GALATIA 3:22 - WUKE SUSI WATTI'U AL᷊AL᷊USASSA

²² Arawe sulal᷊ummu Wuke Susi uawoṛṛetta manungku anambon walahannu taumata mangke uatana'a su al᷊ungngu taṛṛinon dosa. Ana waugu udde, aonggola apan pina'ire pinangiananne wuassu mangngimanna Mawu Yesus Kristus nionggolla si mangitou apan mangngimanna.

GALATIA 3:22 Referans Kwoze

ROMA 11:32

Ana waugu Ruata suete namalan taumata paparentannu lal᷊awangnga, tadea'u i Tou wotongnge mapaal᷊iatta'u darangngu-Ne si mangitou sarangkanambone.

IBRANI 9:15

Ana waugu udde i Kristus naola'a Pal᷊alawenne su sambau paaire apan wakku, tadea'u taumata apan suete niwagoannu Ruata wotongnge manengkamma manga al᷊amatta awasa apan suete pina'iren Ruata. Sarangkanambone udde wotongnge mariaddi ana waugu piateddu nate, eteudde i Kristus; wuṛṛu papate-Ne udde namallosu manga taumata wuassu manga pasasal᷊a apan niola'i mangitou su tempo pa'aire paarorone ta'e ipappa'atta.

GALATIA 3:23

Tantal᷊anna taambe nia'omanna tempone i ite mangngimanna Mawu Yesus Kristus, i ite lal᷊u'arannu titan agama ringannu mapia; i ite naal᷊ihida niṛṛimputa ma'oman sara pangangimanni ite udde lumiatta'a.

1 YOHANES 2:25

Wuṛṛu ete indi apan pina'iren Kristus sassane si ite: wiakka tutune wuṛṛu saran mal᷊annu-l᷊annu.

YOHANES 3:36

Taumata apan mangngimanna Ana'a udde saru maasomba pabbawiakka tutune wuṛṛu saran mal᷊annu-l᷊annu. Arawe taumata apan tawe madaringikka Ana'a udde tawe maasomba wiakke. I tou iṛṛuumannu Ruata sarangkal᷊o'engnge.

YOHANES 12:46

I Ya'u nirumanta su runia indi maola'a sambau asasemakka, tadea'u anambon taumata apan mangngimanna si Ya'u tawe matana'a sulal᷊ummu ararandumma.

YOHANES 5:24

Mangke atonna manga wisara-U indi: Taumata apan madaringikka manga wisara-U wuṛṛu mangngimanna si Tou apan nandolo-U, maatahuanna wiakka tutune wuṛṛu saran mal᷊annu-l᷊annu. I tou tawe iṛṛuumanna; i tou nal᷊iute wuassu papate wuṛṛu naaba'e wiakka.

DARALO 143:2

I ya'u indi allang-Ngu, ariewe i ya'u ṛuunganna, ana waugu tawe taumata apan tawe sal᷊ane su saruan-Nu.

2 PETRUS 3:13

Arawe i ite uaṛṛaddo apa apan suete pina'iren Duata, eteudde langitta wakku wuṛṛu runia wakku, isudde mangke pia atatul᷊idda.

2 PETRUS 1:4

Ringannu olangnge udde Ruata nangonggolu manga al᷊amatta apan wahewalla wuṛṛu maarega si ite apan suete pina'iren Tou. Ringannu manga al᷊amatta udde i yamiu wotongnge mal᷊iu wuassu manga apulu lal᷊eo apan manggohakku runia indi, wuṛṛu i yamiu manengkamma pallal᷊agun Duata.

2 TIMOTIUS 1:1

Timotius, ana'u apan aranguanna! I ya'u Paulus, namoṛṛetu suratta indi si'o, wuṛṛu mangngantimma doronganna Ruata Iamangnga wuṛṛu Mawun kite Kristus Yesus mangonggolu al᷊amatta, darangngu wuṛṛu paddarame si'o. Wuassu apulun Duata, i ya'u nitenega naola'a rasulli Kristus Yesus wuṛṛu nirolokka mamasingkatu wiakka apan pina'iren Duata. Wiakka udde nisengkammi ite ana waugu i ite uaaukka ringanni Kristus Yesus.

GALATIA 3:29

Amungkangngu i yamiu tatahuanni Kristus ne eteudde i yamiu papapulunni Abraham. Ne i yamiu sarun manengkamma apa apan buatte pina'iren Duata.

ROMA 10:9

Ana waugu amungkangngu tuṛṛangnga mangnga'u ringannu moṛṛongngu manungku “Yesus udde Mawu”, wuṛṛu i'o mangngimanna sulal᷊ummu naungngu manungku Ruata buatte napaawiakku Mawu Yesus wuassu papate, i'o sarun masal᷊amatta.

ROMA 5:12

Rosa sinumutta sulal᷊ummu runia wuassu sangkatou taumata, wuṛṛu wuassu rosa udde nilumappute papate. Sombangnge, papate udde nangeṛṛoten anambon taumata, ana waugu sarangkanambone marosate.

ROMA 3:23

Anambon taumata narosate wuṛṛu marauten Duata apan sarun manal᷊amatta si mangitou.

WATTI'U MANGA RASUL 16:31

I Paulus wuṛṛu i Silas sinumimbakka, “Pangngimante Mawu Yesus! I'o saru masal᷊amatta – i'o wuṛṛu anambon taumata sulal᷊ummu wal᷊enu!”

YOHANES 20:31

Arawe sarangkanambone indi niwoṛṛetta, tadea'u i yamiu mangngimanna manungku Mawu Yesus eteudde Ratu Punnu Sal᷊amatta, Ana'u Ruata, wuṛṛu ana waugu mangngimanna si Tou, i yamiu naasomba wiakka.

YOHANES 6:40

Atonna, eteudde apulun Iamang-Ku: Tadea'u anambon taumata maasilo Ana'a wuṛṛu mangngimanna si Tou maasomba wiakka tutune wuṛṛu saran mal᷊annu-l᷊annu, wuṛṛu iapaawiakka apia su Allong Kiamatta.”

GALATIA 3:17

Apan ta'u iwal᷊o isindi eteudde indi: paairen Duata buatte niola'a wuṛṛu niwaidda paarorone. Titan agama apan nionggolla 430 su tonnane wua isudde tawe maawal᷊u paairene wuṛṛu maapappassa paaire Ruata udde.

GALATIA 3:14

Kristus na'ola'a aroddi tadea'u al᷊amatta apan pina'iren Duata si Abraham ionggola lai su manga taumata wal᷊ine Yahudi. Ringannu aroddi i ite lai apan mangngimanna Ruata, wotongnge manengkamma Ghaṛṛaho apan pina'iren Duata udde.

MARKUS 16:16

Taumata apan tawe mangngimanna sarun iṛṛuumanna. Arawe taumata apan mangngimanna wuṛṛu saṛṛanianna, sarun masal᷊amatta.

ROMA 3:22

manungku Ruata ta'e mangngonggolu tempone su taumata maaukka ringanni Tou, tumba'u amungkangngu taumata mangngimanna Mawu Yesus Kristus. Ruata na'ola'a indi hunane su anambon taumata apan mangngimanna si Kristus, ana waugu tawe paṛṛalanne: