GALATIA 3:13 - WUKE SUSI WATTI'U AL᷊AL᷊USASSA

¹³ Arawe Kristus namallosi ite wuassu awawontogu titan agama. I Tou na'ola'a udde ringannu namalan watangan-Ne awontohanna ana waugu i ite. Ana waugu sulal᷊ummu Wuke Susi uawoṛṛetta, “Niawontohante taumata apan nate niele su alu pangangeleanna.”

GALATIA 3:13 Referans Kwoze

1 PETRUS 2:24

Kristus sassane namasanna manga rosan kite su watangan-Ne roso su alu arussa, tadea'u i ite mapallosa wuassu taṛṛinon dosa, wuṛṛu mabbiakka tuttuṛṛuta apulun Duata. Ete manga lessan Kristus apan nangapia si yamiu.

TAHIUL᷊E 21:23

winal᷊unanna udde tawe wotongnge iwala isudde su al᷊o'engngu ṛabbi, arawe ṛinone ilabbingnga allo udde lai. Winalunanna apan ua'ele udde, mandantan bontogu Mawu Ruata su wanua udde. Nariaddi, labbinga'e winal᷊unanna udde tadea'u i yamiu tawe mandal᷊eo wanua apan nionggolu Mawu Ruatanu si yamiu.

IBRANI 9:12

Mawu Yesus sinumutta su Wabbo'a Lembon Susi sulal᷊ummu rasanna udde tumba'u paassa ma'oman sara mal᷊annu-l᷊annu. Su tempo udde i Tou tawe nangapiddu ṛaṛṛang kambinga esakka ara'e ṛaṛṛan ana'u sapi olaanna sassamba; i Tou nangapiddu ṛaṛṛan Tou sassane, wuṛṛu ringannu udde i Tou nanubusa rosang kite saran mal᷊annu-l᷊annu.

IBRANI 9:15

Ana waugu udde i Kristus naola'a Pal᷊alawenne su sambau paaire apan wakku, tadea'u taumata apan suete niwagoannu Ruata wotongnge manengkamma manga al᷊amatta awasa apan suete pina'iren Ruata. Sarangkanambone udde wotongnge mariaddi ana waugu piateddu nate, eteudde i Kristus; wuṛṛu papate-Ne udde namallosu manga taumata wuassu manga pasasal᷊a apan niola'i mangitou su tempo pa'aire paarorone ta'e ipappa'atta.

SONDAPPA 5:9

I mangitou mangngantarin sambau antari apan bakku: “I'o wotongnge manganu wuke udde wuṛṛu mamesangnga manga segelene. Ana waugu I'o suete nipate, wuṛṛu ringannu papate-Nu, taumata wuassu al᷊awo'u ṛuanganna wahasa, araratuanna, wuṛṛu walahanna suete niwallian-Nu hunane su Ruata.

MATIUS 26:28

Ana waugu indi ṛaṛṛa-U apan mannohassa pa'airen Ruata ṛaṛṛa apan niapaturo ana waugu taumata nambo wuṛṛu ipangampungnga rosa mangitou.

GALATIA 4:5

Ringannu aroddi i Tou namallosu manga taumata apan mabbiakka su al᷊ungngu parentan titan agama; tadea'u i ite lai wotongnge maola'a al᷊aṛṛana'u Ruata.

SONDAPPA 1:5

wuṛṛu wuassi Yesus Kristus, mattatiala apan matuṛṛuta. Ete i Tou apan paarorone niapaawiakka apia wuassu papate wuṛṛu ete i Tou ahebbal᷊anne uaparenta manga ratun runia. Mawu Yesus mandangngu si ite, wuṛṛu ringannu papate-Ne, i Tou napaal᷊iung kite wuassu manga rosang kite,

1 YOHANES 4:10

Ete indi aakkanna: Wal᷊ine i ite apan suete niumakkannu Ruata, arawe Ruata apan niumakkanni ite wuṛṛu nandolokku Anang-Nge tadea'u wuassi Tou i ite maasomba aampungu rosan kite.

