GALATIA 3:17 - WUKE SUSI WATTI'U AL᷊AL᷊USASSA

¹⁷ Apan ta'u iwal᷊o isindi eteudde indi: paairen Duata buatte niola'a wuṛṛu niwaidda paarorone. Titan agama apan nionggolla 430 su tonnane wua isudde tawe maawal᷊u paairene wuṛṛu maapappassa paaire Ruata udde.

GALATIA 3:17 Referans Kwoze

PANDARIADDI 15:13

Mawu nabbisara si tou, “Paanaunge, papapulunnu sarun mabbal᷊i taumata raho su wanua waine; i mangitou sarun maola'a allangnga poiaroddi wuṛṛu sarun mattaṛṛuallangnga appattu ṛasutta su tonnane al᷊annune.

2 KORINTUS 1:20

Ana waugu sulal᷊ummi Tou Ruata suete nabbisara “Ore” su al᷊awo'u paaire-Ne. Ana waugu udde i ite mabbisara “Amin” su Ruata ana waugu Yesus Kristus. I yami na'ola'a aroddi tadea'u Ruata wantuhanna.

ROMA 3:3

Arawe ereapa amungkangngu sambageanganna taumatan Yahudi tawe tumuṛṛutta? Apa ana waugu Ruata tawe umakkanna?

KOLOSE 2:4

I ya'u namasingkatu indi tadea'u i yamiu tawe awahianni sai-sai apan pande mamal᷊onotta si yamiu.

GALATIA 5:4

Amungkangngu i yamiu maapulu masasangkapia apia ringannu Ruata wuassu lal᷊ummu titan agama, udde atappasanne paa'aukku ringanni Kristus nabassute. Ringannu aroddi yamiu mabbiakka su liuddu darangngun Ruata.

GALATIA 3:15

Manga tuṛṛangnga! Mappianne i ya'u mappaamattu sambau tul᷊adda wuassu apa apan buatte niapendamanna miallo-miallo. Amungkangngu taumata ma'ola'a sambau paaire wuṛṛu paaire udde buatte nia'u su sambau, ne tawe saran sangkatou apan wotongnge mamal᷊u paaire udde, ara'e manamba paaire udde.

1 KORINTUS 1:17

Kristus nandolo'u wal᷊ine iapasaṛṛani taumata, ewe'e iapapasingkatu Watti'u Al᷊al᷊uassa wuassu Ruata; wuṛṛu udde lai sarun ta'u olaanna ringannu tawe mappaattu apande mabbisara ere ola'u taumata, tadea'u taṛṛino wuassu papateng Kristus su alu arussa maola'a pia gunane.

YOHANES 1:17

Tita Mawu, nisengkammi ite wuassi Musa. Arawe darangngu wuṛṛu tatal᷊antupu Ruata niapaal᷊iatta'a sulal᷊ummi Yesus Kristus.

YESAYA 14:27

Mawu Apan Lembontaṛṛino buatte nakkawessa ma'ola'a ereudde, i tou nani'akke pulal᷊an-Ne ipakkuumanna, wuṛṛu taweddu sarang sangkatou wotongnge maasingaddi Tou.

1 PETRUS 1:20

Kristus nipilen Duata ro'en runia indi taambe niriaddi. Wuṛṛu su miallo-miallo maddanin panginsueannu tempo indi, Tou nirumanta su runia tadea'u i yamiu iapaasal᷊amatta.

IBRANI 11:13

Anambon taumata udde sidutu mangngimanna ma'oman sara mate. I mangitou tawe naasengkamma manga inolaanna apan pina'iren Ruata, arawe tumba'u ma'ellega wuṛṛu mannal᷊oho wuassu marau. Wuṛṛu ringannu udde i mangitou nabbal᷊o manungku i mangitou tumba'u taumata raho wuṛṛu mamamal᷊intadu runia indi.

IBRANI 7:18

Nariaddi, orassa indi atoranna apan tabbe tate saileanna, ana waugu lomete wuṛṛu tate gunane.

EFESUS 4:17

Ana waugu udde ringannu arannu Mawu, ete indi apan ta'u iwal᷊o wuṛṛu ipanohassa: ariete lai mabbiakka ere taumata apan tawe maaillal᷊a Ruata, wuṛṛu maṛṛingiddu runia indi.

GALATIA 3:21

Apa udde atappasanne manungku titan agama uapapaṛṛalan paaire Ruata? Tawe! Ana waugu amungkangngu titan agama nionggolla maola'a lal᷊annu wiakku taumata, ne taumata wotongnge masasangkapia Ruata ringannu lal᷊anne tumuṛṛutta titan agama.

