GALATIA 3:16 - WUKE SUSI WATTI'U AL᷊AL᷊USASSA

¹⁶ Manga paaire Ruata niola'u Ruata si Abraham wuṛṛu lai hunane su taumata papapulunni Abraham. Sulal᷊ummu Wuke Susi tawe uawoṛṛetta “wuṛṛu su manga taumata pappapulunni Abraham”, atappasanne eteudde anambon taumata. Apan uawoṛṛetta isudde eteudde “wuṛṛu hunane su taumata papapulunnu”, atappasanne tumba'u sangkatou, eteudde Kristus.

GALATIA 3:16 Referans Kwoze

ROMA 4:13

Ruata na'ire si Abraham wuṛṛu walahanne manungku runia indi sarun maola'a pussa'an Abraham. Ruata na'ire aroddi wal᷊ine ana waugu Abraham matuṛṛutta titan agama Yahudi, arawe ana waugu i tou mangngimanna Ruata na'oman sara i tou tinarimmattu Ruata maola'a sangkatou taumata apan maal᷊uassa naung-Nge.

LUKAS 1:55

Mawu tawe maabul᷊im pa'aire-Ne, i Tou marangngu si Abraham wuṛṛu papapulunne ma'oman sara mal᷊annu-l᷊annu.”

ROMA 4:16

Nariaddi paairen Duata udde pinangaiananne wuassu pangangimannu taumata su Ruata. Udde maola'a sambau paaire su anambon walahanni Abraham manungku paaire udde nionggola si mangitou maola'a sambau aonggola apan tawe bawal᷊inne wuassu Ruata; wal᷊ine tumba'u si mangitou apan matuṛṛutta titan agama Yahudi, arawe si mangitou lai apan mangngimanna Ruata ere Abraham mangngimanna si tou. Ana waugu ete Abraham udde iamangngi ite sarangkanambone, su ola'u pangangimanna.

PANDARIADDI 12:7

Mawu naipasilon batangan-Ne si Abram wuṛṛu nabbisara si tou, “Ete indi wanua apan Ta'u ionggolla su papapulunnu.” Ana see i Abram napararisikku sambau mezbah hunan Mawu apan buatte naipabilon batangan-Ne si tou.

GALATIA 3:8

Wuke Susi buatte na'ellega paarorone manungku Ruata namalanmanga taumata wal᷊ine Yahudi masasangkapia apia ringannu Ruata, amungkangngu i mangitou mangngimanna si Tou. Watti'u Al᷊al᷊uassa udde niapaasingkata paarorone si Abraham sulal᷊ummu paaire indi, “Wuassi'o, Ruata sarun mangal᷊amatta al᷊awo'u walahannu taumata su wowon runia indi.”

PANDARIADDI 12:3

I ya'u sarun mangal᷊amatta manga taumata apan mangngal᷊amatta si'o wuṛṛu mamontoga manga taumata apan mammontoga si'o. Wuṛṛu ana waugu i'o I ya'u sarun mangal᷊amatta anambon balahanna su runia.”

WATTI'U MANGA RASUL 3:25

Manga pa'airen Ruata apan niapaasingkattu manga nabi, eteudde huna manga tuṛṛangnga. Sulal᷊ummu pa'aire apan niola'u Ruata su iupungngu al᷊amonanu, Ruata nabbisara si Abraham arendi, ‘Wuassu papapulunnu, i Ya'u sarun mangal᷊amatta al᷊awo'u taumata su runia.’ Pa'aire udde hunane si yamiu lai.

PANDARIADDI 21:12

Arawe Ruata nabbisara si Abraham, “Arie i'o suminggawangu allangngu i Hagar wuṛṛu anangnge udde. Tuṛṛutete apulun Sara, ana waugu ete wuassi Ishak i'o sarun maasomba papapulunna apan Ta'u pina'ire udde.