1 PETRUS 3:18

Ana waugu Kristus sassane nate tumba'u paassa, ma'oman sara mal᷊annu-l᷊annu ana waugu rosan taumata – sangkatou apan tawe sal᷊ane, nate hunan taumata apan nassal᷊a. Kristus naola'a udde tadea'u i Tou wotongnge mangehetta si yamiu ringannu Ruata. I Tou nipate su ola'u wadanga arawe niaapawiakka apia su ola'u Ghaṛṛaho.

IBRANI 9:28

Aroddi lai i Kristus tumba'u paassa tinantilla maola'a sasamba ipanubussa rosan anambon taumata. I Tou sarun dumanta apia su aruane, wal᷊ine manginsue hatton paddarosa, arawe manal᷊amatta manga taumata apan uaraṛṛaddo daranta-Ne.

IBRANI 9:26

Ana waugu amungkangu aroddi, udde atappasanne i Tou masokkate matataṛṛanga ro'en runia indi niriaddi. Arawe wutte'e, orassa indi su tempo apan panginsueanne indi, i Tou nirumanta tumba'u paassa mamappasa rosa ringannu nanantillu wadang-Nge sassane.

TITUS 2:14

I Tou suete nanantillu watangan-Ne ana waugu i ite wuṛṛu ana waugu mamallosi ite wuassu al᷊awo'u al᷊al᷊eo, wuṛṛu na'ola'a si ite sambau walahanna apan nal᷊iu wuassu al᷊awo'u rosa wuṛṛu tumba'u naola'a pussa'a-Ne sassane, wuṛṛu maṛṛimadda ma'ola'a apapia.

GALATIA 3:10

Manga taumata apan uatundeeta su titan agama, sarangkanambone mabbiakka su al᷊ungngu awawontoga. Ana waugu sulal᷊ummu Wuke Susi uawoṛṛetta, “Taumata apan tawe tumuṛṛutta mappaamattu sarangkanambone apan uawoṛṛetta sulal᷊ummu Wuke Titan Agama, awontohannu Ruata!”

2 KORINTUS 5:21

Kristus tawe pasasal᷊ane, arawe Ruata na'ola'a si Tou uapasanna rosan kite, tadea'u i ite maaukka apia ringannu Ruata ana waugu susambau ringanni Kristus.

WATTI'U MANGA RASUL 5:30

Mawu Yesus, apan niarussang kamiu suete niapaawiakku Ruata iupungngu al᷊amonang kite apia wuassu papate.

DANIEL 9:24

Pitu ikali pitun pul᷊o su tonnane eteudde tempo apan nitantunnu Ruata ipamallossu walahannu wuṛṛu soanu apan susi udde wuassu rosa wuṛṛu al᷊el᷊eo. Al᷊awo'u rosa sarun ampunganna wuṛṛu atatul᷊idda apan saran mal᷊annu-l᷊annu sarun iaparisikka, na'oman sara sondappa wuṛṛu ramalanna udde sarun asingkatanna, wuṛṛu Wal᷊en Mawu apan susi udde sarun pattaṛṛamawuanna apia su Mawu.

ROMA 4:25

Mawu Yesus udde buatte tinantilla iapapate ana waugu manga rosan kite, see i Tou niapaawiakku Ruata apia, tadea'u i ite maaukka apia ringannu Ruata.

EFESUS 5:2

Wiakku ṛinone aintaṛṛoannu darangngu, ere lai Kristus marangngu si ite. I Tou nanantillu watangan-Ne ana waugu i ite, maola'a sambau sasamba apan mawangngi wuṛṛu maal᷊uassa naungngu Ruata.

ESTER 7:10

Etearoddi Haman nihantongnga su diṛṛi apan buatte niolangnge panggantonganni Mordekhai. Wua'udde nompo'e asasa'un datu.

2 MARARATU 22:19

i'o sumassilla wuṛṛu sumallungu watangannu su saruang-Ku. I Ya'u buatte namansaga makkuumannu Yerusalem wuṛṛu tumanange. I Ya'u sarun ma'ola'a soa udde sambau tampa aellehanna wuṛṛu ma'ata'utta, wuṛṛu aranna Yerusalem sarun maola'a aranna awawontoga. Arawe sutempo i'o naaringikka i Ya'u mammansaga udde, i'o nilumuai wuṛṛu nanggesa'a laungu tatialan massusa. I Ya'u buatte naddaringikka aal᷊iomannu,

ROMA 9:3

ana waugu manga tuṛṛangnga sambalahangku. Ana waugu ete si mangitou, i ya'u sassane mal᷊uassa wontohannu Ruata wuṛṛu iapaatal᷊ei wuassi Kristus.