2 KORINTUS 9:6

Paanaunge! Taumata apan mangngasi'u wualanna mampaadio'a, sarun mangitingnga hessine adio'a lai. Arawe taumata apan mangngasi'u wualanna manambo-nambo sarun mangitingnga lai hessine manambo.

1 KORINTUS 10:19

Apa pandumangku su olangnge udde? Paal᷊uanna ara'e lai anna apan ipassubba paal᷊uanna udde tawe gunane saran kadio'a.

1 KORINTUS 7:29

Pandumangku arendi, manga tuṛṛangnga: I ite tate tempone lai manambo. Manattaka orassa indi, suapan taumata apan piate awingnge, ṛinone i tou mabbiakka naal᷊ihida ere tawe awingnga;

1 KORINTUS 1:12

Pandumangku eteudde manungku su wallatti yamiu piaddu mabbisara, “I ya'u tumantalongnga si Paulus,” piaddu lai mabbisara, “I ya'u tumantalongnga si Apolos,” waine lai mabbisara, “I ya'u tumantalongnga si Petrus,” waine lai mabbisara, “I ya'u tumantalongnga si Kristus.”

ROMA 3:25

Ruata nanantillu Mawu Yesus tadea'u ringannu papate-Ne udde taumata iapaal᷊iatta'a mapallosa wuassu pasasal᷊a amungkangngu i mangitou mangngimanna si tou. Ruata na'ola'a aroddi ana mapaal᷊iatta'u atatul᷊ide. Ana waugu su tempo nal᷊iu Ruata buatte nanabare manga rosan taumata, na'oman sara i Tou tate naṛṛuumanni mangitou.

WATTI'U MANGA RASUL 7:6

Arawe indi bawal᷊on Ruata si tou, ‘Papapulunne sarun matana'a ere taumata raho su wanuan taumata waine. Manga tumana'u wanua udde sarun mangallangnga si mangitou wuṛṛu ma'ola'a si mangitou maṛṛagisa appatu ṛasutta su tonnane al᷊annune.

YESAYA 28:18

Pa'airenu ringannu papate wuṛṛu riandinu ringannu runian papate sarun tawe iapasakkuta, ma'oman sara napawe asasilaka rumanta, i yamiu mapussa'a sassal᷊idananna.

DARALO 33:10

Mawu nanal᷊are hol᷊agu manga walahanna, i Tou napaawul᷊i apulun mangitou.

AYUB 40:8

Apa i ya'u massinaaddu atatul᷊i-U, wuṛṛu mapaaṛṛinon watangannu ringannu mapasal᷊a-U?

REENGANNA 30:8

Arawe amungkangngu awingnge su tempo naaringikka naningaddi tou, ne i tou tawe aiitannu riandine wuṛṛu pa'airene udde. Mawu sarun mangampungnga si tou.

REENGANNA 23:19

Ruata tawe ere taumata apan hampa sumassilla wuṛṛu apulune mangngawusu. Amungkangngu Ruata maddiandi i Tou sarun mangatonna! Napawe i Tou mabbisara, udde sarun matipussa!

PANDARIADDI 17:19

Arawe Ruata nabbisara, “Tawe, i Sara awingngu sarun manungkangngu ana'a esakka wuṛṛu aranne sarun isagonu i Ishak. I Ya'u sidutu uaagassa paaire-U su ana'a udde wuṛṛu ringannu papapulunne saran mal᷊annu-l᷊annu. Pa'aire udde tawe pangudusanne.

PANDARIADDI 15:18

Su tempo udde lai Mawu na'ola'a pa'aire ringanni Abram. Mawu nabbisara, “I Ya'u maddiandi sarun mangonggolla su papapulunnu ahewallu leta'a indi, manattakka wuassu passarannu wanua Mesir maddatingngu sal᷊ukku Efrat,

GALATIA 5:16

Pandumangku arendi: Wala'e Ghaṛṛahon Duata mangehetta si yamiu wuṛṛu ariewe mabbiakka tumuṛṛutta apulun pallal᷊agun taumata.

DARALO 105:9

Paaire udde niolang-Nge si Abraham, wuṛṛu wua'udde si Ishak;

EFESUS 2:12

Su tempo udde i yamiu tawe uaaukka ringanni Kristus, i yamiu taumata lo'a apan tawe nasutta su walahanna apan nipile Ruata. I yamiu tawe nasutta sulal᷊ummu paaire apan niola'u Ruata ringannu pabbawala-Ge. I yamiu mabbiakka sulal᷊ummu runia indi tawe antimma wuṛṛu tawe Ruata. I yamiu tawe nasutta sulal᷊ummu paaire apan niola'u Ruata ringannu walahanna-Ne. I yamiu mabbiakka sulal᷊ummu runia indi tawe antimma wuṛṛu tawe Ruata.