GALATIA 3:2 - WUKE SUSI WATTI'U AL᷊AL᷊USASSA

² Annama'a wal᷊oa'a si ya'u inolaanna sambau indi: Apa i yamiu suete nanengkamma Ghaṛṛahon Duata ana waugu mappaamattu titan agama, ara'e ana waugu i yamiu naaringikka Watti'u Al᷊al᷊uassa wuassu Ruata wuṛṛu mangngimanna si Kristus?

GALATIA 3:2 Referans Kwoze

GALATIA 3:14

Kristus na'ola'a aroddi tadea'u al᷊amatta apan pina'iren Duata si Abraham ionggola lai su manga taumata wal᷊ine Yahudi. Ringannu aroddi i ite lai apan mangngimanna Ruata, wotongnge manengkamma Ghaṛṛaho apan pina'iren Duata udde.

WATTI'U MANGA RASUL 15:8

Wuṛṛu Ruata apan masingkattu naungngu taumata suete napaal᷊iatta'a manungku i Tou manengkamma si mangitou; i Tou napaal᷊iatta'u olangnge udde ringannu nangonggolu Ghaṛṛahon Ruata si mangitou ere lai suete nionggolla si ite.

GALATIA 3:5

Ruata nangonggolu Ghaṛṛaho-Ne si yamiu wuṛṛu na'ola'a manga al᷊aṛṛindu'a su wallatti yamiu. Apa Ruata na'ola'a udde ana waugu i yamiu mappaamattu titan agama ara'e ana waugu i yamiu maddaringikka Watti'u Al᷊al᷊uassa udde wuṛṛu mangngimanna si Kristus?

IBRANI 2:4

Su liuddu udde, Ruata mannohassa tatiala manga taumata udde ringannu na'ola'a al᷊awo'u hatin al᷊aṛṛindu'a wuṛṛu manga inolaanna apan bahewalla see lai nattahia manga aonggolu Ghaṛṛahon Ruata tumuṛṛuttu apulu-Ne sassane.

WATTI'U MANGA RASUL 8:15

Napawe i Petrus wuṛṛu i Yohanes na'omate, i mangitou inumal᷊iomannu manga taumatan Samaria udde tadea'u i mangitou maasomba Ghaṛṛahon Ruata,

WATTI'U MANGA RASUL 2:38

I Petrus sinumimbakka, “Awal᷊ute wuassu manga rosanu. Wuṛṛu i yamiu sambau-sambau ṛinone saṛṛanianna su arannu Mawu Yesus Kristus, tadea'u manga rosanu ampunganna. Ne manga tuṛṛangnga sarun manengkamma Ghaṛṛahon Ruata wuassu Ruata.

IBRANI 6:4

Ana waugu, manga taumata apan suete nassinaadu Ruata, tate wotongnge aṛṛaanna apia. I mangitou dorone sulal᷊umpen asasemakka wuassu Ruata, wuṛṛu suete naatemma aonggolu Mawu. I mangitou lai suete niintaṛṛoannu Ghaṛṛahon Ruata.

ROMA 1:17

Ana waugu ringannu Watti'u Al᷊al᷊uassa udde Ruata napaal᷊iatta'a ereapa lal᷊anne paa'aukku taumata ringannu Ruata maola'a apia; lal᷊anne eteudde ringannu mangngimanna Ruata, wuassu panattaṛṛanne saran pangudusanne. Udde ere lai uawoṛṛetta sulal᷊ummu Wuke Susi, “Taumata apan mangngimanna Ruata ma'oman sara paa'aukka ringannu Ruata maola'a mapia, taumata udde sarun masal᷊amatta!”

1 PETRUS 1:12

Su manga nabi udde Ruata namasingkata manungku apa apan a'olaanni mangitou, wal᷊ine hunane si mangitou, ewe'e hunane si'o; eteudde manga inolaanna apan orassa indi aaringiṛṛani yamiu ringannu masemakka wuassu mabbawatti'u Watti'u Al᷊al᷊uassa su ola'i Yesus Kristus. I mangitou namasingkatu manga olangnge udde si yamiu ringannu taṛṛino Ghaṛṛahon Duata apan niapaapida wuassu surga. Wuṛṛu lai manga mala'ekatta maapulu lai maasingkata watti'a apan iapaasingkati mangitou udde.

2 KORINTUS 11:4

Ana waugu ellehanna i yamiu mal᷊uassa manarimmattu taumata apan rumanta ringannu wuṛṛu mangngaṛṛa'u Mawu Yesus waine – wal᷊ine Mawu Yesus apan niapaasingkati yami si yamiu. Wuṛṛu i yamiu lai mal᷊utu manal᷊oho ghaṛṛaho wuṛṛu “watti'u al᷊al᷊uassa” apan uapapaṛṛalan Ghaṛṛahon Duata wuṛṛu Watti'u Al᷊al᷊uassa apan suete nitarimmatti yamiu wuassi yami.

1 KORINTUS 9:21

Su saruannu taumata wal᷊ine Yahudi, ya'u mattingkaola'a naal᷊ihida taumata wal᷊ine Yahudi, apan mabbiakka su liuddu titan Musa. I ya'u na'ola'a udde tadea'u i ya'u wotongnge maawol᷊engnga si mangitou maola'a mallal᷊aṛṛenggenni Kristus. Arawe udde tawe'e manungku i ya'u tawe tumuṛṛutta manga parentan Duata; arawe i ya'u sidutu iappiaṛṛa'u manga parenta wuassi Kristus.

GALATIA 3:3

Anio i yamiu aroddi awoddone! I yamiu mannattake mabbiakka wakku ringannu Ghaṛṛahon Duata, ṛatadde orassa indi yamiu maapulu maasomba asasuungnga wuassu auatannu sassane?

IBRANI 4:2

Ana waugu Watti'u Al᷊al᷊uassa udde suete niapaasingkata si ite ere lai si mangitou. Arawe si mangitou watti'a udde tawe gunane. Ana waugu su tempo i mangitou naaringikka, i mangitou tawe mangngimanna.