GALATIA 3:5 - WUKE SUSI WATTI'U AL᷊AL᷊USASSA

⁵ Ruata nangonggolu Ghaṛṛaho-Ne si yamiu wuṛṛu na'ola'a manga al᷊aṛṛindu'a su wallatti yamiu. Apa Ruata na'ola'a udde ana waugu i yamiu mappaamattu titan agama ara'e ana waugu i yamiu maddaringikka Watti'u Al᷊al᷊uassa udde wuṛṛu mangngimanna si Kristus?

GALATIA 3:5 Referans Kwoze

GALATIA 3:2

Annama'a wal᷊oa'a si ya'u inolaanna sambau indi: Apa i yamiu suete nanengkamma Ghaṛṛahon Duata ana waugu mappaamattu titan agama, ara'e ana waugu i yamiu naaringikka Watti'u Al᷊al᷊uassa wuassu Ruata wuṛṛu mangngimanna si Kristus?

2 KORINTUS 13:3

Ne i yamiu sarun maasomba anambon tatialane apan ipaapulun kamiu manungku Kristus atonna-tonna mabbisara si ya'u. Amungkangngu Kristus mamasingkata si yamiu, i Tou tawe mamasingkata ringannu al᷊allome, arawe ṛinone i Tou mapaal᷊iatta'u taṛṛino-Ne su wallatti yamiu.

WATTI'U MANGA RASUL 14:3

Ana waugu udde i Paulus wuṛṛu i Barnabas natana'a mal᷊annu isudde. Wuṛṛu ringannu waṛṛani i mangitou mabatti'u wisara Mawu. Ne Mawu lai napaal᷊iatta'a manungku watti'i mangitou su ola'u darangngu-Ne udde atonna; i Tou nangonggolu taṛṛino si mangitou ma'ola'a al᷊aṛṛindu'a wuṛṛu inolaanna waine.

2 KORINTUS 12:12

Manga al᷊aṛṛindu'a wuṛṛu manga inolaanna apan tumaniten wahewalla wuṛṛu manga manara apan wahewalla buatte niapaasilo ringannu sabare si yamiu, ipattiala manungku i ya'u sangkatou rasul.

2 KORINTUS 10:4

Manga ahidda apan ipappaatti yami sulal᷊ummu manaran kami wal᷊inewe ahidda wuassu runia indi, arawe ahidda wuassu Ruata uataṛṛino. Ringannu manga ahidda udde i yami maṛṛimunsa'a manga tampa mangitou; i yami manniko'u manga patatatiakka

ROMA 15:19

wuṛṛu manga al᷊aṛṛindu'a wuṛṛu manga inolaanna apan wahewalla; sarangkanambone udde wuassu taṛṛinon Ghaṛṛahon Ruata. Watti'u Al᷊al᷊uassa su ola'u Mawu Yesus suete ta'u niapaasingkatta su anambon taumata, nanattaka wuassu Yerusalem na'oman sara watukku Ilirikum.

2 KORINTUS 3:8

asinungka paaola'a paaire apan nionggolu Ghaṛṛaho Ruata nitenega lembo mawantuga lai.

1 KORINTUS 12:10

Su sangkatou nionggol᷊annu taṛṛino ipa'ola'a al᷊aṛṛindu'a wuṛṛu su waine nionggol᷊annu al᷊amatta ipabbatti'u al᷊awo'u pandumannu Ruata. Wuṛṛu su waine lai Ghaṛṛaho udde nangonggolu apande ipamile suapa al᷊amatta wuassu Ghaṛṛahon Duata wuṛṛu suapa apan wal᷊ine. Piaddu nionggol᷊annu apande ipabbisara ringannu al᷊awo'u sasinaukka apan maaṛṛindu'a, wuṛṛu piaddu lai nionggol᷊annu apande ipanal᷊a'a atappasannu manga sasinaukka udde.

ROMA 10:17

Ana waugu udde manga taumata mangngimante ana waugu i mangitou naaringikke watti'a, wuṛṛu watti'a niaringiṛṛana ana waugu pia taumata apan namasingkata su ola'i Kristus.

2 KORINTUS 9:10

Ruata apan nanaddia wualanna su mangangasi'a wuṛṛu pabbawiakki ite. I Tou lai sarun manaddia wuṛṛu mapaanambon hessine apan niasi'i yamiu tadea'u hessin apapian naungngu aatambanna lai.

FILIPI 1:19

ana waugu i ya'u masingkata manungku ringannu manga aal᷊iomannu udde wuṛṛu ringannu sasumbala Ghaṛṛahon Yesus Kristus, i ya'u sarun ipallosa.