2 SAMUEL 18:10

Sangkatou wuassu tantaran Daud naasilo, ne i tou inaite nabbal᷊o si Yoab, “Tuangnga, tanginna i ya'u naasilo i Absalom ua'ele su alu masallakka!”

SONDAPPA 13:8

Winatangnga udde sarun subbannu anambon taumata apan mabbiakka su wowon runia indi, tabbene'e manga taumata apan aranne niwoṛṛeta tantal᷊anna runia indi taambe nariaddi, sulal᷊ummu wuken taumata wiakka pussa'an Ana'u Domba apan suete nipototta.

MATIUS 27:5

I Yudas nallombon doitta udde sulal᷊ummu Wal᷊e Mawu, see napul᷊e wuṛṛu nangelen batanganne.

DANIEL 9:26

Su panginsueannu tempo udde piaṛṛa'a nipilen Duata udde sarun pateanna, sumbal᷊i i tou tawe sal᷊ane. Ne nirumantate tantaran sangkatou ratu apan matohassa, ana see nakkimunsa'e soa Yerusalem see lai Wal᷊en Mawu. Panguddusannu tempo udde sarun rumanta manawangnga apan mangapiddu pangalo wuṛṛu araṛṛimunsa'a, ere buatte nitantunnu Ruata.

YEREMIA 49:13

I Ya'u massalu ringannu arang-Ku sassane manungku soa Bozra sarun maola'a tampa apan ma'ata'utta apan nitantangngu taumata. Taumata sarun lumagene wuṛṛu mappaattu aranne maola'a wawontoga. Anambon ampungnga maranine sarun mabbal᷊i winal᷊alanna saran mal᷊annu-l᷊annu. I Ya'u, Mawu, buatte nabbisara.”

YEREMIA 44:22

Mawu tate maataṛṛangnga lai ma'ellega si yamiu mangngonggollu sasamba su manga mawu waine. Pallal᷊agunu udde lal᷊eo maarantinna. I yamiu narosa su lantakku hati Mawu wuṛṛu tawe tumuṛṛutta manga parenta-Ne. Ana waugu udde orassa indi lai wanuanu naṛṛimunsa'e na'oman sara tate atanaanna apia, wuṛṛu aranne iapaatta maola'a wawontoga. Taumata apan naasilo naapendamma atata'utta.”

2 SAMUEL 21:3

wuṛṛu naiwal᷊o si mangitou, “Apate apan botongnge ta'u olaanna si yamiu? I ya'u mappulu mamaekka pasasal᷊a apan buatte niola'a si'o, tadea'u i yamiu mangal᷊amatta al᷊aṛṛana'u Mawu.”

ZAKARIA 13:7

Mawu Apan Lembontaṛṛino nabbisara, “Darisikke, ei hal᷊ele, wuṛṛu pangaloite mallal᷊u'adda apan mammanara ringang-Ku! Patete i tou, ne manga domba sarun massal᷊iawukka. I Ya'u sarun mamangalo uma-U,

ESTER 9:14

Ana see ratu nangonggollu parenta tadea'u mapaamattu darorongngi Ester; suratta parenta su soa Susan niapasabbangnga wuṛṛu winal᷊unannu siri mapul᷊o ana'i Haman nihantongnga.

2 SAMUEL 17:23

Napawe i Ahitofel naasunna manungku tatantirone tawe niraringiṛṛanna, i tou nandiahite keledaine wuṛṛu napul᷊ete watukku soane sassane. Napawe manarane nuddusse i tou nattingka'elen batanganne, ana see nilabbingke su labbingngu walahanne.

2 SAMUEL 21:9

I mangitou tinantilla su manga taumatan Gibeon, ana see siri pitu taumata udde nate suadio'a niele su wuidda su saruannu Mawu. Ṛuumanna pateanna udde niapaamatta su panginsueannu tempo rongnga mallal᷊uwo napawe jelai itingante.