KOLOSE 3:11

Ana waugu wuassu inolaanna udde, nawul᷊ite al᷊awo'u apendamma mappapaṛṛalan taumatan Yahudi wuṛṛu wal᷊ine Yahudi, taumata nisunatta wuṛṛu taumata tawe nisunatta, tate lai paṛṛalane su wallatu taumata raho wuṛṛu taumata woddo; su wallatu allangnga wuṛṛu wal᷊ine allangnga, ana waugu Kristus uddewe uatahuanna sarangkanambone, wuṛṛu i Tou uaaukka ringanni mangitou sarangkanambone!

PANDARIADDI 15:5

Mawu nangapiddi Abram su liudde ana see nabbisara si tou, “Paningngarate langitta, wuṛṛu annama'o pandeengngu manga anumpitanna; i'o sarun manahuanna papapulunna anambone ere manga anumpitanna udde.”

1 KORINTUS 12:27

Tuṛṛangnga sarangkanambone apan suadio'a, eteudde wadangngi Kristus wuṛṛu i yamiu sambau-sambau lai eteudde wageangnge wuassu wadangnga udde.

1 KORINTUS 12:12

Eteudde Kristus naola'a wadangngu taumata; wadangnga udde sambau, arawe naola'a wuassu manambo wageangnge. Anambon wageangnge udde, salaiwe manambo, naola'a wadangnga sambau.

ROMA 12:5

Aroddi lai matataṛṛino si ite. Salaiwe i ite sarangkanambone manambo, arawe i ite naola'a wadangnga sambau ana waugu i ite su sambau ringanni Kristus. Wuṛṛu i ite sambau-sambau uaaukka su sambau ringannu waine maola'a wageangnga wuassu wadangnga sambau.

PANDARIADDI 49:10

I Yehuda sarun mangagassa ta'innu araratuanna, papapalunne sarun mamarenta saran mal᷊annu-l᷊annu. Manga walahanna sarun mangapiddu aonggolla, wuṛṛu umal᷊intudda ringannu uasuṛṛubbawa su saruanne.

KOLOSE 2:19

na'oman sara tate mangngimanna si Kristus apan naola'a tembonanne. Su al᷊ungngu piaṛṛa'i Kristus, ahewallu wadanga papadul᷊iananna wuṛṛu niammulla manga latto'anne, see tinumuwo tumuṛṛuttu apulun Duata.

EFESUS 5:32

Tatialane udde pia atappasanne apan malal᷊umma. Wuṛṛu ta'u isumandinga ringannu paa'aukki Kristus wuṛṛu jamaatta.

MATIUS 1:1

Ete indi arannu iupungngu al᷊amona Mawu Yesus Kristus, papapulunni Daud, papapulunni Abraham. Wuassi Abraham na'oman sara i Daud, arannu manga iupungngu al᷊amona Mawu Yesus Kristus ereindi:

ROMA 9:4

Ete i mangitou udde walahanna apan nipile wuṛṛu Ruata nanga'u si mangitou maola'a al᷊aṛṛanang-Nge sassane, lapiddu napaal᷊iatta'u taṛṛino-Ne si mangitou. I Tou na'ola'a paaire si mangitou wuṛṛu nangonggolu titan agama si mangitou. Ruata namasingkata si mangitou ereapa i mangitou ṛinone mattaṛṛamawu wuṛṛu i mangitou suete nanengkamma lai manga paaire-Ne.

2 KORINTUS 11:22

I mangitou taumatan Ibrani? I ya'u lai taumatan Ibrani. I mangitou taumatan Israel? I ya'u lai taumatan Israel. Papapulunni Abraham i mangitou? I ya'u lai aroddi ere i mangitou!

GALATIA 3:19

Amungkangu aroddi, ipa'ura titan agama nionggolla? Sasimbakke eteudde manungku tita udde nipanamba tadea'u mapaal᷊iatta'u lal᷊awangngu taumata. Titan agama udde tumba'u ipappaatta ma'oman sara darantan sangkatou papapulunni Abraham, apan nisaggo sulal᷊ummu paairen Duata si Abraham. Titan agama udde niwal᷊o manga mala'ekatta ringannu pal᷊elene sangkatou taumata.