ummu Wuke Susi? Isudde uawoṛṛetta arendi: “Limbuaṛṛete allangnga wawine udde su sambau ringannu anangnge, ana waugu ana'a wuassu allangnga wawine udde tawe uatahuanna su sambau ringannu ana'a wuassu wal᷊ine allangnga udde.”

WATTI'U MANGA RASUL 2:35

A'iante su samba'an uanang-Ku, ma'oman sara i Ya'u ma'ola'a manga seennu massuṛṛubawa Si'o!’

YOHANES 7:42

Sulal᷊ummu Wuke Susi uawoṛṛetta manungku Ratum Punnu Sal᷊amatta udde sinossoṛṛanne wuassi Daud wuṛṛu sarun dumanta wuassu Betlehem, eteudde soa atatanaanni Daud.”

YESAYA 6:13

Ewe'e amungkangngu suwallattu siri mapul᷊ong katou ta'e pia sangkatou apan uatana'a su wanua udde, i tou lai sarun pateanna. Arawe ere alu nunu'a amungkangngu tuwanganna ta'e pia tuidde, aroddi lai ta'e pia lambene pabbawalaga udde apan maola'a panattaṛṛannu umatta apan na'ukkassa.”

DARALO 72:7

Antimanna atatul᷊idda aatambanna su al᷊o'engngu tempo wuṛṛu paa'ala mannambo su al᷊o'engngu ta'e pia bul᷊anna.

YOHANES 19:37

Sulal᷊ummu Wuke Susi uawoṛṛetta lai: “I mangitou sarun ma'ellega si Tou apan suete niusu'i mangitou.”

YEREMIA 4:2

Amungkangngu i yamiu massalu ringannu arang-Ku wuṛṛu i yamiu mabbiakka su atatul᷊idda su apapia wuṛṛu atonna, ne anambon balahanna sarun sumal᷊ande si Ya'u tadea'u i Ya'u mangal᷊amatta si mangitou, wuṛṛu i mangitou sarun maddalo si Ya'u.”